Nuk ka rrugë tjetër për Shqipërinë dhe shqiptarët përveç asaj që dikton pastrimi i politikës nga të gjithë ata që kanë shpërdoruar besimin e qytetarëve, duke i shërbyer interesave korruptive e klienteliste dhe lufta pa kompromis kundër korrupsionit. Paratë që sot shkojnë në xhepat e pushtetarëve dhe llogaritë e oligarkëve do t’i mundësonin çdo qeverie t’u krijojë kushte studentëve të mos largohen e fermerëve subvencione për bujqësinë.

Zv.ministri polak i Mbrojtjes Wojciech Skurkiewicz ka deklaruar se vendi i tij do të përgjigjet në mënyrë adekuate ndaj kërcënimeve të Bjellorusisë. Një ditë pas lajmit se helikopterë ushtarakë bjellorusë kishin shkelur hapësirën ajrore polake, zv.ministri polak ka dalë me deklaratë duke sqaruar ndër të tjera se:

Ne e dimë se kush është armiku ynë në kufijtë lindorë. Nëse situata të tilla vijojnë dhe do të ketë një përshkallëzim tensionesh, atëherë veprimet tona do përgjigjen reciprokisht ndaj kërcënimeve. Situata me helikopterët synonte Poloninë dhe NATO-n

Ministri i Jashtëm i Italisë, Antonio Tajani ka bërë thirrje që Perëndimi të shmangë një ndërhyrje ushtarake në Niger. Grushti i shtetit në vendin afrikan ka provokuar reagime ndërkombëtare ndërkohë që grupimi rajonal afrikano-perëndimor, ECOWAS, ka kërcënuar se do të përdorë forcën për rikthyer në pushtet presidentin e zgjedhur në mënyrë demokratike.

Ne duhet të punojmë që demokracia të fitojë. Ne duhet të përjashtojmë çdo nismë për ndërhyrje ushtarake për shkak se do të perceptohet si kolonizim i ri

Prokuroria e Posaçme kundër Korrupsionit ka thirrur për dëshmi rreth 70 të moshuar që do të flasin për procedurën e check-up. Siç merret me mend, hetimi lidhet me një koncesion të kohës kur ministër i Shëndetësisë ishte Ilir Beqja, i thirrur disa herë në SPAK. Nuk duhet të paragjykojmë hetimet që kanë marrë një rrjedhë të vetën dhe që po thërrasin nën akuzë një pjesë të qeverisë së kësaj dekade. 

Politika përkufizohet si arti i qeverisjes, sfera e shpalosjes dhe zbatimit të ideve, mjeti për sigurimin e mirëqenies dhe funksionimin sa më efikas të të gjithë sektorëve të jetës së komunitetit e mbarë vendit. 

 Me hapjen e çështjeve penale për inceneratorët, ka një lloj prirjeje për ta parë këtë si opsion për ndryshime të elitës politike në vend. Madje në këtë kuadër mund të shihet edhe riqarkullimi i një hiçi si Lulzim Basha, apo takimet në Departamentin Amerikan të Shtetit të njerëzve që përfaqësojnë vetëm zhurmën mediatike për çështje të caktuara.

Sepse prirja për ta parë këtë proces si shtysë për ndryshim elitash lidhet në të vërtetë jo me instinktin politik të një elite tjetrër, por vetëm me besimin e vobektë se kjo është lojë e amerikanëve.

Në Greqi, prokuroria ka nisur hetime pas denoncimeve të qytetarëve për shfrytëzimin e plazheve publike nga subjektet private. Sipas Kathimerini-t, hetimet kanë nisur me urdhër të prokurores së sapoemëruar të Gjykatës së Lartë, Georgia Adeilini, e cila mori detyrën javën e kaluar.

Kryetarët e katër komunave me shumicë serbe në veri të Kosovës do të largohen përmes një iniciative qytetare. Qeveria e Kosovës ka zgjedhur këtë mënyrë për t’u hapur rrugë zgjedhjeve të reja. Vendimi është marrë nga Ministria e Administrimit të Pushtetit Lokal, e cila ka caktuar një grup pune që do të hartojë Udhëzimin Administrativ për caktimin e procedurave. Data 1 shtator është caktuar si afati i fundit për përfundimin e këtij udhëzimi. 

Sekuestrimi i inceneratorit të Tiranës, në dritën e akuzave që ka ngritur Prokuroria e Posaçme përmbyll ciklin e një afere që është thuajse totale: ndonëse veprat janë aty dhe disa funksionojnë, siç pretendojnë zyrtarë të qeverisë dhe vetë Kryeministri, asnjë prej tyre nuk i ka shpëtuar abuzimit.

Është një situatë e rëndë dhe me gjasë kjo aferë shenjon historikun e qeverisjes së kësaj shumice dhe të ardhmen e saj.

Prokuroria e Posaçme, SPAK, ka vendosur sekuestrimin e inceneratorit të Tiranës “Integrated Energy”.

Nga provat hetimore rezulton se shtetasit Klodian Zoto dhe Mirel Mërtiri kanë përdorur persona dhe shoqëri të tjera për të fshehur gjurmët si pronarët e vërtetë të shoqërisë koncesionare “Integrated Energy B.V SPV” sh.p.k.

Zoto dhe Mërtiri dyshohet të kenë falsifikuar faturat duke përfituar 409 milionë lekë.

Vendimi për sekuestrimin e inceneratorit të Tiranës është marrë më 28 korrik nga GJKKO, dhe është ekzekutuar ditën e sotme. Njoftimi i SPAK: