Gërmimet e fundit në Izrael kanë zbuluar një grup hominidësh të panjohur më pare, që i përkasin Epokës së Gurit dhe që mendohet se kanë kontribuuar në evolucionin e species njerëzore, Homo.

Banorët e një siti të quajtur Nesher Ramla, i cili ka qenë i banuar rreth 140 000 deri 120 000 vjet më parë, u bashkohen Neandertalëve dhe Denisovanëve si popullsia e tretë Homo Euroaziatike që u ndërthur me kulturë dhe ndoshta u ndërlidh me Homo sapiensët antike, thonë studiuesit.

Një tjetër varrezë zbulohet pranë një ish-shkolle të kishës katolike në Kanada. Një grup indigjen në provincën Saskatchewan të Kanadasë gjeti 751 varre të pashënuara, vetëm pak javë një zbulimi të ngjashëm në British Columbia, që tronditi vendin dhe nxiti kryeministrin Justin Trudeau të kërkojë që në historinë e Kanadasë të njihet "racizmi sistemik", raporton "The Guardian".

Marrëdhëniet mes BE-së dhe Hungarisë tensionohen sërish në prag të samitit europian të Brukselit. Shkak është bërë një ligj që Hungaria miratoi për homoseksualitetin. Nga njëra anë janë 17 krerë shtetesh që në një deklaratë të përbashkët dënojnë çdo formë diskriminimi me bazë seksualitetin, ndërsa nga ana tjetër Viktor Orban, i cili sapo ka mbërritur në Bruksel ngul këmbë  se nuk ka ndërmend ta tërheqë ligjin, të cilin e konsideron aspak diskriminues.

Sipas tij, ligji nuk është kundër homoseksualëve, por “një ligj që mbron prindërit dhe fëmijët”.

Gazeta më e zëshme pro demokracisë në Hong-Kong, “Apple Daily”, doli në treg këtë të martë për herë të fundit.  Tërheqja e saj nga tregu vjen pas një viti të stuhishëm, përgjatë të cilit pronari i saj dhe një pjesë e stafit u arrestuan sipas një ligji të ri të vendosur nga Pekini për sigurinë kombëtare në Hong Kong dhe për pasuritë e tij të ngrira.

Tajvani e dënoi mbylljen e gazetës, duke e cilësuar si "shtypje politike" të mediave të qytetit që drejtohet nga Kina dhe zile alarmi për lirinë e fjalës dhe medias.

Që prej vitit 2000, ku u shfaq për herë të parë, zërat për një seri të dytë të filmit “Gladiatori”, nuk janë shuar. Sukses i jashtëzakonshëm i regjisorit Ridley Scott, filmi mblodhi mbi 450 milionë dollarë nëpër kinematë e botës. Ai mori 12 nominime për Oscar, duke fituar dy të tillë: Aktori më i Mirë (Russell Croëe) dhe Fotografia më e Mirë.  Filmi rrëfen historinë e gladiatorit Maximus në përpjekjen për t’u hakmarrë ndaj perandorit sadist, Comodus, i interpretuar nga Joaquin Phoenix.

Gaboni bëhet vendi i parë afrikan që merr pagesa për uljen e emetimeve të karbonit duke mbrojtur pyjet e tij. Nisma e Pyjeve të Afrikës Qendrore (CAFI) e mbështetur nga Kombet e Bashkuara i dha këtij vendi 17 milionë dollarë, kësti i parë i një marrëveshjeje prej 150 milionë dollarësh, e arritur në 2019.

Gati 90% e Gabonit është e mbuluar nga pyjet, të cilat thithin më shumë karbon sesa çliron vendi.

Pyjet e shiut janë jetike për thithjen e dioksidit të karbonit, që sjell si pasojë ngrohjen e klimës.

Rusia ka bërë të ditur se strategjia e saj e politikës bërthamore mbetet mbrojtëse dhe se ajo e konsideron atë një element të stabilitetit strategjik. Gjatë fjalës së vet në Konferencën Ndërkombëtare të Sigurisë në Moskë, shefi i Shtabit të ushtrisë ruse, Valery Gerasimov ka deklaruar se:

Dokumenti konfirmon parashikimet e Doktrinës Ushtarake se politika bërthamore jona është tërësisht mbrojtëse

Qershori nuk doli pa një lajm me batutë kryeministri. Zoti Rama që ndodhet në Forumin e Parë Ekonomik në Maqedoninë e Veriut është përballur me pyetjen e një gazetareje greke: 

Si janë marrëdhëniet me Turqinë?

Përgjigja e z. Rama:

Media të ndryshme raportojnë për një incident të rëndë në ujërat e Detit të Zi, teksa një anije patrulluese ruse dhe një avion gjuajtës kanë kryer qitje paralajmëruese ndaj një destrojeri britanik, HMS Defender. Autoritetet ruse njoftojnë se incidenti ka ndodhur pranë Kepit Fiolent në jug të Krimesë dhe sipas tyre mjeti lundrues britanik kishte hyrë në ujërat territoriale ruse.

Një anije patrulluese qëlloi dy herë dhe një avion Sukhoi 24-M lëshoi katër bomba në itinerarin e destrojerit britanik

Substanca toksike janë zbuluar në një sërë produktesh, sidomos atë të grimit. Të ashtuquajturat substanca PFAS kanë deri 9000 përbërës të ndryshëm dhe përdoren që prej vitit 1940. Këto substanca nuk degradohen, por grumbullohen në mjedis dhe në trupin e njeriut me kalimin e kohës. Të njohura si “kimikatet e përjetshme”, ato kanë efekte të rënda shëndetësore, që nga kanceri, çrregullimet hormonale, dobësimin e sistemit imunitar etj.