Qeveria dhe kryeministri i është përmbajtur këto muajt fundit një varianti për azilkërkuesit që nuk e beson njeri: sipas Edi Ramës ata që ikin drejt Gjermanisë janë emigrantë shumica me banim në Greqi. Pa ofruar asnjë dokumentacion apo të dhënë zyrtare për këtë gjë, qeveria ka hequr dorë nga përgjegjësia sepse ajo zbulon dështimin. Mirëpo ka një të dhënë tjetër që rikonfirmon se shqiptarët duan të ikin. Të ikin nga ky vend që ofron vetëm një mundësi reale: që nuk bëhet siç edhe është thënia.

Ylli Manjani do të jetë ministri i ri i Drejtësisë. Pas dorëheqejes së Nasip Naço, njoftohet se zëvendësimi është gati me një emër tjetër të LSI-së. Top-Channel citon burime qeveritare, ndërkohë që spekullimet kanë nisur. Naço flitet për prokuror të Përgjithshëm meqenëse me reformën në drejtësi mandati i Adriatik Lallës përfundon. Me sa duket dorëheqja ishte një akt formal dhe i dakordësuar më parë.  

"Lëvizja Ruse e Nxënësve“ – kështu quhet organizata rinore shtetërore e sapo krijuar në Rusi. Dita në të cilën Presidenti Vladimir Putin nxori dekretin përkatës, përkon me datën 29 Tetor-in, ditën e përvjetorit të themelimit të Komsomol-it në vitin 1918.

Rusia dhe Irani kanë nënshkruar një marrëveshje të rëndësishme ushtarake me ndikime strategjike. Rusia ka vendosur që t’i shesë Teheranit sistemin e avancuar të mbrojtjes ajrore S -300, duke rritur kështru kapacitetet mbrojtëse të Iranit dhe duke shkurajuar çdo ide për ndonjë fusatë ajrore ndaj tij. Lajmi është bërë i ditur nga agjencia ruse Ria Novosti që referon një zyrtar të industrisë ruse të mbrojtjes, Sergei Chemezov.

Ministri i Drejtësisë, Nasip Naço, ka dhënë dorëheqjen. Lajmi raportohet nga disa media dhe ende asgjë nuk është zyrtare. Naço vjen nga LSI-ja dhe dorëheqja e tij pason një takim me kryeministrin Edi Rama. Nuk ka një arsyetim ende për këtë. Ndërkohë ish-kryeministri Sali Berisha komenton se dorëheqja lidhet me spostimin e Naços nga reforma në Drejtësi: "Naço dha doreheqjen, si deshmi e shkerrmoqjes se "aleances se qelbesirave".

Kompania amerikane e prodhimit të arirbegave, “CapCon” është një rast për të kuptuar se sa e papërgatitur është Shqipëria p[ër t’u integruar në tregje, apo për të thithur investime. Kompania shprehu interes për Shqipërinë për shkak të afërisë me Europën, ku tregtohet prodhimi i tyre, por ajo dështoi në gjetjen e burimeve njerëzore. Ajo që ka kohë që flitet se Shqipëria nuk ka treg të kualifikuar pune, u provua në këtë rast si një e vërtetë e dhimbshme. Kompania kaloi në Maqedoni, raporton “Monitor” dhe aty ka hapur 400 vende pune. Dhe këtu nxjerr krye faktoi i emigirmit.