Rex Tillerson, kandidati për Sekretar i Departamentit të Shtetit në SHBA, është prezantuar sot para Senatit për të dhënë shpjegime për politikën e jashtme amerikane. Krejt ndryshe nga sa është percpetimi mbi Trump, Tillerson, ka folur për veçanësinë amerikane, për vlerat e SHBA-së, duke nënvizuar se “prioriteti kryesor do të jetë mundja e ISIS”. 

“Kur çdo gjë është prioritet, atëherë asgjë nuk prioritare”, tha Tillerson.

Përballja mes Prokurorisë dhe Inspektoriatit të Lartë të Deklarimit dhe Kontrollit të Pasurisë dhe Konfliktit të Interesit duke se ka shkuar në favor të këtij të fundit. Kësja I do shtuar edhe se të humburit jemi ne të gjithë. Prokuroria kishte nisur një hetim për shpërdorim detyre ndaj ILDKPI-së pas dyshimeve se në dy vitet e fundit nuk u verifikua pasuria e asnjë zyrtari të lartë. Një hetim kryesisht ky pa ndonjë fakt. Në dy shkallët e para kërkesa e Prokurorisë për të sekuestruar serverat e ILDKPI-së u hodh poshtë, çka ka çuar organin e akuzës të bëjë rekurs në Gjykatën e Lartë.

Beogradi zyrtar duket i vendosur të çojë përpara axhendën e vet politike me kërkesën për eksradim të Ramush Haradinajt.Televizioni N1, raporton se Prokuroria serbe ka të dhëna të reja për krimet e Haradinajt, por pa specifikuar se për çfarë bëhet fjalë. Agjencia “B92” shton se prokuroria serbe do t’i dërgojë materialet për Haradinajn në Gjykatën franceze sapo ato të jenë përkthyer, ndërkohë që pardje, lidhur po me këtë çështje, ministri Jashtëm serb, Ivica Daçiç, foli për sulme të mundshme ndaj ambasadave serbe në Europë.

Në Tiranë nisi shtrimi i pllakave të bulevardit të ri, një zgjatim i bulevardit ekzistues që nis nga ish-stacioni i Trenit dhe vijon drejt Paskuqanit. Një projekt i domosdoshëm dhe i vonuar për Tiranën që siç u tha ka ekzistuar që në kohën e Mbretit Zog dhe i riparë si në kohën e qeverisë së Adil Çarçanit dhe më vonë, gjatë qeverisjes së Fatos Nanos për të marrë formë konkrete gjatë drejtimit të Bashkisë nga ish-kryetari Lulzim Basha, i cili pati meritën e vetme që nisi veprimet në terren.

Orteku i propagandës për rrezikun rus duket se nuk do të ndalet, pavarësisht se gjeneruesit kryesorë të saj janë kapur në gabime të mëdha edhe vetë. Ndonëse i gjithë skenari për hakerimin rus në zgjedhjet amerikane nuk ka arritur të japë deri më sot një konkluzion të vetëm se cili ishte rezultati i kësaj fushate të presupozuar, goditjet në të njëjtin drejtim vazhdojnë.

Hollingworth vdiq në moshën 105 vjeçare në Hong Kong. Ajo raportoi e para pushtimin e Polonisë nga Gjermania naziste duke kaluar kufirin e mbyllur gjermanët. Ky raportim përcaktoi karrierën e saj.

Pas dy vitesh studimi, autoritetet kiliane kanë deklasifikuar dhe publikuar një video nëntë minuta të filmuar nga një helikopter i marinës në vitin 2014 ku shihet një objekt i dyshuar se ka të bëjë me UFO-t. Zyrtarët e marinës e pranuan se nuk mund të shpjegonin  nëse ajo që panë ishte avion komercial apo një balonë. Në 11 nëntor  2014 një kapiten i marinës dhe teknik ishin në një mision rutinë përgjatë bregdetit kilian, në perëndim të Santiagos, raporton Huffington Post.

Në arritjet e mandatit të tij dhe rëndësinë e demokracisë u fokusua presidenti në largim Barack Obama, në fjalimin e tij të lamtumirës drejtuar popullit amerikan nga Çikago, qyteti ku ai u zgjodh senator. Obama e filloi fjalimin e tij duke falenderuar qytetarët amerikanë pavarësisht nëse ishin " dakord ose jo me të" dhe i ftoi të mbrojnë idealet e vendit dhe Kushtetutën  nga rreziqet e brendshme dhe të jashtme. "Bisedat me ju më mbajtën me të sinqertë  dhe një president më të mirë"-tha ai.

Në Turqi kanë nisur diskutimet për ndryshimet e reja kushtetuese që pritet të sjellin pasoja të rëndësishme për vendin. Gazeta e njohur turke “Hurriyet” publikon sot një opinion të Mehmet Y. Yilmaz që I kushton vëmendje edhe faktit se ndryshimet po trajtohen në një mosnjohje të madhe.

“36% e qytetarëve që do të votojnë në një referendum të mundshëm nuk kanë asnjë informacion për ndrhyshimin e kushtetutës. 28% kanë shumë pak njohuri dhe 14% kanë pak njohuri”, shkruan autori.

Fake News – kështu i ka komentuar presidenti i zgjedhur amerikan, Donald Trump raportimet e fundit që kanë dalë përmes CNN e që ndërtojnë një skenar për kapjen e tij nga rusët. Mediat kanë hedhur në qarkullim një raport prej 35 faqesh, i cilësuar sensitiv ku referohen burime nga shërbimet ruse që flasin për një përpunim në 5 vite të Trump, për aktivitete të sikletshme në sferën private, por edhe për favorizime të mëdha në biznes. Ndonëse u deklarua se FBI-ja po heton, keu i Byrosë, James Comey, nuk ka pranuar të bëjë publike ndonjë gjë.