Kryetari i Kuvendit të Kosovës, Kadri Veseli, shkruan në profilin e vet në Facebook se krijimi i ushtrisë së Kosovës është çështje kohe tashmë. Ai ndodhet në ShBA ku ka vizituar Pentagonin, prej nga ku edhe njofton transformimin e Forcës së Sigurisë së Kosovës në ushtri të vërtetë me detyrat kushtetuese që burojnë prej saj. 

Organi i akuzës ka shpërndarë sot të dhëna rreth çështjes së shefit të Rendit në policinë e Vlorës, Haki Hasanbegaj, i cili siç raportohet ka qenë në lidhje bashkëpunimi me shtetasin Elton Çiça. Ky i fundit u vra para disa kohësh në Tiranë, në një ngjarje në hetimin e së cilës u përfshinë shumë persona drejtues të Policisë së Shtetit, deri sa u përfol edhe heqja e armës. Po kështu Çiça u cilësua nga opozita si person i afërt me ministrin e Brendshëm Sajmir Tahiri, brenda kontekstit të një kupole drejtuese në polici që shihet si e lidhur me veprimtari të paligjshme. 

Ted Malok, profesori dhe shkrimtari që u përzgjodh nga presidenti amerikan Donald Trump për postin e ambasadorit të SHBA-ve në Bashkimin Europian parasheh një shpërbërje të Badhkimit Europian. Madje ai thotë se shkëputja e Britanisë ishte vetëm fillimi. 

Në të njëjtën ditë që ka folur për ambasadorin amerikan në Maqedoni, zëdhënësi në detyrë i Departamentit amerikan të Shtetit, Mark Toner, ka folur edhe për Donald Lu. Ai është pyetur nga Zëri i Amerikës, një media e cila ende nuk është prekur nga ndryshimet politike që vijnë nga Shtëpia e Bardhë. Pak ditë më parë mediat në SHBA folën për një “inkursion” të stafit të Trupmp në VOA, duke shtuar zërat se do të ketë ndryshime në funksion të politikave të Trum.

Kastriot Islami është bërë sot në mbrëmje tabelë qitjeje e elitës virtuale shqiptare. Një foto e tij pranë Dritëro Agollit në prag të vdekjes e postuar në Facebook ka provokuar mbledhjen automatike të organizatës bazë për ta kryqëzuar Kaçin që ka dhënë një përgjigje të shpartalluar nga nervat.

Pasi e kanë telendisur Kaçin, duket se në lëvizje është vënë edhe nisma që Islami të përjashtohet edhe nga Facebook, aty ku të moralshmit po ndërtojnë Shqipërinë higjenike. 

Ishte e pritshme që Ambasadori amerikan Donald Lu të merrte një tjetër kolpo institucionale në dyluftimin me Prokurorin e Përgjithshëm, Adriatik Llalla. E pritshme sepse zgjodhi armën e gabuar për të goditur Adriatik Llallën duke mbetur vetëm në nivelin e retorikës dhe moralit. Donald Lu e akuzoi Prokurorin e Përgjithshëm se ishte kundër reformës në drejtësi me argumentin se në kundërshtim me Kushtetutën kishte  propozuar vetëm 3 emra për Këshillin e Emërimeve në Drejtësi.

Çmendina Dublim i ka kushtuar një seancë nga show i vet VK – Vështrim Kritik Zotërisë 1 miliardë, deputetit Alfred Peza. Në mungesë të hetimeve nga prokuroria, humori zbardh disa gjëra, ndonëse nuk formulon ndonjë akuzë.

Në një mbrëmje të fillimvitit 1992, në derën e apartamentit të Dritëro Agollit (te pallati përballë MAPO-s në rrugën e Dibrës), trokiti një burrë i thinjur. Kur Dritëroi hapi derën, burri i thinjur e pyeti: “A e di kush jam unë?”. Dritëroi ngriti supet. Dhe me të drejtë. Burri i thinjur kishte ikur nga Shqipëria qysh në vitin e largët 1944, kur Dritëroi kishte qenë vetëm 13 vjeç.

“Jam Sali Protopapa,” - i tha burri i thinjur.

Pas disa të dhjetash të sekondës hutimi, Dritëroi e ftoi Protopapën në shtëpi.

Ka ndërruar jetë në moshën 86 vjeçare Dritëro Agolli. Shkrimtar i njohur i jetës letrare shqiptare, Agolli e nisi karrierën si gazetar. Lëvroi prozën dhe poezinë, nga të cilat disa njohën edhe famë në Shqipëri. Agolli kishte edhe angazhim politik. Ai ka qenë ndër njerëzit e besuar të regjimit të Enver Hoxhës në detyrën e Kryetarit të Lidhjes së Shkrimtarëve. Me funksione edhe në parti, Agolli kërkoi reformimin e PPSh-së në kongresin e vitit 1991. Ishte prezent me krijime edhe gjatë tranzicionit, por edhe me kontribute në publicistikë. 

Ministria e Jashtme e Maqedonisë ka reaguar rretha asaj që e quan ndërhyrje në punët e brendshme të Shqipërisë. Në një reagim ndaj deklaratave dhe komenteve të kryeministrit Edi Rama, ministria maqeonase vlerëson se “do të ishte një gjë e mirë për fqinjësinë mes vendeve që të aplikohet koncepti maqedonas i integrimit multikulturor në shoqëri bazuar në vlerat europiane”.