Blloku Bota

Opozita në Kosovë është lëshuar për ta quajtur mosvotimin e sotshëm të Komitetit të Ministrave të Jashtëm të KiE si dështim të qeverisë Kurti. Ka dalë edhe ministri i Jashtëm i Shqipërisë, Igli Hasani, të cilit i kanë thënë të thotë se Kosova humbi një mundësi historike. Po si dështoi qeveria e Kurtit për anëtarësimin në KiE, kur ky është një proces që ka kushte publike. Dhe të cilat Kosova i përmbushi? Si mundet të quhet dështim kur një palë ndryshon rregullat e lojës edhe pasi vetë ka miratuar se ti ke përmbushur kushtet e kërkuara?

Franca po përballet së fundmi me një situatë të papëlqyeshme në një prej territoreve të saj të përtej detit. Në Kaledoninë e Re, ku ka një valë protestash të dhunshme. Më befasues është fakti se ministri i Brendshëm francez, Gerald Darmain ka akuzuar disa prej pjesëmarrësve në protesta si të ndihmuar nga fuqi të huaja, konkretisht Azerbajxhani.

Nuk është fantazi. Më vjen keq që disa separatisë kanë bërë marrëveshje me Azerbajxhanin. Megjithatë, edhe nëse kan ndërhyrje Franca është një vend sovran në territorin e vet dhe aq më mirë kështu

Gjendja e kryeministrit sllovak, Robert Fico raportohet si “jashtëzakonisht kritike”. Përveç aktit të kryer nga një poet 71 vjeçar, problemet duket se janë shumë serioze.

Mediat raportojnë se ndaj kryeministrit të Sllovakisë, Robert Fico është kryer një atentat me armë zjarri. Sipas të njëjtave burime thuhet se Fico është plagosur pasi ndaj tij janë kryer tri qitje. Portali sllovak www.aktuality.sk shkruan se atentati është bërë në afërsi të qendrës kulturore në Handlova. Sipas të dhënave paraprake atentatori është ndaluar një person i dyshuar, ndërkohë që për Ficon, një drejtues i njohur politik në Sllovaki dhe i cilësuar si populist, thuhet se ka marrë dy plumba por është jashtë rrezikut për jetën.

Presidenti rus Vladimir Putin ka deklaruar gjatë një interviste me agjencinë kineze "Xinhua" se ai mbështet planin kinez për paqe në Ukrainë, duke cilësuar se “Kina e kupton konfliktin dhe domethënien e tij gjeopolitike”. Duke mos kursyer lavdërimet për Kinën dhe historinë e saj, Putin ndër të tjera ka nënvizuar se Kremlini e vlerëson planin kinez të që pikave për “Zgjidhjen politike të krizës ukrainase”.

Mbrëmjen e djeshme në versionin anglisht të gazetës konservatore greke, “Kathimerini” është shfaqur një editorial i shkurtër nën titullin: Roli i Perëndimit. Teksa vihet në dukje fakti se aderimi në “familjen perëndimore” ka disa kërkesa specifike, drejtuesit e gazetës nënvizojnë se i takon liderëve europianë dhe të SHBA që:

të bëjnë këto terma të qartë për ata që ende peshkojnë në ujërat e turbullta të nacionalizmit të shekullit të shkuar

Shkollave në Angli do t’u ndalohet mësimi I edukatës seksuale te nxënës poshtë 9 vjeç. Lajmi raportohet nga BBC sipas së cilës plani në fjalë bën pjesë në udhëzimet e reja. Rishikimi i udhëzimit statutor mbi marrëdhëniet, edukimin seksual dhe shëndetit u paralajmërua nga kryeministrit Rishi Sunak, që foli për “ekspozim të fëmijëve ndaj përmbajtjes së papërshtatshme”.

Një grup deputetësh gjermanë kanë propozuar krijimin e një zone ajrore mbrojtjeje të NATO-s mbi Ukrainë për ta mbrojtur vendin nga sulmet ruse. 

Deputetët propozojnë që rrezja e mbrojthes të jetë 70 km dhe ndjek modelin operacional të aplikuar gjatë sulmit iranian mbi Izrael. 

Sipas Roderich Kiesewetter, zëdhënësi i CDU-së për parandalimin e krizës kjo do ta mbronte Ukrainën nga ofensiva aktuale ruse. 

Plani, i cilësuar gjerësisht si objektiv është refuzuar nga një zyrtar i lartë i partisë së kancelarit Olaf Scholz që e ka cilësuar atë ai zjarrnxitës. 

Pas refuzimit për të lejuar hyrjen e tij në Kosovë, Patriarku serb Porfirije ka reaguar me një deklaratë përmes së cilës ka bërë edhe një paralajmërim solemn.

Si Patriarku serb, si një qytetar dhe si një besimtar, une di dhe afirmoj se ato dyer herët apo vonë do të hapen nga Zoti vetë. Ata që kanë mbyllur ato dyer të shtëpisë së lutjes po i bëjnë keq së pari vetes dhe mandej të gjithë popullit…Është e sigurtë për ne, sidomos në Kosovë dhe Metohi se parajsa është e hapur dhe ata do të hapin të gjitha dyert që e keqja nga i mbylli