Blloku Bota

Gazetarët në Serbi kanë vendosur një standard të ri komunikimi publik. Disa media raportojnë se drejtori i tabloidit proqeveritar, “Srpski Telegraf”, Milan Ladjeviç, ka sulmuar fizikisht gazetarin e revistës javore, “Radar”, Vuk Z. Cvijiç.

U sulmova nga Milan Ladjeviç, më goditi në kokë në një kafe afër zyrës së tyre

citohet Cvijiç.

Sipas tij, Ladjeviç e ka sharë në distancë, mandej e ka ndjekur dhe e ka goditur.

Hungaria nuk është më një demokraci e plotë. Kështu ka vlerësuar Parlamenti Europian që në një votim me 433 vota pro dhe 123 kundër, është miratuar qëndrimi për ta cilësuar zyrtarisht Hungarinë  Viktor Orbanit si një “regjim hibrid të autokracisë elektorale”.

Për të kundërshtuar avancimin e Rusisë në Ukrainë, presidenti i SHBA-së Joe Biden po shqyrton dy kundërmasa të reja: ndëshkimin e Kinës për furnizimin e teknologjisë kryesore në Moskë dhe heqjen e kufijve të përdorimit të armëve me rreze të shkurtër veprimi nga Ukraina për të sulmuar brenda Rusisë. Lajmin e bën të ditur "The Washington Post".

Fakti që nisma të tilla po konsiderohen tani tregon shqetësimin në rritje të administratës amerikane për cenueshmërinë e Ukrainës në fushën e betejës.

Pasi fitoi zgjedhjet, e djathta në Holandë pritet t’ia japë drejtimin e qeverisë ish-shefit të inteligjencës. Dick Schoof pritet të bëhet kryeministri i vendit dhe do të drejtojë një koalicion të dominuar nga Partia e Lirisë (PVV) e Geert Wilders, e cila fitoi zgjedhjet në nëntor të vitit të kaluar.

Wilders-it i është bashkuar në koalicion partia liberale e qendrës së djathtë të kryeministrit Mark Rutte, VVD, Kontrata e Re Sociale (NSC) centriste dhe Lëvizja Fermer-Qytetar (BBB).

Polonia ka zbuluar një të ashtuquajtur plan të ri mbrojtjeje ndaj Rusisë që konsiston në ndërtimin e një vije të fortifikiar në kufirin me të dhe Bjellorusinë.

Vija e re, që imiton mbrojtjen e dikurshme europiane, do të kushtojë 2 miliardë euro dhe pretendohet të jetë efektive në vitin 2028. 

Sot, ministri polak i Mbrojtjes, Wladyslaw Kosiniak-Kamysz ka ofruar detaje të linjës që supozohet të jetë 434 milje e gjatë e që konsiston në një rrjet pengesash betoni antitank, pengesa çeliku, bunkerësh etj., gjithçka për të realizuar “Mburojën Lindore”: 

Vendimi i Presidentit të SHBA, Joe Biden, për të pezulluar miratime për projektet e reja të gazit natyror të lëngshëm (LNG) nuk do të prekë dërgesat në Evropë. "Kjo nuk ndikon në asnjë nga LNG që eksportohet aktualisht," tha zëvendës sekretari amerikan i Energjisë, David Turk, për Politico.

"Ai gjithashtu nuk ndikon në asnjë nga ndërtimet aktuale që po vazhdojnë për të eksportuar edhe më shumë LNG," shton Turk.

Ministria e Jashtme ruse dhe ajo e Drejtësisë, i kanë propozuar presidentit të vendit, Vladimir Putin, që lëvizja Telebane të nxirret nga lista e organizatave terroriste

Sipas drejtorit të Departamentit të Dytë Aziatike të Ministrisë së Jashtme, Zamir Kabulov, këtë pikëpamje e mbështesin disa institucione ruse, çka presupozon se Kremlini është në procesin e njohjes së Telabanëve që janë në pushtet në Afganistan që në vitin 2021.

Drejtuesja e të djathtës ekstreme franceze, Marine Le Pen, ka ftuar kryeministren italiane Giorgia Meloni që të bashkohen në krijimin e një grupi të përbashkët në Parlamentin Europian që do të bënte të djathtën njësinë dytë të PE-së.

Është koha të bashkohemi, do të ishte me të vërtetë e dobishme. Nëse ja dalim, ne do të bëhemi grupi I dytë në PE. Mendoj se nuk duhet të lëmë që një mundësi e tillë të na ikë

Ish-kryeministri italian, Matteo Renzi, kandidon në zgjedhjet europiane për listën e Shteteve të Bashkuara të Evropës. Ish-kryeministri i Italisë në vitit 2014-2016 dhe senator i Firences që prej 2018-s, u shkëput nga Partia Demokratike dy vjet pasi la postin e kryeministrit për të formuar partinë e tij, Italia Viva.