Blloku Në Vëmendje

48 orë pas masakrës me dy të vrarë në zonën pranë lulishtes 1 Maji policia ka kapur dy autorët e atentatit. Në komunikatën e policisë thuhet se nga informacionet e siguruara në rrugë operative është bërë e mundur identifikimi i autorëve të kësaj ngjarjeje si dhe janë ndjekur me metoda specilale të hetimit.
Pas informacioneve të siguruara është bërë e mundur kapja dhe shoqërimi i dy personave të dyshuar për këtë ngjarje që janë shtetasit:
Sael Sulaj, 20 vjeç, lindur dhe banues në Tiranë,
Vasiel Çavo, 23 vjeç, lindur dhe banues në qytetin e Tiranës

Qëndrimi i shprehur pak ditë më parë nga Ministri i Jashtem grek Nikos Kotzias gjatë një takimi që pati në Nju Jork me kryeministrin Mustafa dhe ministrin e Jashtëm të Kosovës, Thaçi, se Greqia do të mbështesë Kosovën për anëtarësimin ne organizatat ndërkombëtare, nuk është pritur mire nga mediat serbe. Sipas tyre Athina po krijon terrenin për njohjen e pavarësisë së Kosovës. Ato e shohin si një tradhti të kryeministrit grek Cipras ndaj Serbisë, në një kohë që autoritetet e Beogradit po kundërshtojnë përpjekjet e Kosovës për t’u berë pjesë e këtyre.

Shqipëria zien nga lajmet se politikanët kryesorë kanë vjedhur qindra milionë euro me CEZ-in e çdo gjë tjetër që u del përpara, nga lajme që flasin për koncesione të reja. E për këtë nuk po përcaktohet dot procedura hetimore. Nga ana tjetër, disa tregtarëve ambulantë në Tiranë, afër spitalit nr. 5 u është sekuestruar malli. Raportohet se dy përfaqësues të tyre kanë takuar kryetarin e Bashkisë, ku janë ankuar se tregëtojnë ngaqë nuk ka punë. Po çfarë kanë sekustruar? Mall të përdorur, pasi ai tregëtohet aty.

Bashkia ka gati një plan për largimin e romëve nga Liqeni Artificial dhe do ta vërë në zbatim javën e ardhshme. Shkak sipas Vizion Plus janë ankesat e banorëve si dhe ngjarjet e pakëndëshme që kanë ndodhur ditët e fundit dhe në veçanti dhunimi i një shtetasi gjerman që kishte tentuar të shuante një zjarrë të ndezur nga romët.

Vizion Plus thotë se nëse institucionet shtetërore, nuk ndërhyjnë me masa konkrete, rastet e dhunës mund te përsëriten e po ashtu kjo zone e Parkut Kombëtar shume shpejt mund t’i ngjaje Sharrës se dikurshme.

Nexhmije Hoxha i ka dërguar një letër gazetarit të gazetës “Dita”, Xhevdet Shehu, të cilën gazeta e ka publikuar si Ekskluzive. Letra është një përgjigje me komente për librin “Prapaskena” të Shehut të cilin e veja e Enver Hoxhës e vlerëson. Znj. Hoxha bën një mbyllje në letër që është si të thuash një kundërhistoriografi. Sipas zonjës Hoxha, vetëvrsja e Mehmet Shehut e tronditi shumë Enver Hoxhën, aq sa mund të thuhet se Mehmei vrau Enverin.

Partia Demokratike ka depozituar sot nismën ligjvënëse për hetimin e aferës së CEZ Shpërndarje. Mjafton t’i hedhësh një sy projektligjit, për të parë sesi partia që qeverisi 8 vjet Shqipërinë, po vrapon të mbyllë një çështje të madhe, duke hapur një çështje të posaçme ndaj Ilir Metës.

Ballkani mbetet Ballkan, pavarësisht se tenton të moderohet formalisht me këmbënguljen për të qenë me pahir europian, kur akoma frustrohet nga gjestet me natyrë nacional-folklorike. U duk në ndeshjen e Beogradit sa europianë janë serbët dhe po ashtu sa europianë jemi ne shqiptarët. Gjithsekush me mëkatet e veta dhe budallallëkun që udhëhiqet nga politika e raporteve dhe fqinjësisë së mirë. Këto shfaqje vazhdojnë të gjejnë terren në futboll, kur topi i këmbës fillon të ngatërrohet me ngërçet e mendjes si më fushë ashtu edhe në shkallët e stadiumeve.

CEZ është një gropë që i merr të gjithë brenda. Dy javët e fundit, opinioni u njoh me disa të dhëna dhe akuza që lidhen me praktikat e uljes së çmimit të shitjes së energjisë nga KESH drejt CEZ në vitete 2010-2011-2012, përmes të cilave mendohet se janë krijuar dëme ekonomike të mëdha. Në qendër të ciklonit u vu Ilir Meta, që siç po duket puna, e ka kaluar edhe kësaj radhe valën e goditjes. Mirëpo paradokset me CEZ nuk po ndalen.

Si një vend që drejtësinë e kemi pak a shumë të ngjashme me Pakistanin, siç na e tha ambasadori Lu, kemi nevojë të ecim përpara për të kapur standarde që do na afronin me vende më të civilizuara ose perëndimore. Me karrotën e integrimit po mbushim 25 vjet që ushqehemi nga politika, e cila ka premtuar çfarë i ka ardhur në kokë nga çeqet, dollarët, Europën e deri tek cilësia e rërës dhe e diellit.

Ministri i Brendshëm Saimir Tahiri në emisionin “Top Story” e nisi fjalën e tij duke u ndalur tek operacionet kundër mbjelljes së hashashit. Sipas Tahirit, presioni i policisë ka detyruar zhvendosjen e mbjelljes së bimës narkotike në zonat më të thella të vendit. Ai tha se lufta ndaj fenomenit mbetet ende një sfidë për Policinë e Shtetit. Gjatë emisionit “Top Story” është folur më në gjerësi në lidhje me akuzat e tjera të rënda të ngritura ndaj ministrit të Brendshëm, ndër të tjera edhe përfshirja e drejtpërdrejtë e tij në aktivitete kriminale si trafiku i drogës.