Presidenti serb Aleksander Vuçiç ka deklaruar se me protestën e sotshme të opozitës për çështjen e minierës së litiumit në Jadar, do të ketë akte dhune dhe tentativë për grusht shteti.

Vuçiç ka shtuar se është njoftuar në rrugë zyrtare për këtë nga Rusia. 

Sot ne morëm informacion zyrtar nga Federata Ruse. Ne po e vlerësojmë. Ata që ëndërrojnë të arrijnë diçka me forcë do të dështojnë. Serbia po ecën me vendosmëri përpara dhe ata nuk mund ta ndalin atë. Nuk do të jenë më kurrë në gjendje ta ndalin. Njerëzit nuk kanë pse të shqetësohen

Sa herë nuk i kuptojmë sjelljet e ndërkombëtarëve, është mirë ta lexojmë dhe rilexojmë Marrëveshjen e Rambujesë nga viti 1999. Analizimi serioz i Marrëveshjes së Rambujesë, me 86 faqet e saj në versionin origjinal në gjuhën angleze, për politikanët shqiptarë dhe jo vetëm, sot dhe për shumë vite të ardhshme, mund të shërbejë si fanar për t’u orientuar në një det të trazuar, të cilit aq shumë i ngjan sot politika ndërkombëtare.

Një avion është rrëzuar në shtetin brazilian të São Paulo, duke u shkaktuar vdekjen 62 personave në bord.

Avioni turboprop me dy motorë po fluturonte nga Cascavel në shtetin jugor të Paraná-s për në aeroportin kryesor në qytetin e São Paulo kur u rrëzua në qytetin e Vinhedo, bëri të ditur linja ajrore Voepass.

Pamjet që qarkullojnë në rrjetet sociale tregojnë një avion që bie nga lartësia duke ndjekur një trajektore spirale.

Kryeministri polak Donald Tusk ka bërë thirrje që Bashkimi Europian të bëjë kujdes në deklarimet e veta ndaj Hungarisë.

Siç e dini pezullimi i një vend inga zona Shengen është hapi I parë drejt pezullimit nga BE. Do të isha i kujdesshëm rreth deklarimeve mbi pezullimin e vendeve nga BE-ja. Europa nuk duhet ta distancojë veten nga hungarezët

u shpeh ai para reporterëve.

Njerëzimi po shkon drejt një bote ku makina dhe njeriu shkrihen në një. Një nga shkencëtarët që beson se kjo do të ndodhë shumë shpejt është Ray Kurzweil.

Në vitin 1999, Kurzweil teorizoi se inteligjenca e përgjithshme artificiale do të arrihej pasi njerëzimi të mund të arrinte një teknologji të aftë për një trilion llogaritje në sekondë, gjë që në atë kohë ai besonte se do të ndodhte në vitin 2029.

Ekspertët në atë kohë u tallën me parashikimin e tij, duke menduar se do të duhej të paktën një shekull ose më shumë.

Interesi i studentëve të huaj për universitetet britanike ka filluar të bjerë. Shifrat e Home Office për korrikun flasin për një rënie me 15% të aplikimeve për viza studentore të sponsorizuara.

Rritja e inflacionit në vitet e fundit i ka dëmtuar të ardhurat e sektorit nga studentët në Mbretërinë e Bashkuar, duke e bërë atë më të varur nga tarifat më të larta të shkollimit tpër studentët e huaj.

Disa institucione thonë se janë të përgatitur për një rënie prej 50% të regjistrimeve të reja ndërkombëtare këtë vit, veçanërisht në kurset pasuniversitare njëvjeçare.

Në datën 6 gusht, media ruse “Sputnik” publikonte një infografik përmes të cilit shpjegonte kronologjinë e një propozimi të vjetër për anëtarësimin e Bashkimit Sovjetik në NATO.

Pas zgjedhjeve lokale në Himarë ka patur një zhvillim interesant përtej të majtës dhe të djathtës. Dhe këtë transhedencë e arrin vetëm patriotizmi i sinqertë i shqiptarëve që ndjejnë se kanë përgjegjësinë t’u çelin sytë shqiptarëve të tjerë që nuk po kuptojnë sesa dëm po i bëjnë vendit me ndasitë që po fusin.

E nën këtë emër patriotizmi origjinal, të ndjerë, të përgjithshëm, drejtori i Përgjithshëm i Arkivave të Përgjithshme ka publikuar dy letra dashurie; njërën për Vangjel Tavon e tjetra për Flamur Nokën.

“Më vjen thellësisht keq që ndodhi diçka e tillë. Gjithmonë duhet parë pas për të pyetur veten nëse ne mund të kishim bërë diçka që do ta kishim penguar."

Në një intervistë për revistën “Time”, kryeministri izraelit Benyamin Netanyahu kërkoi për herë të parë falje që e ka lënë Izraelin të pambrojtur ndaj një sulmi të asaj përmasash nga Hamasi.

Në Shtetet e Bashkuara ka një debat në lidhje me raportin mes kostos së arsimit të lartë dhe efikasitetit në tregun e punës pas diplomimit.

Qendra Kombëtare për Statistikat e Arsimit (NCES) ka zbuluar se vetëm rreth 41% e studentëve diplomohen me një diplomë katërvjeçare brenda katër viteve, që do të thotë mungesë e theksuar efikasiteti brenda sistemit.

Kritikët flasin për një mospërputhje midis kurrikulës së ofruar dhe kërkesave në zhvillim të tregut të punës, krahas tarifave të larta të shkollimit që nuk kanë tavan.