Blloku Bota

Epidemiologu kryesor i qeverisë suedeze, Ander Tegnell ka deklaruar në një intervistë për median “The Local” se rënia e numrit të të infektuarve në muajin korrik nuk mund të shpjegohet plotësisht.

Kur ika me pushime në fillim të korrikut ishim ende në një lloj rrafshi ku ndodheshim prej kohësh. Por gjatë atyre tri javëve nisi kjo rënia e shpejtë e rasteve të reja dhe se pse kjo ndodhi në këtë kohë, kaq shpejt dhe kaq papritur mendoj se është pak e vështirë që të kuptohet plotësisht

Agjencia “Reuters” ka zbardhur sot atë që mund të quhet një histori e vërtetë korrupsioni dhe papërgjegjshmërie pas shpërthimit masiv në portin e Bejrutit në Liban.

Sipas dokumenteve të siguruara nga kjo agjenci, zyrtarët e sigurisë në port kishin paralajmëruar muajin e shkuar Presidentin e vendit dhe Kryeministrin se 2500 tonë nitrat amoni që ishin magazinuar në port përbënin një rrezik të madh dhe mund të shkatërronin kryeqytetin nëse do të shpërthenin.

Një avokat në SHBA, Benjamin Crump ka shpërndarë në tuiter videon e arrestimit në Florida të një 8-vjeçari. Video e pabesueshme tregon sesi policët i vendosin prangat fëmijës në fjalë duke i sqaruar se ky ishte një gjest jo i pëlqyeshëm. Fëmija u arrestua më 14 dhjetor 2018 pasi goditi mësuesen e vet e cila I kishte kërkuar të ulej dhe qëndronte siç duhej. Më pas u kontaktuan prindërit dhe historia tipike amerikane:

U ndoqën procedurat standard

Aleksander Lukashenko ka fitur mandatin e tij të gjashtë si president i Bjellorusisë. Të dhënat paraprake të Komisionit Qendror të Zgjedhjeve flasin për një fitore me 80.23% përkundrejt 9.9% të marra nga opozitarja Svetlana Tikhanouskya, një ish-mësuese anglishteje që arriti të bashkonte grupimet opozitare.

Rezultatet janë publikuar pak pasi policia shpërndau turma protestuesish në kryeqytetin Minsk dhe qytete të tjera, që kishin dalë në rrugë pasi u mor vesh se Lukashenko do të shpallej sërish fitues.

Një fëmijë isapolindur në Vranja të Serbisë raportohet se ka trashëguar nga nëna antitrupat kundër CoVid-19. Të paktën këtë raporton spitali i Vranjës që përmes drejtoreshës së pavionit gjinekologjik, Gordana Djordjevic ka sqaruar se fëmija ka rezultuar negativ ndaj CoVid-19, por me antitrupa ndaj virusit. 

Ankaraja zyrtare ka deklaruar zyrtarisht se ajo nuk e njeh marrëveshjen detare mes Greqisë dhe Egjiptit, njoftuar se është firmosur së fundmi. Ministri i Jashtëm, Mevlut Cavucoglu e cilësoi marrëveshjen nul, duke mos pritur madje as publikimin e hartave.

Kanë mjaftuar pak orë nga shpërthimi në Bejrut që teoritë e një sulmi të nisin të përhapen në internet përmes videove të ndryshme. Në njërën prej tyre duket një raketë që godet dhe provokon shërthimin kryesor. Associated Press shkruan se nuk ka të dhënë për një sulm, edhe pse ky skenar nuk është përjashtuar tërësisht. Çështja këtu qëndron te përjashtimi i mundësisë së një sulmi me raketë dhe sipas AP-së në videon me efeket negative është kryer manipulimi.

Qendra Gamelei në Moskë pritet të regjistrojë më 12 gusht të këtij viti vaksinën e parë kundër CoVid-19 në botë. Lajmi është konfrmuar nga zv.ministri rus i Shëndetësisë, Oleg Gridnev sipas të cilit përparësi do të kenë personeli mjekësor dhe të moshuarit. Sipas Miistrisë ruse të Shëndetësisë është planifikuar nisja e fushatës së vaksinimit të popullatës në muajin tetor dhe ajo do të mbulohet tërësisht nga qeveria ruse.

Vaksina në fjalë është testuar mbi 38 vullnetarë dhe i ka kaluar protokollet e sigurisë. Sipas mediave ruse ajo prodhoi imunitet te të vaksinuarit.

Greqia është në prag të nënshkrimit të marrëveshjes së delimitmit detar me Egjiptin. Gazeta greke “Kathimerini” citon burime diplomatike sipas të cilave diskutimet e nisura mes ministrit të Jashtëm Nikos Dendias dhe presidentit egjiptian, Abdel Fattah al-Sisi, të cilat do të vazhdojnë me homologun ejgiptian, Sameh Shoukry.

Negociatat në nivel teknik kanë vazhduar pa ndërprerje dhe raportohet se pak çështje kanë mbetur pezull.

Në një intervistë për revistën gjermane “Spiegel”, zyrtarja kryesore e OKB-së për Çarmatimin, Izumi Nakamitsu, paralajmëron se bota ndodhet më pranë se kurrë një lufte bërthamore. Sipas saj mungesa e dialogut mes shteteve ka provokuar krijimin e një situate jashtëzakonisht të rrezikshme duke vënë gishtin sërish mbi fy fuqitë kryesore nukleare, SHBA dhe Rusia.

Rreziku i përdorimit të armëvë bërthamore, i qëllimshëm apo aksidental, është më i larti që nga ditët më të errëta të Luftës së Ftohtë. Por rreziku më i madh është megjithatë keqllogaritja