Blloku Bota

"Në luftë viktima e parë është e vërteta"- ka thënë poeti tragjik Eskili. Edhe pse një nga klishetë më të mëdha të njerëzimit, ajo është një e vërtetë e verifikuar. 2400 vjet më pas asgjë nuk ka ndryshuar qëkurse kjo frazë u dëgjua për herë të parë. Me përjashtim të mjeteve që demagogët kanë në dispozicion për të çuar përpara propagandën e tyre.

Në shekullin e 21 arma më e fuqishme për të vrarë dikush të vërtetën janë mediat sociale, siç në shekullin e 20 ishte televizori, ndërsa më parë radio dhe gazeta.

Halepi ra, apo Halepi u çlirua? Media perëndimore ka ndërmarrë një sulm të paprecedentë për të imponuar një narrativë origjinale të pushtimit për një ngjarjeje historike që prek qytetin e dytë sirian. Ndonëse brenda territorit shtetëror të Sirisë, ndonëse veprimet e trupave ruse dhe iraniane kanë qenë aty me lejen e qeverisë së Damaskut, mediat po flasin për një Pushtim. Po bëjnë moralin e të drejtës së rebelëve, të cilët janë gjithfarë ngjyrash, duke dëshmuar kështu se ajo që ndodhi në Siri është fillimi i një ballafaqimi shumë kërcënues për paqen.

Kryeministri i Serbisë, Aleksander Vuçiç ka sqaruar për televizionin RTS arsyen pse u blenë nga Rusia 6 Mig 29. Sipas tij, kjo paketë ushtarake nuk cenon politikën e neutralitetit të Serbisë, ndjekur deri më tani me kujdes dhe pa prekur kursin europian të saj.

Dy lajme vijnë nga Maqedonia: së pari se Zoran Zaev i opozitës socialdemokrate ka dhënë dorëheqje nga detyra e kryetarit të komunës së Strumicës. Kjo bëhet sipas mediave maqedonase për të kaluar në pozicionin e deputetit dhe për t’i shpëtuar hetimit për korrupsion. Në thelb kjo do të thotë se bombat e Zaevit i ngjajnë tashmë qitjeve të zhurmshme të Mato Grudës që vetëm sa dogjën hauret e Plakut Merre, që në këtë rast është Nikolla Gruevski.

Vritet në Milano 24 vjeçari tunizian i dyshuar për sulmin terrorist në Berlin. Aniz Omri, njeriu më i kërkuar nga policia gjermane që prej të mërkurës, u vra gjatë një shkëmbimi zjarri me policinë mëngjesin e të premtes në San Giovanni të Milanos.
Ishin karabinierët italianë që ndaluam për një kontroll të rastësishëm dy burra, njëri prej të cilëve nxorrën armë dhe shtoi kundër tyre, duke thënë "Allahu Ekber" para se të vdiste.

Një shpresë e re për përballimin e Ebolas vjen nga Kanadaja. CNN raporton se një vaksinë e zhvilluar aty është testuar dhe ka rezultuar se ka efekt 100% ndaj sëmundjes e cila krijoi panik në vitin 2015. Kompania Merck, Sharp&Dohme që ka marrë të drejtën e shpërndarjes, ka deklaruar se do të prodhojë 300 mijë doza në rast se Ebola rinis të godasë sërish dhe licencimi I saj do të ndodhë në muajt e parë të vitit 2017.

Së fundmi në Britani qarkulloi një libër me titull "The Econocracy: The Perils of leaving economics to the experts", në shqip "Ekonomokracia: Rreziqet që vijnë po t'ia besosh ekonominë ekspertëve". Në këtë libër, autorët argumentojnë se 100 vjet më parë ideja e ekonomisë nuk ekzistonte në kuptimin që ka aktualisht. Në ditët e sotme ekonomia shihet si detyra më e rëndësishme që duhet të zgjidhin shoqëritë moderne. Edhe politika ndërvepron me një gjuhë ekonomike dhe kjo logjikë imponon në shumë raste edhe mënyrën e diskutimit dhe parashtrimit të çështjeve politike.

230 milionë euro – kjo është shifra e mundshme për modernizimin e ushtrisë serbe. Paketa do të mundësohet nga një marrëveshje me Rusinë, ku së fundmi ndodhet për vizitë kryeministri serb, Aleksander Vuçiç. Sipas këtij të fundit, nëse Serbia do ë blinte pajisjet dhe avionët Mig29, ato do t’I kushtonin asaj 600 milionë euro. Vuçiç, që vizitoi edhe disa mjedise ushtarake në Rusi, e ka cilësuar këtë etapë modernizimi që përfshin avionë, tanked he mjete të tjera si moment transformimi.

“Nuk ka për të qenë më e njëjta ushtri”, citojnë mediat serbe kryeministrin.

Në prani Të Presidentit të Federatës Ruse, Vladimir Putin u mbajt në Moskë funerali i ambasadorit rus të vrarë në Ankara, Andrei Karlov. Vladimir Putin vuri lule mbi arkivolim e diplomatit dhe më pas u ul pranë gruas së ve të ambasadorit me të cilën pati  një bisedë të shkurtër. Pak minuta më pas ai u largua. Në funeralin e Andrei Karlov, që u krye me nderimet më të larta shtetërore, ishte e pranishme gjithë udhëheqja ruse. Nisur nga zhvillimet e ditëvetë fundit presidenti Vladimir Putin e shtyu për të premten në mesditë konferencën vjetore.

Teksa të gjitha forcat e sigurisë në Gjermani janë vënë në gjurmët Anis Amri, 24-vjeçarit tunizian, i dyshuari kryesor për masakrën e Berlinit që shkaktoi 12 viktima dhe 48 të plagosur, detaje të reja publikohen rreth tij.Siç raportojnë mediat e huaja, personi më i kërkuar në Europë ka qenë i dënuar në Itali me 4 vjet burg, pasi në vitin 2012 kishte djegur një shkollë. Ai e vujti dënimin në burgun e sigurisë së lartë të Uçardones në qytetin e Plaermos ku sipas autoriteteve italiane ishte shfaqur në disa raste si një person i dhunshëm.