Blloku Bota

Kina është kërcënimi qendror i kohës sonë. As terrorizmi, as Rusia dhe as Irani nuk konsiderohen kërcënime të këtij niveli nga Shtetet e Bashkuara të Amerikës që mendojnë se Partia Komuniste e Kinës është pjesë thelbësore e problemit.

Duke folur në Londër në një konferencë të përbashkët me homologun britanik, Dominic Raab për “Të ardhmen e marrëdhënies speciale”, sekretari amerikan i Shtetit, Mike Pompeo ka deklaruar se Kina e Xi Jinping ka bërë të qartë se ka në disa drejtime një axhendë tjetër dhe vlera të tjera nga ato të Perëndimit.

Shifrat e përhapjes dhe vdekshmërisë nga koronavirusi në Kinë kanë njohur rritje këto 24 orët e fundit. Raportohet se numri i të prekurve ka shkuar në 7 711, ndërkohë që janë 12 168 raste të tjera të dyshuara. Numri i të vdekurve ka shkuar në 170 dhe sipas ekspertëve kinezë kulmi i infeksionit do të jetë pas 10 ditësh, të infektuarit më të shumtë do të diagnostikohen në prill ose maj për të vazhduar me trajtim në muajt qershor – korrik.

Rrjeti britanik BBC njofton shkurtimin e 450 vende pune që përfshin emisione si Two’s Newsnight, BBC Radio 5 Live dhe World Update. Vendimi në fjalë vjen pak pasi u njoftua mbyllja e programit Two’s Victoria Derbyshire dhe sipas kreut të ri të departamentit të lajmeve, Fran Unsworth:

Në avionin e forcave ajrore amerikane të rrëzuar pak ditë më parë në provincën Ghazni në Afganistan mendohet se ka qenë edhe shefi i shërbimit inteligjent të SHBA-ve, seksioni i CIA-s në Iran, Michael D’Andrea. Media në Lindjen e Mesme citojnë burime të shërbimeve sekrete ruse sipas të cilave ishte D’Andrea që orkestroi vrasjen e gjeneralit iranian Qasem Soleimani dhe po sipas këtyre burimeve avioni në fjalë, i tipit E 11A shërbente si komandë e lëvizshme për D’Andrean.

Një ndër përfaqësuesit kryesorë të opozitës ruse, Alexei Navalny, ka akuzuar kryeministrin e ri të Rusisë, Mikhail Mishutsin se zotëron një pasuri prej 45 milionë dollarësh në pasuri të patundshme. Sipas Navalny-t kryeministri rus ka tetë apartamete, shtëpi dhe pasuri të tjera nën emrin e bashkëshortes së vet, dy djemve dhe motrës së tij.

Mishustin e di mirë si të gjithë se nga këndvështrimi i tatimorit ky quhet “transaksion i rremë kriminal”. Korrupsion klasik

është shprehur Navalny.

Presidenti amerikan, Donald Trump ka kapur sërish titujt kryesorë me propozimin e një plani të ri për paqen izraelito-palestineze. Plani ka përmbajtje të shkurtër në pikat kryesore që parashikojnë krijimin e dy shteteve, kryeqytet të Palestinës Jeruzalemin Lindor në varësi të aftësisë së palëstinezëve për vetëqeverisje. Sipas këtij plani harta do të përpilohet nga një komitet i posaçëm, ndërkohë që për sigurinë e Izraelit kërkohet angazhim i qartë dhe garanci të plota. 

Britania e Madhe ka vendosur një linjë të mesme në raport me kompaninë kineze Huawei dhe instalimin e rrjetit 5G. Kryeministri Boris Johnson ka deklaruar se “shitësit me rrezik të lartë” do të përjashtohen nga pjesa më sensitive e rrjeteve dhe do të lejohet vetëm përfshirja e tyre në 35% të pjesët më pak të ekspozuara.

Kjo është një zgjidhje specifike për arsye specifike britanike dhe vendimi ka të ëbjë me sfidat që përballemi tani

citohet sekretari për Komunikimin, Nicky Morgan pas një takimi të Këshillit të Sigurisë.

Teknologjia 5G duket se ka vënë në krizë edhe “marrëdhënien speciale” mes SHBA dhe Britanisë së Madhe. Presidenti amerikan i ka kërkuar personalisht kryeministrit britanik Boris Johnson që të tërhiqet nga vendimi për të lejuar gjigandin kinez Huawei në instalimin e rrjetit 5G gjithjë me pretendimet për kërcënime mbi sigurinë,

Dhënia e dritës jeshile Huaweit do të ishte një kërcënim i rëndë për sigurinë kombëtare

Ministri i Jashtëm iranian, Mohammad Javar Zarif i ka dhënë së fundmi një intervistë gjermanes “Der Spiegel”. I pyetur gjerësisht mbi vrasjen e gjeneralit Qasem Soleimani, Zarif ka deklaruar se ky akt ishte një gabim nga ana e ShBA që përllogaritën se do të përmirësonin pozitën e tyre në rajon. Sipas tij ka ndodhur e kundërta dhe për ShBA më keq do të bëhet, pasi siç tha Zarif njerëzit në Lindjen e Mesme janë të ngopur me sjelljen e ShBA. 

Autoritetet e Kinës kanë konfirmuar  të paktën 26 viktima dhe 830 raste të të prekurve nga koronavirusi i ri. Por bilanci vazhdon të rritet, teksa mediat kanë publikuar pamje të të prekurve në rrugë, në ambiente publike. 

Sipas Komisionit Kombëtar të Shëndetit, po hetohen mbi 1 mijë  raste të dyshuar, si të infektuar me virusin icili  shpërtheu fillimisht në qytetin Vuhan, ku mendohet se ka edhe burimin.