Të dhëna shokuese u zbuluan pas vdekjes së një mjeku të njohur aborti në Indiana, SH.B.A. Më shumë se 2,000 embrione të vdekura u gjetën në shtëpinë e tij, duke bërë që vetë familja të thërrasë autoritetet për të sqaruar rastin.

Doktor Ulrich Cloffer vdiq në 3 shtator. Ai drejtonte një klinikë gjinekologjike të specializuar në aborte deri në vitin 2015, përpara se licenca e tij e operimit të pezullohej.

Douglas Selvage, kërkues në Institutin për Histori në universitetin Humboldt dhe Christopher Nehring, drejtor i Muzeut të Spiunazhit në Berlin kanë shkruar së fundmi një artikull plotësues për fushatën dizinformuese që ndërmori ish-shërbimi sovjetik KGB, ai gjermanolindor STASI për sëmundjen infektive të Sidës – HIV-AIDS në vitet ’80 të shekullit të 20-të.

Gjermania do të japë dritën jeshile për Maqedoninë e Veriut në tetor, kurse Shqipëria do të duhet të presë. Portali European Western Balkans citon një studies në Berlin, Bodo Weber, sipas të cilit Maqedonia e Veriut do të marrë një dritë jeshile të pakushtëzuar, kurse Shqipëria do të ketë kushtëzime përpara se të hapen negociatat.

Google ka gjetur një marrëveshje me qeverinë franceze për çështjen e taksave të papguara apo të evaduara duke pranuar të paguajë një gjobë prej 1 miliardë dollarësh. Siç raportohet kompania do të paguajë 500 milionë dollar për evasion dhe 465 milionë dollar të tjera për të përmbushur pretendimet e qeverisë franceze.

Kur Angola e fitoi pavarësinë e saj, prijësi i Lëvizjes për pavarësi, Agostinho Neto, ia dhuroi mareshalit Tito (gjegjësisht Jugosllavisë), në emër të ndihmës së madhe (politike, në armatim, etj.) të drejtën e shpimit për naftë në puse të Oqeanit Atlantik. Aty u futën në fund të viteve shtatëdhjetë kompania kroate INA dhe ajo serbe, që së fundmi u quajt NIS (Industria e Naftës e Serbisë). Për nja tridhjetë vjet , kompania serbe nxori naftë prej Angolës, jo ndonjë sasi marramendëse, por sa për ta mbajtur të gjallë e me profit atë investim.

Heksafluoridi i squfurit (SF6) është një gaz që shumica e njerëzve nuk e njohin, megjithatë, sipas një raporti të BBC, ai është gazi më i fuqishëm serë i njohur për njeriun.

Prokuroria supreme greke ka kërkuar nga Parlamenti heqjen e imunitetit për disa politikanë të rëndësishëm në vend që akuzohen si të përfshirë në të ashtuquajturin skandali Novartis. Prokuroria ka marrë ndër të tjera dëshmitë edhe të ish-kryeministrit Antonis Samaras dhe ish-ministrit të Jashtëm, Evangelos Venizellos dhe ka proceduar me kërkesën drejtuar legjislativit. Të dy politikanët në fjalë kanë akuzuar ish-kryeministrin Alexis Tsipras dhe ish-ministrin e Drejtësisë, Dimitris Papangelopoulos si persona kyç në influencimin politik të çështjes.

Adria e Madhe është emri i një kontinenti që mendohet se qëndron i fshehur poshtë Europës Jugore. Kërkuesit kanë krijuar së fundmi një hartë të detajuar të këtij kontinenti të humbur e që u shfaq 240 milionë vjet më parë, pasi u shkëput nga Gondvana, një superkontinent që përbëhej nga ajo që sot është Afrika, Antarktida, Amerika e Jugut, Austrlia dhe pjesë të tjera toke. Adria e Madhe shtrihej nga ato që sot janë Alpet deri në Iran, por jo e gjitha kjo masë qëndronte mbi ujë.

Autoritetet çeke kanë vendosur të heqin nga Praga një statujë të marshallit sovjetik Ivan Koniev dhe zëvendësimin e tij me një monument tjetër që i përkujton ngjarjet e luftës së Dytë Botërore në mënyrë më të përgjithshme. Kundërshtitë për këtë temë kanë nisur që në vitin 1989 dhe kanë vazhduar me dekada nisur nga pretendimet e historianëve çekë sipas të cilëve, Koniev u përfshi në ngjarjet e Hungarisë në vitin 1956 dhe në ato të Çekosllovakisë në vitin 1968.

Në Berlin u zhvillua një tjetër takim mes kryeministrit Rama dhe kancelares Merkel, pas të cilit nuk pati konferencë për shtyp.

Rama tha në një postim se ishte shumë i inkurajuar nga vlerësimet dhe predispozita pozitive ndaj Shqipërisë e kancelares Merkel, por asnjë premtim se çfarë vote do japë Gjermania në Tetor. Kjo ka bërë që zoti rama të jetë i rezervuar dhe i përmbajtur në postimin e tij, ku shkruan se doli "shumë i inkurajuar nga vlerësimet dhe predispozita pozitive ndaj Shqipërisë e kancelares Merkel"