Kryeministri i Shqipërisë Edi Rama, ka gjetur edhe njëherë rastin t’u kujtojë të gjithëve afrimitetin e tij me katolicizmin dhe atë që në Tiranë perceptohet si Perëndim. Këtu nuk kemi të bëjmë me një besimtar apo ndonjë njohës dhe admirues të doktrinës dhe historisë së kishës, por me një oportunist dhe demagog që me këtë rast nga Shkodra ku është përkujtuar mesazh e parë pas vitit 1967, ka shërbyer për veshët e njerëzve hartimin e radhës.

Me predispozitën për të bindur opinionin se qeveria është një hap përpara në çështje të interesit publik siç është rasti i monopolit të fluturimeve të TIA-s, ministri i Ekonomisë Arben Ahmetaj premtoi para disa muajsh se në shtator do të merrte zgjidhje përmes rinegocimit kontrata që mban peng  hapjen e aeroporteve të tjera në Shqipëri.

Pas botimit të romanit më të fundit të Ben Blushit, në mediet e shkruara e elektronike ka shpërthyer një polemikë e ashpër pro e kundra lidhur me figurën e Lef Nosit, në të cilën janë përfshirë historianë, letrarë, politikanë e njerëz të thjeshtë, me bindje të djathta e të majta. Blushi dhe ata që mbajnë anën e tij, e quajnë Lef Nosin tradhtar dhe vendosjen e shtatores së tij në sheshin qendror të Elbasanit një turp. Pala tjetër e quan Lef Nosin hero, njeriun që nënshkroi aktin e shpalljes së Pavarësisë dhe pushkatimin e tij një vepër barbare të Enver Hoxhës.

Shumëkush, kur sheh ato vajza e djem studentë, krejt të pastër në sy, në zë dhe në qëllim, ndjehet befas i ngazëllyer për veprimin e tyre, të ndërgjegjshëm dhe të pafajshëm. Pati madje edhe një ngutje për t’i “heroizuar” dhe ndoshta ata, po shkojnë me shpejtësi mediatike drejt mitizimit. Për një veprim, në thelb, të thjeshtë dhe në përputhje të plotë me moshën e tyre.

Me urdhër të Prokurorisë policia arrestoi shefin e shërbimit të Emergjencave Civile të Lushnjës, Robert Shtëmbari nën akuzën për korrupsion pasiv.  55 vjeçari dyshohet se i ka marrë 1 milionë lekë të vjetra një qytetari për t’i gjetur një vend pune.

Mësohet se Robert Shtëmbari është emëruar në detyrën e Shefit të Emergjencave të Lushnjës si përfaqësues i Lëvizjes Socialiste për Integrim.  Urdhëri i Prokurorisë për arrestimin e tij mban datën 30 teto, ndërsa ekzekutimi i urdhërit u krye një ditë më parë.

Kryeministri rumun Viktor Ponta e mori vetë përgjegjësinë për atë që ndodhi në një lokal nate në Bukuresh javën e kaluar ku si pasojë e një zjarri humbën jetën 27 persona. Partia Socialdemokrate njoftoi dorëheqjen e tij nga detyra pas protestave massive të një dite më parë. «Viktor Ponta është dorëhequr nga detyra. Dikush duhet të merrte përgjegjësinë për atë që ndodhi”-thuhet në deklaratën e Partisë Socialdemokrate rumune.

Prokuroria e Tiranës ka marrë në dorëzim raportin e ekspertëve kontabël në kuadër të procedimit penal të njohur tashmë si “Farmacitë 2”, në bazë të të cilit është arritur në konkluzionin se nga skema e dyshuar mashtruese, me subjekt qëndror “Omega Pharma” dhe bashkëpunues drejtuesit e disa farmacive në Tiranë, vlera e dëmit ekonomik ndaj shtetit per periudhën Janar 2013- Tetor 2015 arrin në vlerën e rreth 2.2 milionë euro.

Ben Blushi ka zgjedhur t’i drejtohet me një letër publikut për të sqaruar qëndrimin e tij për Lef Nosin, historinë e të cilit e ka përfshirë në romanin më të fundit “Kandidati” duke iu përgjgjur në të njëjtën kohë edhe një letre të botuar të Mitrush Kutelit ku flitet për gjyshin e tij Dhimitër Shuteriqi.

Qeveria nuk do të mbështesë asnjë hetim ndërkombëtar për çështjen CEZ dhe paralelisht do të kallëzojë në Prokurori ish-kryeministrin Berisha dhe ish-ministrin e Financave, Ridvan Bode.

Arsyet pse qeveria nuk është pro një hetimi ndërkombëtar i ka zbuluar ministri i Energjisë, Damian Gjiknuri, i cili është I kallëzuar penalisht nga Kontrolli i Lartë i Shtetit për shpërdorim detyre gjatë negociatave për marrëveshjen e mirëkuptimit me kompaninë çeke.