Blloku Bota

Ndërkohë që Spanja ka intensfikuar pretendimet e veta për sonvranitetin mbi Gjiblartarin pas Brexi, një rajon i rëndësishëm i saj, Katalonja, kërkon shkëputjen. Parlamenti i këtij rajoni ka mbështetur me 72 vota pro dhe 11 abstenime kërkesën për zhvillimin e referendumit për pavarësinë. Vendimi bie ndesh me të gjitha aktet politike të Madridit zyrtar. Paralel me ambicien për referendum, katalonjasit po krijojnë edhe struktura shtetëore që do të marrin në dorë administrimin në rast shkëptujeje. Kështu është ngritur një autoritet për taksat ndërkohë që presidenti i rajonit.

Ministria Finlandeze e Mbrojtjes njoftoi shkeljen e hapësirës së saj ajrore nga avionë të flotës luftarake ruse. Sipas njoftimit dy avionë të tipit Sukhoi 27 fluturuan të enjten mbi hapësirën ajrore të Finalndës, duke cënuar integritetin territorial. Incidenti vjen në një kohë kur në Helsinki ndodhet zv/ministri amerikan i Mbrojtjes Bob Guerk për të nënshkruar marrëveshje në fushën e mbrojtjes mes dy vendeve. Avionët rus Sukhoi 27 u kapën nga radarët në Gjirin e Finlandës.

Vyacheslav Volodin është zgjedhur kreu  ri i Duma-s ruse. Ai m ori mbështetjen e Kremlinit, pra të presidentit Vladimir Putin që është edhe qendra e pushtetit të vërtetë në Rusia. Ai fitoi që në raundin e parë ku mori 404 vota nga 449 deputetë ndërkohë që 40 deputetë mbështetën rivalin e tij, Dimitry Novikov.

Agjencia e lajmeve “Reuters” njofton se kompania “Yahoo” ka skanuar me qindra milionë llogari – e-maile për llogari të NSA-së dhe FBI-së. Përmes një software ajo ka mundësuar kërkimin e të gjitha e-maileve hyrëse të klientëve të vet për informacione specifike të sugjeruara nga shërbimet sekrete amerikane.

“Reuters” i drejtoi pyetje kompanisë për këtë çështje dhe mori përgjigjen se “Yahoo është një kompani që i përgjigjet ligjit dhe vepron në përputhje me ligjet e SHBA-së”, duke mos shtuar më asgjë përtej kësaj.

Portali amerikan RealClearPolitics ka ndërtuar hartën elektorale të zgjedhjeve presidenciale në SHBA, bazuar në sondazhet më të fundit të 50 shteteve, sipas së cilës, Hillary Clinton ka sot 322 vota elektorale dhe Donald Trump 216.

Që kjo situatë të ndryshojë pas 35 ditësh, Trump-i duhet ta mbajë epërsinë aktuale në shtetin e Ohajos (18 vota elektorale), dhe të përmbysë epërsinë e Clinton-it në shtetet e Floridës (29 vota elektorale), Karolinës së Veriut (15 vota elektorale) dhe Pensilvanisë (20 vota elektorale).

E.Z.  

Vala e spastrimeve pas grushtit të shtetit në Turqi, nuk ka të ndalur. BBC-ja raporton se së fundmi janë pushuar 13 mijë policë vetëm për diçka më shumë sesa dy muaj që nga korriku. Mes policëve janë edhe 2500 oficerë ndërkohë që autoritetet njoftojnë se gjendja e jashtëzakonshme e vendosur në korrik përfundon më 19 tetor.

Kryeministrit grek Aleksis Tsipras i është shtuar edhe një kokëçarje tjetër, teksa sondazhet e fundit paraqesin në mënyrë konstante një rënie drastike të popullaritetit të qeverisë. Sondazhi i kryer për llogari tw gazetws Avgi ka rezultuar se vetëm 14% e qytetarëve vlerësojnë si më të mirë një qeverisje të SYRIZA-s me grekët e Pavarur, siç është koalicioni aktual që drejtohet nga Aleksis Tsipras.

Shtetet e Bashkuara të Amerikës kanë njoftuar sot ndërprerjen e bisedimeve dypalëshe me Rusinë të nisura për t’i dhënë një zgjiedhje konfliktit në Siri. Vendimi është bërë i njohur nga zëdhënësi i Departamentit të Shtetit, John Kirby sipas të cilit “ky nuk ishte një vendim i lehtë për t’u marrë”.

Mbretëresha Margrethe II e Danimarkës i ka dhënë një intervistë revistës gjermane “Der Spiegel”e cila përqendrohet mbi besimin dhe historinë. Danimarka dominohet nga luterianët që sipas mbretëreshës morën rrol pasi vetë mbreti adoptoi drejtim të kristianizmit. Duke iu referuar një fjalimi të mbretit të Norvegjisë, mbajtur së fundmi, sipas të cilit “norvegjezët janë vajza që dashurojnë vajza, djem që dashurojnë djem dhe vajza dhe djem që duan njëri-tjetrin. Norvegjezët besojnë në Zot, në Allah në univers apo edhe në asgjë”, mbretëresha është pyetur për analogjinë daneze të këtij rasti:

Referendumi hungarez mbi kuotat e pranimit të emigrantëve u deklarua i pavlefshëm pasi pjesëmarrja nuk i kaloi 50% të votuesve, por kjo nuk pengoi aspak që për partinë në pushtet të konsiderohej një fitore. Rreth 92% e pjesëmarrësve në referendum i janë përgjigjur me refuzimin e planit të BE mbi përcaktimin e kuotave të emigrantëve që duhet të presë Hungaria. Ky qëndrim i qytetarëve hungarezë nuk duhet të injorohet nga Brukseli, tha kryeministri i vendit Viktor Orban. Plani i BE për sistemimin e 160.000 emigrantëve të bllokut europian parashikon që Hungaria të pranojë 1294 azilkërkues.