Blloku Bota

Zëdhënësi i BE-së për Politikat e Sigurisë dhe Çështjet me Jashtë, Peter Stano, ka hedhur poshtë ato që i quajti spekullime të mediave serbe për një draft marrëveshjeje detyruese për Serbinë në kuadër të dialogut me Kosovën.

Rregullim ynë është që të mos komentojmë mbi spekullimet e medias. Por në këtë rast të veçantë do të doja që të hidhja poshtë qartë spekullimet mbi takimin e ekspertëve dhe çështjet e atij takimi

 Presidenti amerikan Donald Trump ka propozuar shtyrjen e zgjedhjeve presidenciale. Sipas tij situata e tanishme sugjeron se zgjedhjet mund të cenohen në integritetin e tyre.

Do të ishte një siklet i madh për SHBA. Të shtyhet data e zgjedhjeve derisa të sigurohet një votë e sigurtë

shkruan Trump në tuiter.

Ish-ambasadori i Britanisë së Madhe në Turqi, Richard Moore është emëruar drejtues i shërbimit sekret, MI6 – shërbimi i jashtëm. Përmes një deklarate qeveria britanike konfirmoi pozicionin e Moore që pason në detyrë Sir Alex Younger që ka mbajtur detyrën për gjashtë vjet.

Moore ka lindur në Libi dhe është diplomuar për filozofi në Oxford. Ai ka hyrë në shërbim në vitin 1987 dhe konsiderohet si një spiun i kualifikuar në komunitetin e shërbimeve.

Presidenti amerikan Donald Trump ka reaguar sot në tuiter lidhur me vendimin e tij për tërheqjen e 12 mijë trupave ushtarake nga Gjermania. Trump ka zgjedhur një argument ekonomik për të shtruar një pyetje shumë serioze mbi sigurinë:

Gjermania i paguan çdo vit miliarda dollarë Rusisë për energjinë dhe ne supozohemi të mbrojmë Gjermaninë nga Rusia. Për çfarë?

shkruan Trump.

SHBA do të zhvendosë 12 mijë trupa nga Gjermania drejt Belgjikës dhe Italisë. Mediat amerikane citojnë sekretarin e Mbrojtjes, Mark Esper, sipas të cilit procesi do të zgjasë disa vjet dhe do të kushtojë miliarda dollarë, ndërkohë që mbi këtë temë ka edhe një debat të karakterit politik.

Presidenti amerikan, Donald Trump ka mbrojtur vendimin e vet duke nënvizuar faktin se Gjermania nuk përmbush detyrimin për të paguar 2% të PBB-së për NATO-n, por edhe vendet pritëse, Italia dhe Belgjika nuk e arrijnë këtë kuotë.

Rusia do të ndihmojë Sirinë në ndërtimin e një kopjeje të Shën Sofisë, pasi kjo e fundit u shndërrua në xhami nga Turqia e Erdoganit. 

Siria, në ndryshim nga Turqia është një vend që tregon qartësisht mundësinë e një dialogyu ndërfetar paqësor. Presidenti al-Assad nuk do ta bënte kurrë atë që ndodhi me Shën Sofinë në Stamboll. Rusia do të japë fondet për një miniaturë të Shën Sofisë në provincën perëndimorë të Hama-s

Jeff Bezos do të përgjigjet për herë të parë para Kongresit amerikan, konkretisht Komitetit antitrust. Ky është lajmi për disa media në ShBA që kanë vënë në dukje se Bezos, themelues dhe drejtus i Amazon, është i vetmi nga katër drejtuesit e gjigandëve teknologjikë që nuk është shfaqur para trupës legjislative amerikane. Tim Cook i Apple ka dëshmuar në vitin 2013, Zuckerberg i Facebook ka qenë aty disa herë, Sundar Pichai i Google dhe Alphabet ka qenë në vitin 2018.

Turqia ka vendosur të pezullojë kërkimet për naftë në Egje duke kthyer në port anijen e kërkimit, Oruç Reis. Zëdhënësi i Presidentit turk, Ibrahim Kalin tha në një intervistë për CNN Turk se Erdogan ka urdhëruar pezullimin në funksion të negociatave me Athinën zyrtare. Ai ka përmendur edhe rolin e Gjermanië në këtë situatë duke zbuluar se tërheqja e Ankarasë mund të jetë edhe produkt i diplomacisë së Berlinit.

Qasja bazike e Gjermanisë është të ndërmerren hapa për të reduktuar tensionin në Mesdhe; qasja jonë ndaj kësaj është shumë pozitive

Kryeministri britanik, Boris Johnson ka paralajmëruar se në Europë po shihen shenja të një vale të dytë të koronavirusit. Gjatë një vizite në Nottingham, Johnson ka mbrojtur vendimin e qeverisë së tij për të karantinuar me 14 ditë çdo person që hyn në vend nga Spanja.

Ajo që ne duhet të bëjmë është të marrim vendime të shpejta dhe të vendosura aty ku mendojmë se ka rrezik vatrash sërish. Të jemi fare të qartë rreth asaj që po ndodh në Europë. Mes disa prej miqve tanë europianë, kam frikë se po shihen shenjat e një vale të dytë të pandemisë

Dokumente të zbardhura nga Libraria Presidenciale Clinton hedhin dritë mbi situatën politike të Bill Clinton në vitin 1995 dhe lëvizjet prapa perdeve me krizën boshnjake. Gazeta “The Guardian” raporton se Clinton po kërkonte një zgjidhje për konfliktin boshnjak përpara nisjes së fushatës zgjedhore të vitit 1996 edhe duke shpërblyer lidershipin serb të Bosnjës, që akuzohej për spastrim etnik.