Ish-kryeministri më jetëgjatë i Japonisë, Shinzo Abe  është qëlluar gjatë një fjalimi elektoral dhe më pas ka gjetur vdekjen në spital. Vraësi, Yamagami Tetsuya, 41 vjeçar, ish-pjesëtar i forcave të marinës, ka deklaruar se ishte i pakënaqur me Aben.

Pasi ka shtirë dy herë, Yamagami ka hedhur armën në tokë dhe ka qëndruar pa lëvizur. Për nga dinamika e ngjarjes, duket se autori ka qenë aty me synimin e qartë të vrasjes të cilën e shpjegon vetëm ai.

“Të Kripura” mëson se presidenti aktual, Ilir Meta, ka rezervuar dekoratën e fundit të mandatit të tij për kryeministrin Edi Rama. 

Vizita e fundit në Turqi e z. Meta ishte pikërisht në këtë kontekst: marrja e sigurimeve nga Ankaraja zyrtare për kreun e shtetit, që i ka shumë të paktë miqtë ndërkombëtarë. Pas dekretimit rrufe të Begajt, mësohet se qëndron premtimi për të mos cenuar raportet me Turqinë, tashmë që ka një fije shprese se opozita mund të kthehet në forcë për pushtet. 

Shiheni këtë video të vitit 2004! 

https://m.youtube.com/watch?v=FNuXmx6ppmo

Është një protestë e Mjaft-it të Erion Veliajt para Kryeministrisë. Protestë e cila transmetohet me nota dramatike nga kronika e një televizioni që duket se bën tifo. Ndaj kujt? Ndaj kauzës së drejtë të protestës, apo ndaj një pakice të zhurmshme? 

Vitet kanë kaluar dhe aktorët kanë ndryshuar rolet, kanë ndryshuar edhe optikën me të cilën gjykojnë çdo gjë. 

Ish-drejtori i CIA-s, Leon Panetta, ka përcjellë në një intervistë për “Kathimerini” ato që i quan tre opsione për uljen e tensioneve në Ukrainë. Ai e ka ndarë luftën në tri etapa: e para dështimi i pushtimit rrufe nga Rusia, e dyta lufta e rrethimit dhe tani së fundmi, lufta e llogores.

Versioni i parë, mund të vazhdojë për një kohë të gjatë, jo muaj, por ndoshta vite me këtë ecejaken konstante.

47 policë janë plagosur në Maqedoninë e Veriut. Kryeministri Dimitar Kovacevski i ka dënuar sulmet dhe ka deklaruar se dhuna nuk është e justifikueshme. Refreni i përjetshëm i atyre që demokracinë e kanë maskotë. Në demokraci të konsoliduara dhuna lexohet si mesazh politik përpara sesa të denoncohet si gjestikulacion politik. Dhe dhuna urbane, në formën e protestës mund të sjellë rrëzim qeverie, por jo destabilizim shtetëror.

Kërkues kanadezë kanë identifikuar përmasat e një vrime të madhe ozoni mbi tropik. E pikasur që në vitet ’80 të shekullit të kaluar, vrima aktualisht përkufizohet si me përmasë shtatë herë sa Antarktida dhe ajo persiston në të gjitha stinët në pjesën e poshtme të stratosferës.

Ky është Daniel Vermeulen. Një shtetas holandez që prej më shumë se 3 muajsh drejton shoqërinë koncesionare Integrated Energy B.V. SPV Energy e cila vijon të marrë pagesa nga buxheti I shtetit për koncesionin e incineratorit të Tiranës. Ardhja e tij në detyrën e administratorit të kompanisë përkon me kohën kur sapo përfundoi Komisioni Hetimor dhe SPAK lëshoi një sërë urdhër arrestesh për disa punonjës dhe zyrtarë, mes të cilëve edhe ish-administratoren Ariola Kodra.

Banka Qendrore e Zimbabves do të shesë monedha ari në përpjekje për të kontrolluar zhvlerësimin e monedhës vendase dhe si një alternativë ndaj dollarit. Qarkullimi i monedhës 22 karat nis që nga 25 korrik dhe ajo do të jetë e pajisur me numër serial, e disponueshme për këmbim kartëmonedhe, me çmim refereruar çmimit ndërkombëtar.