Blloku Bota

Lideri i Koresë së Veriut, Kim Jong-un deklaroi sot se vendi i tij do t’i përdorte armët bërthamore që kishte në dispozicion vetëm në rast vetëmbrojtjeje. ”Kim premtoi edhe se do të përpiqej të përmirësonte dhe normalizonte marrëdhëniet me vendet armike, përgjithësisht të nënkuptuara si SHBA dhe Koreja e Jugut”, njoftoi agjencia zyrtare koreanojugore e lajmeve, YONHAP.

Zgjedhjet presidenciale të këtij viti në SHBA janë të jashtëzakonshme. Kush mund ta kishte parashikuar ngritjen mahnitëse të Donald Tramp, dhe provokimet e llogaritura e mendjemprehta të Bërni Sandersit? Por Shtetet e Bashkuara nuk janë i vetmi vend, ku politika e demokracisë liberale është duke marrë një kthesë të papritur. Mjafton të lexoni shkrimin e fundit të Pier Briançon në “Politico Europe”, mbi rënien më të fundit të partive tradicionale evropiane të krahut të majtë. Ai bën një arsyetim bindës, se ato kanë kapur fundin.

Disa media ndërkombëtare po i bëjnë jehonë dorëheqjes së një gazetareje me origjinë siriane që drejtonte një emision në BBC. Sipas gazetares Dima Izzedin, largimi nga puna në këtë televizion të njohur vjen për arsye të raportimit jo të drejtë mbi ngjarjet në Siri, që sipas saj kanë pasqyruar paragjykime. “Standarded e adoptuara nga ky institucion i madh supozohet të jenë më të lartat, që e bëjnë atë të parënnmes mediave, por ky nuk është rasti.

Kryeqyteti britanik ndërroi kurs pas tetë vitesh. Kandidati me origjinë pakistaneze, laburisti liberal, Sadiq Khan, e la dukshëm pas konservatorin, Zac Goldsmith. Sipas përllogaritjeve, Khan merr 56,8 % të votave, ndërsa rivali Goldsmith vetëm rreth 43% të tyre. Rezutati përfundimtar u publikua të premten në mbrëmje. Gjatë fushatës zgjedhore, Khan nuk e fshehu origjinën e tij e besimin e tij, por theksoi se besimi eshtë vetëm një element përbërës i tij.

Papa Françesku është nderuar me çmimin “Karli i Madh” duke u renditur si personi i katërt joeuropian që e merr atë. Çmimi u themelua në vitin 1949 nga Kurt Pfeiffer për të nderuar ata që japin më shumë kontribut në “mirëkuptimin europiano-perëndimor”, meqenëse Europa vinte nga një luftë shkatërrimtare.

Gjatë 20 muajve të qëndimit të Ahmet Davutoglusë në postin e kryeministrit turk dhe drejtuesit të partisë për "Drejtësi dhe Zhvillim", AKP ka pasur shpesh zëra për një krisje në marrëdhënien mes kryeministrit dhe presidentit turk, Rexhep Taip Erdogan. Por presidenti i hidhte poshtë ato në mënyrë të përsëritur.

Një ditë pas propozimit të Komisionit Europian për liberalizimin e vizave për Kosovën, Përfaqësuesja e Lartë e Bashkimit Europian për Punët e Jashtme dhe Sigurinë, Federica Mogherini dhe Komisioneri për Zgjerimin Dimistris Avramopoulos  vizituan Prishtinë. Nga foltorja e Kuvendit të Kosovës, Mogerini u shpreh optimiste per te ardhmen europiane të Kosovës. “Kjo është një ditë shumë e rëndësishme për Kosovën. Rekomandimi për liberalizimin e vizave, nënkupton një hap shumë të rëndësishëm. Kur e shoh këtë pjesë të Europës, Kosovën në veçanti, shoh të ardhmen e Europës.

Orkestra e Teatrit rus Mariinsky ka dhënë sot një koncert në amfiteatrin e Palmirës, qytetit antik të rrënuar nga ISIS dhe të çliruar nga forcat e ushtrisë siriane dhe ruse. Presidenti rus, Vladimir Putin e konsideroi koncertin si një akt mirënjohjeje për të gjithë ata që luftojnë kundër terrorizmit.

Kryeministri i Turqisë, Ahmet Davutoglu ka dhënë dorëheqjen. Mediat njoftojnë për një mbledhje të tensionuar dje mes tij dhe Presidentit Erdogan dje, e cila u cilësua si “përcaktuese për të ardhmen e kryeministrit turk”. Sot Davutoglu mbajti një konferencë për shtyp në të cilën vlerësoi se “ndryshimi në lidershipin e partisë dhe qeverisë do të jetë një gjë e mirë”. Në bazë të statutit të partisë AKP, ai mban edhe detyrën e kryetarit të saj të cilën do ta lërë formalisht pas zhvillimit të Konventës në datën 22 maj.

Lufta në Siri ka qenë e organizuar nga SHBA dhe rolet kyçe për revolucionin që do të rrëzonte Assadin, i kanë patur Katari me Arabinë Saudite. Kështu ka deklaruar sheiku nga Katari, Hamad Bin Jassim Al Thani. Ish-kryeministri i Katarit Al Thani në një intervistë ka deklaruar qartë se “revolcuoni” i 2011 u nis nga Katari dhe Arabia Saudite me direktivë të SHBA-së. Ai pohoi se vendi i tij ka nisur të furnizojë me armë dhe para rebelët kundra regjimist të Assad.