Blloku Politikë

Komisioni për marrëdhëniet me Jashtë në Senatin Amerikan ktheu tek presidenti Trump kandidaturën e Kathleen Ann Kavalec për ambasadore të Shteteve të Bashkuara në Shqipëri.

Kandidatura e saj ka qëndruar në pritje për shqyrtim në Komisionin e Jashtëm që prej 9 korrikut 2018 kur u propozua zyrtarisht nga presidenti Donald Trump.

Refuzimi ngre akoma më shumë pikëpyetje pasi Komisioni i Jashtëm i Senatit kontrollohet nga republikanët dhe jo nga demokratët.

Marrëveshja mes Shqipërisë dhe Greqisë për kërkimin, zhvarrimin, identifikimin dhe varrimin e ushtarakëve grekë të rënë në vendin tonë gjatë luftës greko-italiane(vërejtje: në përgjithësi historiografia shqiptare e ka njohur si lufta italo-greke) të viteve 1940-1941, parashikon ndërtimin edhe të një varreze tjetër në Dragot të Tepelenës.

Qeveria shqiptare planifikon ndryshimin e ligjit për shtetësinë. Në një vendim të Këshillit të Ministrave që titullohet “Për miratimin e programit të përgjithshëm analitik të projektakteve, që do të paraqiten për shqyrtim në Këshillin e Ministrave gjatë vitit 2019”, është parashikuar që gjatë katërmujorit të parë të vitit 2019 të futet në rend dite për shqyrtim edhe projektligji për shtetësinë. VKM-ja I cakton si detyrë ministrit të Brendshëm që të bëjë propozimin me synim kryesor:

Ikja e ministrit të Jashtëm grek Nikos Kotzias la disi pezull çështjet me Shqipërinë dhe në veçanti marrëveshjen e Detit. Ministri Alternativ i Punëve të Jashtme, Jorgos Katrougalos tha në një intervistë radiofonike se Greqia do të shpallë zgjerimin në 12 milje të  ujërave territoriale në detin Jon, brenda këtij viti.

“Sigurisht që mbetet në fuqi, do ta bëjmë duke filluar nga deti Jon. Do të bëhet brenda mandatit të qeverisë aktuale, deri në tetor 2019”- tha Katrougalos për radio News 24/7.

Mediat serbe po flasin së fundmi për zgjedhje të reja nisur nga vala e protatestave që kanë nisur kundër presidentit aktual, Aleksandër Vuçiç. Opozitarizmi ndaj Vuçiç ka një karakteristikë të vetën: ai nuk udhëhiqet detyrimisht nga kredoja filoperëndimore, as edhe e asocion veten me Perëndimin.

Në një prononcim të vetin, ish-ministri i Jashtëm Vuk Jeremiç, një prej organizatorëve të protestës ka deklaruar ndër të tjera se:

Gazetarët  duhet ta mbyllin vitin duke i kërkuar ndjesë Tahirit për ato që kanë shkruar për të.  Kërkojini falje për ça i bëtë, pasi jua dhanë juve faktet ata dy të zullumit, që mbushët dynjanë me lajme.  Kërkojini falje pastaj shohim të tjerat.

Kryeministri i Shqipërisë Edi Rama ka dalë sot në një konferencë për shtyp me gazetarët që vazhdon që nga mëngjesi. 

Përtej arritjeve të shkëlqyera të këtij viti, vendosjes së barazisë në ekonomi, zbatimit të ligjit etj., Rama ka sqaruar edhe pse ka emëruar ministrat që ka emëruar, por pa qenë në gjendje të sqarojë pse hoqi ata që hoqi. Me sjelljen e atij që kapet pas fijes së barit, kryeministri ka gjetur të ashtuquajturin debat për ministrin e ri të Jashtëm për të bërë ca leksione qytetarie. 

Për kryeministrin Edi Rama po flitet se po punon shumë për mandatin e tretë. Në mars 2017, Ben Blushi bënte thirrje për shqiptarët që të mos i jepnin Ramës një mandat të dytë, një njeriu që sipas tij kishte mbushur Shqipërinë me hashash. Sot fjalimi i Blushit qëndron në planin argumentativ, ndonëse Blushi vetë me gjasë e ka harruar veten e tij në këtë rol. Patjetër që arsyet janë shtuar dhe shumuar e për të cilat nuk ka nevojë për blushër që të thuhen. 

Bashkia e Shkodrës dhe rajoni i veriut në tërësi nuk kanë marrë nga qeveria vëmendjen që meritojnë. Në një intervistë për Televizionin Tema, kryetarja e Bashkisë së Shkodrës, Voltana Ademi, shprehet se rajoni i Shkodrës dhe veriu në tërësi nuk është trajtuar me investime nga qeveria në raport të drejtë me kontributin që kanë në GDP-në e vendit, për shkak të burimeve të shumta natyrore.

Në listën e ministrave që Edi Rama ka larguar sot ka rënë në sy ministri i Jashtëm Ditmir Bushati. I papërfolur për ndonjë skandal financiar sikundër Gjiknuri dhe Ahmetaj, apo pa krizat e Lindita Nikollës me studentët, Bushati ka patur një drejtim objektiv dhe me disa arritje. Në parantezë po themi se ministri i Jashtëm nuk arriti të krijonte autonominë e një figure që ka autoritetin e vet të padiskutueshëm për çështjet e politikës së jashtme, por megjithatë ai nuk hyn te servilët e Edi Ramës apo te ministrat që riprodhojnë gjuhësisht kryeministrin.