Kryeministri Edi Rama ka dalë sot me një mesazh për vizitën e sekretarit amerikan të Shtetit, Anthony Blinken në Tiranë më 16 shkurt. Në mesazhin e vet, publikuar në faqen e vet në facebook, z. Rama rendit si të thuash arritjet e Shqipërisë sipas tij dhe kalon në revistë cilësitë e saj perëndimore. Ajo që tërheq vëmendjen megjithatë është ndalesa e posaçme e kryeministrit në reformën në drejtësi për të cilën përcjell një mesazh shumë ambig.

Mediat në Kosovë raportojnë për përpjekje për atentat ndaj kryeministrit Albin Kurti. Sipas RTK-së, ka patur një përpjekje të Serbisë për të vrarë Albin Kurtin gjatë qëndrimit të tij në Shkup.

Ka qenë një kombinacion operativ serb, ku janë gërshetuar mashtrimet mediale me veprimet në terren nga atentatorë të mundshëm të ekstremit serbo-maqedonas, të afërt me Federatën Ruse, por nën kontrollin e institucioneve serbe

citon RTK-ja një burim të institucioneve të Serbisë.

Bashkëkryetari socialist i Reformës Zgjedhore ka përgënjeshtruar kryeminstrin Rama i cili nga Luksemburgu tha se vota e emigrantëve pamundësohet për shkak se mungon databaza.

Në mbledhjen e kësaj të premteje, Damian Gjiknuri tha se ka një databazë ku janë regjistruar mijëra emigrantë, por sipas tij problemi qëndron te KQZ.

Pranojmë që ka disa mijëra emigrantë, pra qytetarë shqiptarë që jetojnë jashtë shtetit që janë regjistruar në këtë regjistër dhe ekziston një databazë e plotë për të filluar procesin e votimit.

Ta marrim të mirëqenë se qeveria e Kosovës është e mjerë, pa vision dhe se ajo vetëm i ka prishur punë Kosovës. Këtë thotë opozita kosovare e përbërë kryesisht nga njerëz që janë provuar në pushtet dhe po duken edhe tani për nivelin që kanë. Megjithatë është e qartë se përveç ndonjë krize akute, politika e jashtme nuk e rrëzon një qeveri të një vendi si Kosova. Dhe aq më pak pastaj diplomacia e saj që është zbatim i një politike të jashtme që në rastin e Kosovës nuk ndryshon.

Është përcjellë me shumë reagime intervista e Tucker Carlson me presidentin e Rusisë, Vladimir Putin. Dy orë e gjashtë minuta, 60 pyetje për disa tema, ku dominoi Ukraina. Putin është shprehur i gatshëm për të mbyllur një marrëveshje me presidentin ukrainas, Volodymyr Zelenskiy, për të cilin beson se e ka fuqinë ta bëjë një gjë të tillë. Nga ana tjetër, Putin ka nënvizuar se tashmë është e qartë edhe në Perëndim, se Rusia nuk mund të mposhtet në Ukrainë.

Nëse sheh nga jashtë raportimin mediatik mbi Shqipërinë mund të mendojë se pak orë e ndajnë nga qameti.
Ka një zhurmë e një zallamahi duke nisur nga Parlamenti e deri në media, për të vazhduar me dhunën në rrugë dhe shoë televiziv të zhanrit urban-porn, që thua çfarë e ushqen këtë histeri kolektive. 

“Avvenire” shkruan sot se sipas një raporti të studios “Svimez” dhe fondacionit “Save the Children”, diferencat mes shërbimeve shëndetësore në veriun e Italisë me Jugun janë rritur.

Presidenti ukrainas, Volodymyr Zelenskiy ka shkarkuar sot kreun e ushtrisë, gjeneralin Valery Zaluzhny, një lajm të cilin e ai e ka njoftuar personalisht në rrjetin social “X”.

U takova me gjeneralin Valerii Zaluzhny. E falenderova për dy vitet në mbrojtje të Ukrainës. Diskutuam rinovimin që kërkohet në Forcat e Armatosura të Ukrainës. Diskutuam po ashtu se kush mund të jetë pjesë e lidershipit të Forcave të Armatosura. I propozova gjeneralit Zaluzhny që të jetë pjesë e ekipit. Ne do të fitojmë. Lavdi Ukrainës!

Serbia e Aleksander Vuçiçit ngjan se po zhytet në një klimë toksike politike, ku mosmarrëveshja për pushtetin po ndan vendin. Kjo u duk që gjatë fushatës elektorale të fundit me mënyrën sesi palët iu adresuan njëra-tjetrës, ndërkohë që marrëdhëniet u acaruan pas zgjedhjeve kur vëzhgues ndërkombëtarë nisën të kritikonin procesin dhe të flisnin për manipulime elektorale.

Ministrja e Arsimit Ogerta Manastirliun nuk mohoi sot qe fondet e dedikuara për arsimin ne Bashkinë e Tiranës t’i kenë kaluar si pagesa inveneratorit të Tiranës. Ajo po ashtu refuzoi të përgjigjet mbi injorimin që mazhoranca i ka bërë vendimit të Gjykatës Kushtetuese për mandatin e Olta Xhaçkës, bashkëshorti i së cilës u shpall investitor strategjik. Me parimin e partneritet e ka shpjeguar ministrja e Arsimit, kalimin e 6 milionë eurove nga buxheti për arsimin dhe emergjencat civile i Bashkisë së Tiranës tek inceneratori.