Pasi e refuzoi tri herë me radhë ftesën e presidentit Hashim Thaçi, lideri i Lëvizjes Vetëvendosje, Albin Kurti, ka vendosur ta caktojë vetë datën për takimin në të cilin do të flitet për mandatarin e qeverisë së ardhshme. 6 janari i propozuar nga Vetëvendosja, duket të jetë në rregull edhe për presidentin, pasi i njëjti përmes një shkrese zyrtare i është përgjigjur pozitivisht ofertës për takim. Takimet mes të dyve nuk janë të shpeshta e as të zakonshme. Të njëjtit prej vitesh kanë hedhur akuza prej më të ndryshmeve kundrejt njëri-tjetrit.

Kryeministri po kërkon sërish takim me kryetarin e opozitës jashtë parlamentare. 
Jemi gati të ulemi dhe të flasim për gjithçka, - thotë, duke shtuar mandej se “kjo nuk do të thotë se duhet të biem dakord për gjithçka”. 

Mirëpo pasi pranoi si krejt normale largimin e opozitës nga parlamenti, pasi bëri avokatin e përgjimeve të publikuara, pasi imponoi votime me kandidatë që po bien të gjithë njëri pas tjetrit, për çfarë duhen këto takime?

Tabloidë të ndryshëm në Perëndim i kanë lënë vend ngritjes së flamurit të kuq në xhaminë Xhamarkaran në qytetin Qom në Iran. Sipas një interpretimi ky flamur ku shkruhet “Për ata që duan të hakmerren për Huseinin” nënkupton vajtimin për gjakun e derdhur padrejtësisht dhe bën apel për hakmarrje ndaj martirit të vrarë.

Nuk ka një version bindës për këtë gjë, por pamjet tregojnë në fakt vendosjen e një flamuri që nuk është flamuri shtetëror iranian që sipas mediave të ndryshme perëndimore është përcjellë nga televizioni shtetëror iranian.

Qeveria shqiptare ka gjetur një mundësi të mirë për të përmirësuar imazhin e ver duke u investuar në zgjidhjen e një krize ndërkombëtare. Në lojë pas kuintave qëndron sërish presidenti turk, Recep Tayyip Erdogan, por kryeministri Rama kësaj radhe ka menduar më hollë se herët e tjera. Ai do të përdorë si koperturë OSBE-në, drejtimin e së cilës e ka vetë. 

Disa media të njohura kanë publikuar pak orë më parë tituj të ngjashëm sipas të cilëve lexohet se parlamenti libian ka votuar kundër dislokimit të trupave turke në vend. Gazeta greke “Kathimerini” shkruan madje se parlamenti ka votuar edhe kundër memorandumit mes Turqisë dhe Libisë për delimitimin e ujërave detare. 

Kur kalon titullin dhe hyn në tekst, sheh se bëhet fjalë jo për parlamentin libian, por për Dhomën e Përfaqësuesve me qendër në Tobruk, aty ku vepron gjenerali Khalifa Haftar. Çfarë është votuar dhe çfarë vlere ka një gjë e tillë? 

Në korrik 2002, Forcat Izraelite të Mbrojtjes vranë një zyrtar të lartë të Hamasit, Salah Shehadeh, duke hedhur një bombë 1 tonëshe në godinën ku ai po flinte. Bashkë me të u vranë gruaja me vajzën, një tjetër luftëtar i Hamasit dhe 13 njerëz të pafajshëm që po flinin në godinat ngjitur. 
Në shtator të vitit 2003, një avion i forcave ajrore lëshoi një bombë 250 kg një një shtëpi ku ishin mbledhur shumë liderë të Hamasit. Bomba shkatërroi dy katet e sipërme, por të gjithë anëtarët e Hamasit shpëtuan pasi ishin në katin përdhe.

Incidenti i Papa Françeskut më një besimtare të cilën e qëlloi në dorë ka sjellë një reagim të papritur. Një artist rrugës në Romë, i quajtur Harrygreb, ka vizatuar në mur në rrugicën Campanella në qendër të kryeqytetit Italian, Papën të paraqitur si Kill Bill, filmi i Quentin Tarantino. Në fakt Papa qëndron mbi personazhin e luajtur nga Uma Thurman, një ironi kjo për sjelljen e Vikarit të Zotit në Tokë.

Corriere raporton se Harygreb është arrestuar dhe shoqëruar në kuesturë ndërkohë që muralet janë fshirë.

Zjarret në Australi kanë qenë kryelajm në shumë prej mediave të botës në ditët e fundit të vitit 2019. Presidenti Jair Bolsonaro thotë se ndryshe nga zjarri që përfshiu Amazonën në vendin e tij, për Australinë nuk po ngrihet askush. Bolsonaro është shprehur se kolegu i tij francez, Emmanuel Macron, dhe aktivistja suedeze, Greta Thunberg,e kanë shmangur çdo koment për zjarret që kanë shpërthyer në Australi.

Ish-ministrja e Jashtme e Greqisë, Dora Bakojanis ka publikuar së fundmi një opinion ku flet për marrëdhëniet e vendit të saj me Turqinë. Duke vlerësuar ndërlikimet që sjell për Greqinë memorandumi i Turqisë me qeverinë legale të Libisë, Bakojanis sugjeron forcimin e aleancave dhe konsiderimin e memorandumit si të paligjshëm, por jo nul për nga efekti praktik.

Një raketë amerikane vrau të enjten në darkë vonë, komndantin e forcave iraniane Quds, Qasem Soleimani, duke përshkallëzuar konfliktin e ngrirë mes Teheranit dhe Washingtonit dhe duke ndezur tensionet rajonale. 
Dy dronë amerikanë MQ-9 Reaper kryen qitje me raketa ndaj një konvoji me dy makina që po largoheshin nga aeroporti ndërkombëtar i Bagdadit, duke vrarë Soleimanin dhe Abu Mahdi al Muhandis, kreu i Frontit të Mobilizimit Popullor, njohur edhe si Hashd al Shaabi, një milici e mirënjohur filoiraniane.