Blloku Bota

Përshkallëzimi i situatës në kufirin Rusi-Ukrainë mund të finalizohet me nisjen e një lufte. Një parashikim të tillë e bën shefi i inteligjencës ukrainase, gjeneral brigade Kyrylo Budanov, në një intervistë për Military Times.

Rusia ka vendosur në kufi me Urainën 92 mijë trupa dhe sipas Budanov planet janë për një sulm që mund të nisë në fund të janarit apo në fillim të shkurtit.

Mediat eruropiane raportojnë për dy të plagosur në Roterdam si pasojë e veprimit të policisë me armë zjarri kundër protestave të dhunshme që janë provokuar nga rikthimi i masave kufizuese. Kryebashkiaku I Roterdamit e ka cilësuar protetsën e fundit një orgji dhune, teksa turma me qindra protestues u vunë zjarrin makinave dhe hodhën gurë kundër forcave të policisë. Sipas të dhënave zyrtare janë arrestuar 51 persona, mes të cilëve siç raporton në mënyrë tendencioze “The Guardian”, rreth gjysma  ishin nën moshën 18 vjeç.

Themeluesi i Forumit Ekonomik Botëror, Klaus Schwab, njoftoi një iniciativë të re globaliste të quajtur Narrativa e Madhe, gjatë një samiti në Dubai javën e kaluar.

"Ne jemi këtu për të zhvilluar Narrativën e Madhe, një histori për të ardhmen. Në dy ditët e ardhshme, do të shikojmë se si imagjinojmë, si projektojmë, si e ekzekutojmë narrativën e madhe, si e përcaktojmë historinë e botës sonë për të ardhmen”, shtoi ai.

Shtetet e Bashkuara të Amerikës po ecin drejt një kursi politik që ndan botën sipas menusë së vet, të shijeve të veta. Së fundmi ka dalë në dritë një lajm sipas të cilit Kongresi amerikan mund të adoptojë një rezolutë për mosnjohjen e zgjedhjeve presidenciale ruse të vitit 2024 nëse në to merr pjesë sërish presidenti aktual Vladimir Putin. Është një marrëzi që nuk dihet nga ushqehet, por e cila ka marrë një përgjigje qysh tani duke sinjalizuar llojin e botës që po afron.

Transparencë për vaksinat, por duhet pritur gjatë. Kërkesës së një grupi shkencëtarësh, drejtuar qeverisë federale për të bërë publike të dhënat mbi të cilat u mbështet në licencimin e vaksinës COVID-19 të Pfizer, FDA i është përgjigjur duke vendosur një afat që shkon përtej çdo zvarritjeje burokratike. Administrata e Ushqimit dhe Barnave (FDA) kërkon plot 55 vjet për të bërë publik informacionin mbi të cilin u bazua për t’i dhënë licencën e vaksinës gjigantit amerikan të farmaceutikës.  

Austria bëhet vendi i parë në Europë që imponon në mënyrë direkte vaksinimin. Kancelari austriak, Alexander Schallenberg, njoftoi sot se vaksinimi kundër COVID-19 do të jetë i detyrueshëm nga shkurti 2022, ndërsa i fajësoi të pavaksinuarit se po “sulmojnë sistemin shëndetësor”.

“Nuk kemi arritur t’i çojmë njerëzit drejt vaksinimit. Masat më të fundit kanë rritur vaksinimet ditore, por jo mjaftueshëm," tha Schallenberg. "Për një kohë të gjatë, ishte konsensus në vend që mandati i vaksinës nuk është i nevojshëm, por ne duhet të përballemi me realitetin."

Prej pothuajse dy vjetësh, origjina e virusit SARS-CoV-2 mbetet mister dhe burim tensioni mes Kinës dhe Shteteve të Bashkuara.

Rasti i parë i njohur COVID-19 ishte një shitës tregu në qytetin kinez Vuhan dhe jo një kontabilist që dukej se nuk kishte lidhje me tregun, por rasti i të cilit kontribuoi në spekulimet se virusi mund të kishte dalë nga laborator. Ky konkluzion del në një studim amerikan të publikuar në Science Magazine.

Presidenti amerikan Joe Biden ka paralajmëruar një fushatë diplomatike kundër Kinës ku nuk përjashtohet ideja e bojkotit të Lojërave Olimpike Dimërore të Pekinit.

Franca do t’u kërkojë prodhuesve të smartfonëve dhe kompjuterëve si Apple, Samsung dhe Huawei që t'u japin prindërve mundësinë për të kufizuar aksesin e fëmijëve të tyre në internet. Deputetët francezë e kanë prezantuar një ligj të tillë disa ditë më parë.

“Përballë rreziqeve të teknologjisë, ne do të ndryshojmë ligjin në mënyrë që kontrollet prindërore të instalohen si parazgjedhje në të gjithë telefonat inteligjentë, kompjuterët dhe tabletët e përdorur nga fëmijët tanë”, shkroi Macron në Twitter.

Google dhe Agence France-Presse arritën të mërkurën një marrëveshje pesëvjeçare sipas së cilës kompania më e madhe në botë e kërkimit në internet do të paguajë agjencinë e lajmeve. Marrëveshja, pas 18 muajsh negociatash, është e para që arrin një agjenci lajmesh sipas direktivës evropiane të vitit 2019 mbi të ashtuquajturat të drejta fqinje, të cilat kanë qenë objekt debati mes gjigantëve të internetit dhe medias mbi pagesën për përdorimin e lajmeve në internet dhe përmbajtjeve të tjera.