Val Kilmer rikthehet në ekranin e madh, por kësaj here me një dokumentar që rrëfen përvojën e tij në Hollivud. Në festivalin e filmit në Kanë po prezantohet një dokumentar që rrëfen ngritjen e tij stratosferike dhe më pas rënien.

"Val" është një portret i aktorit, tani 61 vjeç, karriera e të cilit ka parë më shumë ngritje dhe ulje më shumë se avionët luftarakë në filmin e tij "Top Gun".

Një agjenci e re që do të luftojë pastrimin e parave dhe do të monitorojë zbatimin e rregullave të reja të transparencës për transferimet e kriptoaseteve pritet të ngrihet nga Bashkimi Europian. Propozimi është bërë sot, raporton Reuters. Në këtë mënyrë, Blloku u përgjigjet thirrjeve për veprim më të ashpër në lluftën kundër pastrimit të parave.

BE po i kundërpërgjigjet me një projekt konkret nismës kineze Belt&Road. Projekti i madh infrastrukturor i Pekinit ka për qëllim të lidhë Azinë me tregjet evropiane, por është parë gjerësisht si një mjet që do t’i sigurojë Kinës ndikim politik ndërkombëtarisht. Këshilli Europian ka një draft konkret konkluzionesh në të cilat kanë arritur qeveritë e BE-së.

BE ka gjobitur prodhuesit gjermanë të makinave me plot 875 milionë euro. Zëvendëspresidentja ekzekutive e BE-së, Margrethe Vestager, e motivoi këtë penalitet me komplotin e prodhuesve për të kufizuar zhvillimin e teknologjisë së emisioneve të pastra.

Kryetarja e Komisionit Europian, Ursula von der Leyen ka deklaruar nga Qiprua ku ndodhet për një vizitë se BE-ja nuk do të pranojë kurrë zgjidhjen e dy shteteve për ishullin në Egje.

Dua të përsëris se ne nuk do të pranojmë kurrë një zgjidhje të dy shteteve. Ne jemi të vendosur mbi këtë dhe jemi shumë të bashkuar

citohet von der Leyen të jetë shprehur në një konferencë për shtyp.

Parlamenti i Shqipërisë ka celebruar sot me lule dhe fjalë të përmalluara largimin nga skena politike të Gramoz Ruçit. Një politikan ndër më të vjetrit e politikës, që diti të paktën të izolojë mëkatet e trashëgimisë së vet duke qëndruar formalisht jashtë ekzekutivit. Pozicioni i kryetarit të Parlamentit, iu dha z. Ruçi nga z. Rama si dhuratë e denjë pensionimi, çka edhe na kujton se klasa e tanishme politike është e vendosur ta mbrojë investimin e vet, edhe pse në vazhdimësi bën thirrje dhe premton reforma revolucionarizuese.

Në një raportim të vetin sot, MCN TV njofton për blerjen me 1 euro të Repartit të Artilerisë në Brar të Tiranës nga fondacioni “Fundjavë Ndryshe”. Në raportimin e vet, televizioni në fjalë sjell dokumentet përkatëse ku flitet për shifra mbi 100 milionë lekë për një sipërfaqe prej 43 mijë m2. Ndërkohë në të njëjtin televizion, përfaqësuesja e Agjencisë për Mbështetjen e Shoqërisë Civile, Paula Bero, ka sqaruar se ligji përkatës e kufizon blerjen e aseteve ga OJF-të. Më poshtë intervista e znj. Bero dhe materiali për blerjen e truallit me objekte në Brar të Tiranës:

Kryeministrja e Lituanisë, Ingrida Simonyte ka deklaruar se në kufirin me Bjellorusinë do të ndërtohen pengesa për bllokimin e imigantëve. Ajo ka njoftuar po ashtu se kufiri do të monitorohet nga ushtria, një hap ky që përbën në vetvete moment përshkallëzimi në një zonë qysh tani të nxehtë.

Ne do të nisim ndërtimin e pengesave fizike shtesë, që ndajnë Lituaninë nga Bjellorusia, që do të ishte një shenjë e sigurtë dhe përfundimtare për organizatorët e flukseve migratore ilegale

Japonia dhe Kina duket se po përshfaqen si armiqtë më të rinj në Azi, duke kaluar një hap më lart nga statusi i rivalit që kanë patur deri më tani. 
Tokio po përpiqet përherë e më shumë të mobilizojë opinionin ndërkombëtar kundër një pushtimi të mundshëm ushtarak të Tajvanit nga Kina.

Agjencia “Reuters” citon zv.kryeministrin japonez, Taro Aso të jetë shprehur për agjencinë “Kyodo” se Japonia duhet ta mbrojë ushtarakisht Tajvanin së bashku me ShBA-të nëse Kina e sulmon ishullin.