Hakerat rusë të instruktuar nga Kremlini u bënë çështje kryesore e zgjedhjeve presidenciale amerikane, por një zhvillim i fundit në Rusi mund të ndryshojë optikën rreth kësaj teme. Mediat ruse raportojnë se policia e këtij vendi ka arrestuar së fundmi një nga specialistët kryesorë për sigurinë kibernetike në Shërbimin Federal të Sigurisë(FSB), i cili akuzohet se u ka kaluar informacione shërbimeve sekrete amerikane. Një ngjarje që risjell klimën e Luftës së Ftohtë.

Vendimin për të mos dorëzuar në Turqi 8 oficerë turq të cilët kishin mbërritur në Greqi një ditë pas grushtit të shtetit kundër Erdogan, ka marrë Kolegji Penal i Gjykatës së Lartë. Të 8 ushtarë turq kishte mbërritur në (Aleksandropolis) me një helikopter ushtarak verën e kaluar, pas grushtit të shtetit të dështuar në Turqi.

Tenderi ndërkombëtar për të dhënë me koncesion për 99 vite zonën e lirë tekonologjike të Spitallës ka dështuar për herë të dytë, por kësaj here pa shumë bujë. Në bazë të dokumentacionit, ministria e Zhvillimit Ekonomik dhe Sipërmarrjes, ka hapur ofertat në datën 23 dhjetor të vitit që shkoi, por asnjë kompani nuk ka paraqitur interes. Burimet pranë kësaj ministrie thonë se Komisioni i Vlerësimit të Ofertave është mbledhur në ambientet e ministrisë në orën 10.00 të kësaj date, dhe pasi ka pritur disa orë, është shpërndarë.

Shkencëtarët kanë arritur të krijojnë hibridin e parë mes njeriut dhe kafshës që është një embrion derri në të cilin janë injektuar qeliza njerëzore. Embrioni është tashmë 4 javësh dhe shpresohet që ai të japë një përgjigje për transplantin e organeve, nevoja për të cilat është rritur shumë. Ekipi i Institutit Salk krijoi atë që quhet kimera, një organizëm që përmban qeliza nga dy specie të ndryshme.

Ambasada amerikane në Tiranë ka përsëritur sot mesazhet për përmbylljen e procesit të vettingut në gjyqësor dhe prokurorinë shqiptare duke njoftuar se për disa prej tyre ka refuzuar vizën hyrëse për në SHBA.

"Ambasada e Shteteve të Bashkuara ka revokuar vizat jo-emigruese për disa gjyqtarë dhe prokurorë shqiptarë pasi ka dalë në përfundimin që këta zyrtarë nuk kualifikohen për këto viza.  Për shkak se të dhënat e vizave janë konfindenciale sipas ligjit të Shteteve të Bashkuara, ne nuk mund të komentojmë mbi raste individuale.

Aplikimi i çmimit të referencave, bllokimi në pikat doganore, dhe kërkesa për zhdoganim në doganat lokale kanë qënë shqetësimet kryesore që anëtarët e Dhomës Amerikane të Tregtisë, i kanë prezantuar Drejtoreshës së Përgjithshme të Doganave. Biznesi ka komunikuar me drejtoren Belinda Ikonomi për ngërçet që hasin, siç është rasti i bllokimit në dogana të mallarave. Ikonomi deklaroi prerë se nuk mund të ketë bllokim pa vendim gjykate, nëse ndodh kjo Drejtoresha i kërkoi subjektit ta telefonojnë.

"TemaTv"

Nikolla Gruevskit i kanë mbetur edhe katër ditë si i mandatuar për të krijuar qeverinë e re në Maqedoni. Por kush dëshiron të kuptojë se çfarë Maqedonie do të kemi nëse në krye të vendit vjen një zhurmues si Zoran Zaev, mjafton të kërkojë në arkiva Shqipërinë e vitit 2013. Pavarësisht ngjarjeve dhe akuzave nga më të mëdhatë, PS-ja e Edi Ramës nuk i fitonte dot zgjedhjeve vetëm. Çka provon se publiku kishte perceptuar se një pjesë e madhe e politikave opozitare udhëhiqeshin nga interesi strikt politik dhe ekonomik, pavarësisht skandaleve të qeverisë Berisha.

Konferenca e Kryetarëve në Kuvend nuk ka marrë në shqyrtim një kërkesë të PDIU-së për ngritjen e një komisioni për ngjarjet në Çamëri pas Luftës së Dytë Botërore. Pengesa për këtë nismë të partisë së Idrizit ka qenë Lëvizja Socialiste për Integrim, e cila ka kërkuar më shumë kohë për të shqyrtuar kërkesën. Kjo është përplasja e radhës mes dy partive që janë në garë se kush do të mbajë vendin e dytë në koalicionin e majtë.

Grid Rroji, ish – këshilltar i Sali Berishës, mandej i larguar, i jep një intervistë gazetës “Tema”. Rroji është bashkënismëtar i “Bleta Shqiptare”, një nismë politike që edhe ajo synon të ndryshojë Shqipërinë. Komentet e Rrojit, prej kohësh në emigracion në SHBA dhe i prezantuar si një ekspert i shkencave politike, kanë njëfarë rëndësie për tonin alarmant dhe për përmbajtjen konspirative që hedhin për publikun.

Thotë Rroji ndër të tjera: