Komisioni Qendror i Zgjedhjeve në Kosovë i ka hapur rrugë organizimit të peticioneve për largimin e kryetarëve në tri komunat me shumicë serbe në veri.

Zëdhënësi i komisionit, Valmir Elezi, bëri të ditur numrin e përgjithshëm të qytetarëve me të drejtë vote në tri komunat Leposaviç, Mitrovicë e Veriut dhe Zubin Potok, si dhe numrin e saktë të votuesve që përbëjnë 20 për qind të trupit votues në secilën komunë, që është i nevojshëm për shkarkimin e një kryetari komune përmes peticionit.

Presidenti serb, Aleksandar Vuçiç, shpalli fitoren në zgjedhjet e parakohshme parlamentare të së dielës.

Partia e tij Progresive Serbe, ose SNS, pritet të sigurojë 47% të votave të serbëve sipas projeksioneve.

Partitë opozitare nën flamurin “Serbia kundër dhunës” (SPN) pritet të ndalen në 23%.

Ndiqeni ekzibicionin e qeverisë sot me atë që kryeministri e quan skuadra kombëtare e negociatave për anëtarësim! Ndiqeni për të provokuar lavazhin gastrik në këtë sezon gripal, për të kuptuar se në cilën botë jetojnë ata që janë mesa duket asgjë më shumë se fotonet njerëzore të kryeministrit dhe se çfarë dallimi, çfarë ndasie ndjen dhe kupton, kushdo që ka një minimum respekti për veten kur dëgjon “këtë ekspertë” që flasin me gjuhën e informacionit politik.

Vendet e Bashkimit Europian janë duke menduar t’i heqin Hungarisë të drejtën e votës për të mundësuar miratimin e ndihmës për Ukrainën. Media të ndryshme citojnë burime diplomatike të BE-së sipas të cilave për të shmangur Budapestin nga bllokimi i ndihnmës duke përdorur nenin 7 të Traktatit Europian që parashikon heqjen e të drejtën e votës së një vendi anëtar për shkelje të legjislacionit të BE-së.Procesi në fjalë mund të bllokohet nga çdo vend anëtar, por me fitoren e Donald Tusk në Poloni, Orban duket se nuk ka më aleatë.

Beogradi zyrtar ka detyruar Bashkimin Europian të mbrojë politikën e vet duke dalë me një deklaratë përmes së cilës kujtoi se marrëveshjet e nënshkruara me Kosovvën dhe për Kosovën janë ligjërisht të detyrueshme për palët. 

Kjo erdhi pas notës së kryeministres serbe Brnabiç e cila njoftoi pranimin me rezervë të deklaratës së bërë duke cilësuar se Serbia nuk do ta njohë Kosoën. 

Çdo dhjetor, revista “Nature” zgjedh 10 figura të njohura që kanë dalë në faqet e saj përgjatë vitit. Në listën e publikuar për këtë vit, revista ka përfshirë një entitet jonjerëzor për herë të parë. ChatGPT, një robot i aftë për t'iu përgjigjur pyetjeve dhe për të zhvilluar biseda në një mënyrë pak a shumë inteligjente, ka ndihmuar në shkrimin e punimeve akademike, artikujve të përmbledhur shkencorë dhe përgatitjes së dokumenteve që janë përdorur për të aplikuar për grante kërkimore.

Në Pakistan u testua për herë të parë shiu artificial. Disa helikopterë fluturuan mbi dhjetë zona të Lahores, një nga qytetet më të ndotura në botë, për të ngarkuar retë me shi.

Eksperimenti i parë i këtij lloji në vendin e Azisë Jugore u financua nga Emiratet e Bashkuara Arabe.

Emiratet e Bashkuara Arabe po e përdorin gjithnjë e më shumë këtë risi për të krijuar shi në hapësirën e thatë të vendit.

Modifikimi i motit përfshin lëshimin e kripës së zakonshme -- ose një përzierje kripërash të ndryshme -- në re.

…Shahu është bërë sot një lloj strehe. Një hapësirë e të kuptuarit që qeveriset nga disa lloje të thjeshta rregullash dhe paramterash hapësinorë – dy anë, 32 gurë, 64 kuti dhe vetëm 10^120 lëvizje të mundshme.

Gjermania pret tkurrje të përfshirjes së SHBA-së në Europë në vitet e ardhshme, ndaj e sheh si të domosdoshëm rritjen e kapacitetit të sigurisë dhe mbrojtjes. Ministri gjerman i Mbrojtjes, Boris Pistorius, në një intervistë me Welt am Sonntag, thotë se përballë kërcënimit që paraqet Rusia, Europa duhet të përgatitet për t’ia dalë vetë.

Negociatorë të Bashkimit Europian kanë arritur në një marrëveshje për Aktin Europian mbi Lirinë e Medias. Ligji i ri prezanton kërkesa të reja për mediat dhe pronësinë e tyre dhe detyron qeveritë e vendeve anëtare të krijojnë një sistem mbikëqyrjeje që garanton lirinë editoriale, përfshirë atë të mediave publike. Po kështu ligji i ri vendos kontrolle për bashkimet e mediave dhe sanksionon krijimin e një trupe për ta mbikëqyrur si proces.