Blloku Bota

Turqia ka lëshuar satelitin e parë të sajin të prodhuar në vend, IMECE. Lëshimi është bërë nga Baza e Forcës Hapësinore amerikane në Vandenberg të Kalifornisë më 15 prill.  

Sateliti është një prodhim i përbashkët i ministrisë së Teknologjisë, Mbrojtjes dhe Transportit.

Ministrja e Jashtme gjermane Annalena Baerbock e ka cilësuar përshkallëzimin e mundshëm ushtarak në ngushticën e Tajvanit si një skenar të tmerrshëm për mbarë botën. 
Ajo i bëri deklaratat pas një takimi me homologun kinez Qin Gang dhe si argument për të ajo solli faktin se 50% e fluksit tregtar global kalon në atë zonë. 

Ne po i shohim me shumë shqetësim tensionet në rritje në Ngushticën e Tajvanit

India ia kalon Kinës për numrin e popullsisë, sipas vlerësimeve të Kombeve të Bashkuara. Ky ndryshim shënon një moment historik të rëndësishëm për vendin e Azisë Jugore dhe do të ketë implikime të gjera për ekonominë, shoqërinë dhe ndikimin e tij global. Popullsia e Indisë është katërfishuar, nga 350 milionë banorë në vitin 1950 në rreth 1.43 miliardë njerëz sot. Ndërkohë, popullsia e Kinës, e cila arriti kulmin në 1.42 miliardë në vitin 2021, po bie gradualisht. Shifrat e përpunuara nga

Tentakulat amerikane të mbajtjes nën vëzhgim dhe mbledhjes së informacionit shtrihen në të gjithë planetin, me synimin për të qenë në dijeni të të gjitha sekreteve që i atribuohen konfliktit ruso-ukrainas dhe aktiviteteve të emisarëve të Moskës.

Vittorino Andreoli është mjek dhe shkrimtar italian. Psikiatër dhe neurofarmakolog i njohur, ai shquhet për një reflektim kritik të qartë e të thellë mbi problemet kryesore të shoqërisë bashkëkohore. Në një intervistë për Corriere della Sera, psikiatri 82-vjeçarrë rrëfen momente të karrierës, flet për pleqërinë, lumturinë dhe mënyrën si e kanë ndryshuar botën dhe njeriun rrjetet sociale.    

Profesor Vittorino Andreoli, ju thoni se të gjithë mund të kemi një moment kur mund të vrasim. E keni pasur këtë moment?

Presidenti i Francës Emmanuel Macron ka provokuar debate me deklaratën e tij për “autonominë strategjike” të Europës nga SHBA, sidomos nisur nga fakti se ajo erdhi në kthimin e tij nga një vizitë në Kinë. Si për të konfirmuar rrëmujën që ekziston në Europë për këto çështje, ka reaguar, madje replikuar, kryeministri polak, Mateusz Morawiecki.

Në vend të ndërtimit të autonomisë strategjike nga SHBA, propozoj një partneritet strategjik me SHBA

Dokumentet sekrete të shërbimeve inteligjente amerikane që kanë rrjedhur së fundmi në rrjetet sociale përmbajnë edhe ato që quhen kartat e forta të skenarit të luftës në Ukrainë. Gazeta “New York Times” citon dokumetet sipas të cilave shërbimet amerikane të mbrojtjes konsiderojnë si skeanr goditjen e Kremlinit nga Ukraina, apo edhe vrasjen e Volodymyr Zelenskiyt.

Një grua kineze është bërë personi i parë që vdes nga një lloj gripi i shpendëve që është i rrallë tek njerëzit. Në njoftimin e Organizatës Botërore të Shëndetësisë (OBSH) thuhet se gruaja 56-vjeçare nga provinca jugore e Guangdong është personi i tretë që dihet se ishte infektuar me nëntipin H3N8 të gripit të shpendëve.

Të gjitha rastet kanë qenë në Kinë, dy rastet e para janë raportuar vitin e kaluar.

Zvicra nuk do të bllokojë asete të tjera ruse, përtej fondeve të ngrira tashmë. Drejtoresha e Sekretariatit Shtetëror për Çështjet Ekonomike (SECO), Helene Budliger Artieda, në një intervistë për gazetën “Neue Zürcher Zeitung”, e argumentoi këtë me mungesën e provave se asete të tjera mund të jenë subjekt i sanksioneve.

Spikerja e parë virtuale, e cila mbështetet në inteligjencën artificiale, u prezantua në Kuvajt, përmes llogarisë në Tuiter të Kuwait News.

“Unë jam Fedha, prezantuesja e parë në Kuvajt që punon me inteligjencën artificiale në Kuwait News. Çfarë lloj lajmesh preferoni? Le të dëgjojmë mendimet tuaja”, tha ajo në arabisht.

Faqja është e lidhur me Kuwait Times, e themeluar në vitin 1961 si e përditshmja e parë në gjuhën angleze e rajonit të Gjirit.