Gjermania, Franca dhe Italia i kanë kërkuar Kosovës të nisë punën për themelimin e asociacionit. Në një letër të hapur dërguar qeverisë në Prishtinë, kancelari gjerman, Olaf Scholz, presidenti francez Emmanuel Macron dhe kryeministrja italiane Giorgia Meloni, kërkuan nisjen e procedurave, në përputhje me draft-statutin e propozuar nga ndërkombëtarët më 21 tetor.

Shqipëria ka dalë zyrtarisht nga lista gri e Komisionit Europian për pastrimin e parave.

Lajmin e dha këtë të premte ministri i Financave, Ervin Mete, gjatë një konference për shtyp bashkë me shefen e misionit të FMN në vendin tonë dhe guvernatorin e Bankës së Shqipërisë, Gent Sejko.

Sapo është marrë vendimi nga FATF, që Shqipëria të dalë nga lista gri apo njohur ndryshe si monitorimi i shtuar. Vendimi i marrë sot vjen si pasojë e progresit të shtuar nga vendi ynë në zbatimin e rekomandimeve.

Abuzimi seksual në Kishën Katolike spanjolle ka për herë të parë një shifër. Një raport i hartuar nga Avokati i Popullit në kuadër të një komisioni hetimor ka konkluduar se viktima të abuzimit në mjedise që lidhen me Kishën janë gati gjysmë milioni spanjollë, që prej vitit 1940.

Raporti është bazuar mbi anketat. Sipas tij, 1.13% të të rriturve në Spanjë kanë pësuar abuzime seksuale në sferën fetare kur ishin të mitur dhe 0,6% drejtpërdrejt nga priftërinjtë dhe njerëz të tjerë të fesë.

Një grup studiuesish nga Universiteti i Saitamas në Japoni kanë "dëgjuar" për herë të parë në kohë reale një "bisedë" mes bimëve.

Greqia dhe Turqia janë në prag të një marrëveshjeje për emigracionin. Gazeta greke “Kathimerini” raporton se afati për përfundimin e negociatave aktuale është 7 dhjetori kur edhe mbahet samiti mes të dy vendeve në Selanik, e ku do të marrin pjesë kryeministri Kyriakos Mitsotakis dhe presidenti turk, Recep Tayyip Erdogan.

Takimet e zhvilluara në Bruksel për çështjen e dialogut mes Kosovës dhe Serbisë kanë dhënë të drejtë Prishtinë zyrtare në disa aspekte formale. Së pari në takim kanë qenë të pranishëm kancelari gjerman, presidenti i Francës dhe kryeministrja e Italisë që dëshmon një përpjekje për të rikthyer besimin te procesi pas dështimit të gjithëpranuar të Josep Borrellit dhe Miroslav Lajcak.

Sipas raportimit të mediave në Kosovë, takim të ngjashëm ka patur edhe presidenti serb, Aleksandër Vuçiç dhe më pas kanë vijuar takimet për diskutimin e hollësive me Lajçak dhe Borrell.

Dorian Duçka, ish-këshilltari i Jashtëm i kryeministrit Rama është paraqitur sot në SPAK. Emri i Duçkës doli në çështjen e ish-agjentit të FBI-së, Charles McGonigal.

Mbetet e paqartë arsyeja e thirrjes së tij në organin e akuzës, pasi SPAK nuk ka nisur asnjë hetim në lidhje me çështjen “McGonigal”.

Në aktakuzën amerikane, Duçka paraqitet si njeriu që ka shërbyer si urë lidhëse mes kryeministrit Rama dhe Charles McGonigal, në dy vizitat e tij në Shqipëri, por edhe takimet në SHBA.

Qarkullon në Tiranë prej kohësh një tip analisti që ka aftësinë për ta bërë të urryer profesionin e gazetarit, që e ndot këtë profesion me informacione të deformuara dhe me rolin e një zëdhënësi mes dy botëve: të politikës dhe medias. Por edhe me botën e ambasadave të huaja. Analistë të ndryshëm në Tiranë thirren në seli të ndryshme diplomatike, dëgjohen e këshillohen, u jepet kështu statusi i një ndërmjetësimi që ka në finale një rezultat: helmimin e opinionit publik.  

Ambasadori gjerman në Kosovë, Jorn Rohde ka deklaruar gjatë aktivitetit të Ministrisë kosovare të Mbrojtjes, “FSK dhe partnerët 2023” se Kosova duhet të bëhet pjesë e NATO-s.

Gjermania vazhdon të mbetet partnere e fuqishme dhe e besueshme e Kosovës që nga pavarësia dhe në këtë frymë ne e mbështesim plotësisht procesin transformues të FSK-së.

Gjermania do ta vazhdojë të mbështesë FKS-në. Dua t’u bashkohem parafolësve të mi dhe të theksoj qëllimin strategjik që një ditë Kosova duhet të bëhet anëtare e familjes së NATO-s

Kryeministri i Federatës Ruse, Mikhail Mishutsin ka propozuar gjatë një takimi me krerët e shteteve të Organizatës së Bashkëpunimit të Shangait, se mes vendeve anëtare duhet vendosur një sistem i brendshëm pagese.

Ne duhet të konsiderojmë krijimin e një mekanizmi të pavarur rajonal për pagesat dhe rregullimet për konvertimin e monedhave tona mbi kurset nacionale. Ne duhet të shtojmë përpjekjet për të zhvilluar infrastruturat tona të pagesës pasi kemi përdorur përherë e më shumë monedhat tona në rregullimet reciproke