Hapësira ajrore e Shqipërisë dhe e Malit të Zi do të patrullohet nga avionë F-16 të Greqisë dhe Eurofighter të Italisë. Kjo derisa Tirana dhe Podgorica të fitojnë aftësitë e nevojshme teknike për ta kryer vetë këtë mision.

Mediat maqedonase dhe ato greke raportojnë se Greqia mori rolin e mbikëqyrjes me dy avionë F-16, së bashku me Italinë, e cila do të patrullojë me dy Eurofighter në kuadër të forcës operacionale të NATO-s.

Tërheqja e ShBA-ve nga marrëveshja bërthamore me Iranin ka dhënë efektet e para që janë jo shumë pozitive. Lideri suprem iranian, Ajatollah Seyyed Ali Khamenei ka urdhëruar Agjencinë Atomike të Iranit që të nisë pasurimin e uraniumit pa vonesë. 
Ai ka bërë deklarimet e tij gjatë një ceremonie të mbajtur në Mauzoleumin e Imam Khomeinit në Teheranin jugor me rastin e 29 vjetorit të vdekjes së këtij të fundit. 

Gjermania është e revoltuar. Vetëm pak orë pas publikimit të një interviste të ambasadorit të SHBA në Gjermani, Richard Grenell, janë shtuar zërat që ai të dëbohet nga vendi. Shkaku: në një bisedë me portalin e djathtë të internetit Breitbart njeriu i Trumpit pati deklaruar se ai synon të forcojë forcat konservatore në Evropë, të cilat janë kundër establishmentit.

Edhe Gjermania po përjeton tension politik që çuditërisht nuk vjen nga dinamika e zhvillimeve të brendshme, por nga ndërhyrja e një ambasadori. Qeveria e kancelares Merkel kërkoi shpjegim zyrtar nga Shtetet e Bashkuara për deklaratën e ambasadorit të ri amerikan në Berlin, Richard Grenell, i cili premtoi vënien në dispozicion të zyrës së tij për të ndihmuar nacionalistët e ekstremit të djathtë të frymëzuar nga Donald Trump të merrin pushtetin në të gjithë Europën .

Janë të pakta temat që provokojnë kaq shumë kundërshti sa ngjyra e lëkurës e grekëve të vjetër.  Një artikull i publikuar vitin e kaluar në “Forbes” nga studiuesja e epokës Klasike, Sarah Bond e universitetit të Iowa, provokoi një stuhi të vërtetë, për shkak se vinte në dukje faktin se shumë nga statujat greke që duken të bardha sot, në antikitet ishin të lyera me ngjyra.

Tregojnë se dikur, diku në një cep të Ilirisë së Poshtëme, rasti e kishte sjellë të mbretëronte një vashë e re me një pamje disi melankolike që quhej Arta. Një ditë, bashkë me shpurën e vet, ajo kishte dalë për gjah. E veshur me kostumin e gjuetisë dhe me harkun e torbën e shigjetave hedhur krahëqafë, e mrekulluar nga meloditë e cicërimave të laureshave magjike, për pak çaste e lëshoi veten të kalëronte e shkujdesur në një kodrinë të pyllëzuar me gjithëfarëlloj pemësh e shkurresh.

Arkeologu i njohur, Neritan Ceka, shfaqet si mbështetës i linjës së origjinës pellazgo-ilire të shqiptarëve. Ceka ka sjellë këtë argument, ndonëse ky nuk mbështetet me dëshmi arkeologjike pellazgjike në Shqipëri, edhe kur ai vetë pranon që pellazgët dhe ilirët mbeten dy kufiza të panjohura.

Grupi i ekspertëve që vazhdon me kërkimin dhe zhvarrosjen e ushtarëve të vrarë në luftën italo-greke ka gjetur deri tani eshtrat e 420 të rënëve.

Kjo u bë e njohur gjatë një takimi që anëtarët e Komitetit të Ekspertëve  të kryesuar nga nënadmirali Stelios Petrakis  pati me familjarët e të rënëve në betejën epike 1940-41 në malet e Shqipërisë.

Një detyrë e lodhshme që filloi janarin e kaluar, pas një varri masiv që u gjet në ngushticën e Këlcyrës. Kërkimi i eshtrave do të vazhdojë edhe në vende të tjera, sipas një hartë përkatëse që autoritet kanë në dispozicion.

Presidenti rus Vladimir Putin dekretoi ligjin mbi "kundërmasat ndaj veprimeve jomiqësore të Shteteve të Bashkuara dhe disa vende të tjera", ligj  i cili në thelb përbën një përgjigje ndaj sanksioneve të vendosura nga Shtetet e Bashkuara dhe disa vende prillin e kaluar.

Ligji u miratua nga Duma më 22 maj dhe të miratuara nga Këshilli i Federatës më 30 maj. Ndër të tjera, ligji i jep të drejtë presidentin rus të ndërpresë marrëdhëniet me vendet jomiqësore dhe të imponojë kufizime të tregtisë mbi mallrat e importuara nga këto vende.

Nyakim Gatwech, është një modele nga Sudani i Jugut që u mëson njerëzve të mos kenë frikë nga e errëta. 24 vjeç, ajo është tashmë një ikonë e modës dhe jeton në Minneapolis, nuk druhet aspak për ngjyrën e lëkurës, që është e zezë e theksuar.

Ngjyra ime çokollatë është elegante. Kështu është ajo  që prezantoj…Një komb luftëtarësh

shprehet ajo në një nga fotot në Instagram.

Më tej ajo shpjegon se iu kërkua nga një shofer i Uber që të zbardhte lëkurën, kërkesë ndaj së cilës iu përgjigj me një të qeshur.