Blloku Alternative

“Një grua në moshë”, piktura e artistit flamand Quinten Massys, është në qendër të vëmendjes së studiuesve të artit më shumë se pesë shekuj pasi u pikturua. E ekspozuar në Galerinë Kombëtare në Londër, piktura e vitit 1513 paraqet një grua të moshuar. Në katalogun e ekspozitës, vera e shekullit të 16-të përshkruhet si sfiduese e standardeve tradicionale të bukurisë. Personazhi është një grua me sytë të futur në gropë, hundë të mprehtë e të madhe, lëkurë të ashpër, një nishan me qime, ballë të fryrë dhe mjekër të theksuar katrore.

Muzeu “Guggenheim” në Abu Dhabi pritet të hapet në vitin 2025, ndonëse ka nisur ndërtimin në vitin 2011. 

Një bashkëpunim mes fondacionit “Guggenheim” dhe ministrisë së Kulturës dhe Turizmit në Emiratet e Bashkuara Arabe, projekti përfaqëson një ndërhyrje modernizuese në arkitekturë me ambicien për ta shndërruar Abu Dhabin në qendër rajonale të artit. 

Një kompani portugeze me seli në Porto, Ooda, njofton se ka fituar konkursin ndërkombëtar për projektin dhe ndërtimin e godinës qendrore të re të Tv Klan. Sipas projektit të paraqitur në faqen e vet online, ai paraqitet në volum cilindrik të çrregullt që imiton mbivendosjen e pelikulave të filmit. Materiali i përdorur në fasadë do të jetë xham, me mjedise të brendshme me hapësirë dhe larg rregullimit funksional tradicional: korridor, zyra, studio. 

Një mësuese në Spanjë, Verónica Duque, ka menduar ta ilustrojë anatominë njerëzore përmes një kostumi të veshur në trup, me organet ilustruese që përkojnë me pjesët reale të tyre në trup. Një gjetje që e shndërron mësimin në ekzibicionizëm të pastër dhe një zgjedhje joshumë konvencionale, megjithë fuqinë shpërthyese pedagogjike.

Tre historianë francezë i kanë dhënë jetë një projekti të veçantë që vendos një rikrijim digjital të Napoleon Bonapartit përballë “njerëzimit” të sotshëm nëse mund të themi kështu. Raphaël Doan, Arthur Chevallier dhe Baptiste Roger-Lacan kanë shfrytëzuar inteligjencën artificiale për të sintetizuar në formën e përgjigjeve të atpëratyshme një Napoleon që si bazë të dhënash ka historinë e tij personale, letrat, bisedat, mendimet, aktet e raportuar në gjallje të tij.

Unë ngas një makinë me marsh manual. Është një dhimbje koke, ndonjëherë. Në trafik sidomos. Gruaja ime nuk mund ta drejtojë makinën time, çka i kufizon mundësitë tona të tranzitit. Dhe kur jam në timon, nuk mund të mbaj një pije të ftohtë në dorë, të paktën jo në mënyrë të sigurt. Por pavarësisht këtyre sikleteve, më pëlqen manualja. Më pëlqen ndjesia se po e drejtoj makinën time dhe jo thjesht po e komandoj. Kjo është arsyeja pse kam drejtuar prej 20 vjetësh makina me marsh manual. 

Ka ndërruar jetë në moshën 58 vjeçare, ish-futbollisti i Sampdorias dhe kombëtares italiane, Gianluca Vialli. Ikën kështu një copëz historie e viteve ’90, e Italisë më të mirë që ka qenë ndonjëherë, ndonëse jo më të suksesshmes, jo asaj më me fat. Kancer në pankreas, sëmundja që e mori Viallin karizmatik më herët nga sa duhej. Një karrierë e lidhur me atë që mund ta qaujmë koha e artë e futbollit, me Italinë, me Sampdorian, pastaj me Chelsean edhe si drejtues. Ai ka fituar të trija kompeticionet për klubet europiane si lojtar dhe trajner.

Jeta gjatë epokës së akullit në Evropë gjendet e dokumentuar përmes vizatimeve në shpella. Njerëzit e asaj epoke, të cilët jetonin kryesisht me gjueti, kanë regjistruar informacione të detajuara rreth jetës së kafshëve rreth tyre, të cilat nukishin deshifruar deri tani. Vizatimet datojnë të paktën 20 000 vjet më parë. Por i pari që zbuloi se shenjat e lëna nga njeriu i lashtë në shpella lidheshin me ciklet e jetës së kafshëve u bë nga një njeri që nuk ka lidhje me arkeologjinë.

Ka ndërruar jetë në moshën 82 vjeçare futbollisti i njohur brazilian, Pele. I lindur si Edson Arantes do Nascimento, ai erdhi në vëmendje të mbarë botës me shfaqejn e tij në kampionatin botëror të vitit 1958 në Suedi, të fituar nga Brazili.

Nuk ishte aksident. 1962, 1970, ishin kampionate të Brazilit, firmosur nga talenti i pakonkurueshëm i Peles, që është padyshim një ndër popullarizuesit e mëdhenj të futbollit. 

Një pllakë e gjetur në vitin 1976 në nekropolin e Estacar de Robaniras mendohet se prezanton grafikisht një luftëtar afrikan që mori pjesë në betejën e Castulos ku mbeti i vrarë gjenerali romak Publius Cornelius Scipio.

Bëhet fjalën për luftën e dytë Punike, kur Publius Cornelius – babai i Afrikanit – u angazhua në Spanjë kundër forcave të Hasdrubal Barkës, vëllait të Hanibalit, gjeneralit të famshëm kartagjenas.