Blloku Billboard

Operacionin ndaj hajdutllëkut do ta çojmë deri në fund, tha kryeministri Rama për operacionin e madh kundër informalitetit. Reagimet e para ndaj kërcënimit për një fushatë masive, ku tatimorët, policët e gjithfarë nëpunësit do zbrisnin nëpër rrugë e rrugica, ishin refleks i kushtëzuar, një panik masiv i atyre dyqanxhinjve që e dinin se diçka nuk e kishin në rregull. Shkurt hesapi, ata ulën qepenat njësoj si në filmat me njësite guerile pasi kryehej ndonjë atentat në pazar.

Numrat e aparateve celularë që disponohen nga shtetasit shqiptarë – Tatimpagues - apo ata që banojnë në Shqipëri, do të regjistrohen në një Bazë të Dhënash. Kështu, një vit pas debatit dhe gjykimit në Gjykatën Kushtetuese, për regjistrimin e numrave IMEI, qeveria shqiptare e ka rikthyer çështjen, por kësaj radhe me anë të një projektligji, që parashikohet si ndryshim në ligjin për procedurat tatimore. Dhe në pamje të parë, ai përfshin një kategori më të kufizuar: Tatimpaguesit.

Tashmë është e njohur: edhe nga Tirana zyrtare ka disa “teza” ideologjike për Europën. Më saktë leksione, në formë kritikash për sjelljen e saj, reduktimin e projektit europian(nëse ka qenë ndonjëherë ndryshe) në një klub të mbyllur që po ravijëzon kufij të ngushtë sërish në Adriatik. Prodhues i këtyre “tezave” është kryeministri Edi Rama, i cili përsërit shpesh se Europa e sotme vuan nga mungesa e një strategjie. Dhe e ka rithënë në një intervistë për gazetën italiane “Il Mattino” sot: “Evropa ka humbur në egoizëm dhe sot BE-ja është më shumë taktike dhe më pak strategjike.

Mbërrin edhe haberi i radhës sesi shqiptarëve do t’u shtrëngohen dhëmbët nga “shteti”. Raportohet se Drejtoria e Policisë së Qarkut Tiranë “ka njoftuar të gjithë qytetarët, institucionet shtetërore, subjektet private që kanë në pronësi/përdorim mjete rrugore, të marrin masa për likuidimin e gjobave të vendosura nga shërbimet e policisë, për shkelje të legjislacionit rrugor.

Zyra Federale Gjermane për Azilin dhe Migracionin (BAMF) në një prononcim për "Abc News" deklaroi se kjo zyrë nuk ka asnjë indikacion se azilkërkuesit nga Shqipëria janë emigrantë nga Greqia. BAMF reagoi në lidhjen me deklaratën e Edi Ramës, i cili tha se “është fakt që dihet tanimë dhe nga autoritetet atje se shumica dërrmuese e shqiptarëve s'janë të ikur nga Shqipëria po nga Greqia.” Por sipas Zyrës Federale Gjermane për Azilin dhe Migracionin, që është dhe autoriteti kryesor për azilkërkuesit, nuk ka asnjë shenjë se shumica e azilkërkuesve shqiptarë janë ish-emigrantë nga Greqia.

Foli dje, foli edhe sot. Këtu nuk është fjala për të drejtën e fjalës, se atë e kemi vetë, por për vlerën e asaj që themi. Erjon Braçe, deputet dhe kryetar i Komisionit të Ekonomisë, ka dy ditë që “prononcohet” në Facebook për çështjen e Kishës së Dhërmiut, për akuzën e Greqisë se prishja e saj me rruspat e INUK-ut, natën, si dikur ndalimi i grupeve armiqësore, kujton aktet e ISIS. Dhe deputeti ka një kundërshembull: restaurimin e Kishës së Karavastasë.

Kohët e fundit, një sërë artikujsh dossier janë përpjekur të na e paraqesin kryeministrin Rama si lideri i munguar i demokracisë shqiptare, në momentet e fillimit të saj. Është ky personi që na duhej dhe me atë në krye, ne do të kishim patur një tranzicion ndryshe. Fatmirësisht për historinë shqiptare, Rama po e tregon sa demokrat është, me vepra. Sidomos me vepra. Radha i erdhi, madje i erdhi në një moment të shkëlqyer. Sapo ia dorëzoi Saliu, ky maskara i kombit. Ky që bën çdo gjë.

Le të shikojmë sesi veproi “shteti” shqiptar me kishën e Dhërmiut, për të cilën sot po dalin patriotë lart e poshtë, me printet e Wikipedias në dorë, e me Nilo Katalanon në zemër. Para tri ditësh, në pasdite, publikohet një deklaratë për shtyp e Kishës Ortodokse Autoqefale që denoncon aktet vandale të disa personave, mes të cilëve disa njerëz të policisë e disa të pushtetit vendor të Himarës. Të nesërmen, shfaqet këshilltari i Kryemimistrit, Artan Shkreli, që Gënjen publikisht, e thotë se kisha është monument kulture.

Ndërsa po shikoja faqen e rrjetit social “Facebook” të kryetarit të bashkisë së Tiranës, Erion Veliaj, për të parë arritjet më të fundit të këtij institucioni, papritmas më tronditi një nga fotoalbumet që pashë. Bëhet fjalë për një sërë fotografish ky Veliaj shihet duke lyer muret e një çerdheje apo kopshti i shoqëruar me fëmijë.

Sot kryeministri i Shqipërisë Edi Rama ka zhvilluar një bisedë online me njerëzit, përmes Twitter e Facebook, ku përgjigjet për çështjet që shqetësojnë vendin. Edi Rama erdhi në pushtet në qershor të vitit 2013, por në zyrë hyri në shtator. Kështu që kjo bisedë për bilancin e qeverisjes është në dy vjetorin e tij si kryeministër. Ajo ka rëndësi pasi kriza ekonomike, dështimet në tatime e dogana, politika fiskale, problemet serioze në shëndetësi, kanë dalë në sipërfaqe si probleme të prekshme, e që po shtojnë kostot e jetesës së shqiptarëve.