Blloku Ekonomi

Përfaqësuesit të Dhomës Amerikane të Tregtisë shprehën shqetesimin për pagesën disa herë nga bizneset të taksës  së arsimit per çdo nipt sekondar dhe për pagesën e taksave nga bizneset që nuk janë aktive. Kreu i Komitetit të Taksave dhe Ligjeve në Dhomën Amerikane të Tregëtisë tha se  “i njëjti subjekt pavarësisht sa njësi ka duhet të paguajë po aq herë për të njejtën tarifë të taksës për arsimin”. Sipas tij, subjektet me status pasiv, janë të detyruara të paguajne taksat, pavarësisht se janë në faliment. Argumenti i Bashkisë ishte se për investimet publike nevojiten para.

Autoriteti i Konkurrencës i ka rekomanduar Enti Rregullator të Energjisë të heqë nga draftmetodologjia afatin 15 vjeçar të kontratave si edhe çmimet fikse të shitjes së energjisë së rinovueshme. Nuk është e qartë sa do të merret në konsideratë kjo dhe si mund të ndikojë në çmimin fundor. "TemaTV"

Tarifa 22 euro e skandimit në dogana, duket se ka ndikuar negativisht në zgjedhjen e Shqipërisë si rrugë tranziti për transportin e mallrave. Të oaktën kështu thuhet në një raport teknik të përgatitur nga Këshilli i Investimeve ku krahason përparësitë konkurruese të Shqipërisë në raport me vendet e Ballkanit Perëndimor.

Kryetari i Komisionit Parlamentar Hetimor për serverin e Tatimeve, Arben Ristani, ka deklaruar sot se punë e këtij komisioni nuk ka afat. “Ne do të kërkojmë aq kohë sa na duhet për të mbaruar hetimet. Nuk ka një kohë përfundimtare. Komisionet nuk janë fiktive, janë produktive. Është komisioni i dytë që drejtoj. Komisioni për lëvizjet në Policinë e Shtetit ka qënë mjaft produktiv. Dhe ky komision tani ka nxjerrë një batutë qesharake nga ish ministri Financave që thotë që nuk veprojmë gjithmonë sipas letrave dhe ligjit, por dhe sipas qejfit.

Apeli i shoqatave apo binzesmenëve të huaj në Shqipëri, rreth klimës ekonomike po rezulton me pasoja në nivel politik. Ka disa javë që kreu i Dhomës Amerikane të Tregëtisë në Tiranë ka shprehur disa shqetësime për klimën e biznesit, politikën fiskale dhe korrupsionin. Sipas tij nuk dihet pse qeveria shqiptare shmangu ardhjen e një miliarderi amerikan në Tiranë kur nga ana tjetër kërkon investime të huaja. Këtyre zërave sot iu është shtuar edhe një zë politik: Zëvendësambasadori i Shteteve të Bashkuara të Amerikës në Tiranë, David Muniz.

“Pa bujë dhe pa krenari, në një cep të faqes së vet të internetit, Ministria e Energjisë dhe Industrisë shpalli rezultatin e tenderit për hidrocentralin e Poçemit, një nga koncesionet më të mëdha të dhëna në sektorin e energjisë elektrike përgjatë viteve të fundit.

Ilir Beqja rihyn edhe njëherë në axhendën e akuzave të Partisë Demokratike. Jo për lidhje me krimin, apo segmente të dyshimta. Jo, ministri i Shëndetësisë është i imunizuar nga gabime si këto që dëgjojmë për ministrin e Brendshëm. Beqja është ekskluziv në çështje tenderash. Të paktën kështu thotë PD-ja dhe asgjë nuk i pengon njerëzit ta besojnë, pasi me standardin e politikës shqiptare, një tender denoncohet vetëm atëherë kur përfituesi që ka konflikt interesi nuk është kollitur si duhet. Ose dikush nga shokët afër ka zili.

Çmimi i naftës ka shënuar një rritje të fortë së fundmi, me rreth 5 lekë për litër në pjesën më të madhe të pikave të tregtimit, por pritet që shpejt të reflektojë i gjithë zinxhiri i pakicës. Kjo është rritja e parë, pas muajve të tërë që karburantet kishin njohur vetëm ulje. Në pikat e tregtimit të Kastrati, një litër naftë tregtohet me 157 lekë për litër, nga 152 lekë që shitej më parë. Edhe Europetrol Durrës Albania (Eida) e ka shtrenjtuar naftën në 156 lekë për litër. Gega Oil, një tjetër operator i madh e tregton karburantin me 154 lekë për litër, nga 149 lekë që e kishte më parë.

Anketa e forcave të punës, zhvilluar nga INSTAT-i, tregon se rroga mesatare bruto në vitin 2015 arriti në 46,830 lekë në muaj, ose 335 euro (1 euro=140 lekë). Ky nivel shënon një rritje prej vetëm 0.3%, krahasuar me vitin e mëparshëm. Të dhënat e publikuara nga INSTAT-i për PBB-në tregojnë se konsumi mesatar për frymë vjet ishte 210 euro në muaj, ose vetëm 0.1% më shumë se në 2014-ën.

Ekonomia e vendit është përfshirë nga një valë e shtuar borxhesh këtë fillimvit, e nxitur nga kriza e sektorit të industrisë, e cila po vuan çmimet e ulëta të naftës dhe mineraleve në tregjet ndërkombëtare dhe klimën jo fort të përshtatshme të ambientit të brendshëm të biznesit.