Blloku Bota

Donald Trump president i ShBA-së nuk është më aq e pamundur sa dukej më parë. Kompromisin me këtë perspektivë po e bëjnë edhe media të fuqishme si CNN që deri pak javë më parë propagandonin Clinton si “zgjedhja e duhur” dhe një Donald Trump që nuk duhet në asnjë mënyrë të votohet. Gjërat po ndryshojnë me shpejtësi me skandalin e e-maileve dhe vetëm sot, CNN i kushton dy shkrime fitores së Trump. Në të parën, autorët shkojnë në Skoci, në vendin e origjinës së Trump, ku sugjerojnë për lexuesin “ëndrrën amerikane” të një vendi të vogël që prodhon presidentin e ShBA.

Demokratët po kalojnë çdo fantazi për ta përdorur si argument kundër Donald Trump, i cili ka vënë seriozisht në pikëpyetje ambicjen e familjes Clinton për të marrë presidencën e Shteteve të Bashkuara të Amerikës. Për të shpëtuar katastrofën në lojë ka hyrë edhe talenti i presidentit Obama që ka shkuar deri aty sa ta flasë për një fatalitet global në rast se votohet Trump

Një luftë mes Rusisë dhe NATO-s përjashtohet, të paktën për vitin 2017. Ky është mendimi zyrtar i Ministrisë britanike të Mbrojtjes, e cila përmes shefit të saj, Sir Michael Fallon ka hedhur poshtë paralajmërimet e shefit të MI5(kundërspiunazhi), Andrew Parker.

Në një fjalë të mbajtur në Dhomën e Ulët, në komitetin e Mbrojtjes së saj, Fallon deklaroi se skenarët e një lufte, të përpunuar edhe nga ish-zv.komandanti i NATO-s në Europë, Sir Richard Shirreff janë realistë, por jo për vitin 2017.

Furi reagimesh ka shkaktuar në Greqi parakalimi i një vajze myslymane ne shami në paradën e 28 Tetorit, ditën e përkujtimit të “Jo-së” së Madhe që kryeministri Metaksas i tha pushtimit italian. Gjimnazistja fitoi të drejtën për të parakaluar në paradën kombëtare pasi u rendit ndër nxënësit më të dalluar të republikës. Pjesëmarrja e saj dhe paraqitja në paradë me veshjen e femrës myslimane u komentua gjerësisht në media dhe rrjetet sociale, ndërsa ajo që ka tërhequr vëmendjen ka qenë reagimi i vetë nxënëses.

Akuzat se rrjedhja e informacionit elektronik që i përket John Podestas, lidhet me Rusinë po shihen me dyshim. Nuk dihet për cilën arsye por në këtë debat është përfshirë edhe një ish-diplomat britanik, ish-ambasadori i Britanisë së Madhe në Uzbekistan, Craig Murray. Në një intervistë për agjencinë ruse “Sputnik”, Murray thotë se informacionet e WikiLeaks vijnë nga brenda Washingtonit dhe sipas tij “unë e zbulova këtë kur mora pjesë në dhënien e çmimit Sam Adamss në Ëashington”.

Audio e intervistës:

Përfshirja e Turqisë në konfliktin që po zhvillohet në Mosul të Irakut po evidenton prirje për të shkatkuar konflikt mes vetë të dyja shteteve. Ministri turk i Mbrojtjes, Fikri Isik deklaroi ditë më parë se dërgimi i 30 tankeve dhe artilierisë në qytetin juglindor të Silopit, në kufi me Irakun, lidhet me “zhvillime të rëndësishme në rajon”.

“Turqia po përgatitet paraprakisht për çfarëdo lloj gjëje që mund të ndodhë”, tha ai.

Pak ditë para se Greqinë ta vizitojë  presidenti amerikan Barak Obama, në Athinë mbërriti ministri i Jashtëm rus Sergei Lavrov. Në takimin me presidentin Pavlopulos, kreu i diplomaciosë ruse  foli për situatën në Siri, duke thënë se "ndaj zgjidhjes politike të rezolutës së Këshillit të Sigurimit është praktikuar sabotimi për shkak se disa mbështesin ekstremistët, qëllimi të cilëve është që të përzënë regjimin e Asadit."

Gjashtë ditë para zgjedhjeve presidenciale dhe kur FBI  riktheu me jo pak kërcitje çështjen e hetimit të postës elektronike të Hillary Clinton,  agjencia amerikane e inteligjences dhe hetimit publikoi një hetim të vjetër për Bill Clinton. Hetimi ka të bëjë me faljen presidenciale nga Bill Klinon të një të arrestuari për evazion, gruaja e të cilit kishte bërë donacione bujare për Fondacionin Clinton.

Fill pasi u publikua një video për mburrjet e Trumpit rreth sulmeve të tij seksuale ndaj femrave, sondazhi i prestigjiozeve Washington Post dhe ABC News tregonte një epërsi të Clinton-it prej 12 pikësh në rang kombëtar. Dhe Trump-i u kundërpërgjigj, duke e quajtuar atë një sondazh të manipuluar…

Gjykata Ndërkombëtare e Krimeve nis hetime për krime kundër njerëzimit në Afganistan. Përfshihet për herë të parë personeli amerikanGjykata Ndërkombëtare e Krimeve pritet të hapë së shpejti një proces hetimor për krime kundër njerëzimit në Afganistan.
Lajmi raportohet nga revista e njohur “Foreign Policy” sipas së cilës në hetim mund të përfshihet edhe një pjesë e personelit amerikan.

“Gjykata do të shënonte herën e parë të një hetimi formal për veprimet e ShBA-së duke hapur rrugën për një përplasje me Uashingtonin”, shkruan FP.