Zëdhënësja e Ministrisë së Jashtme ruse, Maria Sakharova paralajmëroi se militarizimi i mëtejshëm i Qipros do të ketë pasoja të rrezikshme dhe destabilizuese për ishullin.

"Rusia do të marrë masat e nevojshme nëse Shtetet e Bashkuara forcojnë praninë e tyre ushtarake në Qipro"- tha Sakharova duke folur me gazetarët. Sipas saj, Moska e kupton fare mirë kontekstin  anti-rus të këtyre planeve të SHBA-ve dhe NATO-s. “Do të marrim masa reciproke nëse këto plane zbatohen”- shtoi ajo.

Ministria Jashtme shqiptare ka dalë me një deklaratë ku ka shprehur shqetësimin për vrasjet e 4 shtetasve shqiptarë në Greqi dy javët e fundit. Reagimi vjen pas vrasjes së  18-vjeçarit Mario Isai në 4 dhjetor në Kavalla, ndonëse sipas hetimeve autori i krimit është një bashkëkomoshatar i tij shqiptar.

“MEPJ shpreh indinjatën e thellë për humbjen e jetëve të bashkëkombasve tanë, ndjenja këto që thellohen nga vonesat në zbardhjen e këture ngjarjeve nga autoritetet greke”- thuhet në deklaratën e ministrisë së Jashtme.

Në datën 21 nëntor të këtij viti, qeveria shqiptare ka miratuar një vendim përmes të cilit bëhet kalimi në përgjegjësi administrimi të Ministrisë së Turizmit të disa pronave të paluajtshme shtetërore që gjenden në vijën bregdetare Vlorë-Sarandë. Fjala është për 1 472 ha, të cilat janë të shpërndara nga Akërnia, Vlora, e deri në Dhërmi, Gjilek, Vuno, apo Ksamil.

Gazeta serbe “Vecernje Novosti” shkruan sot se në portin e Durrësit në Shqipëri pritet të ankorohet një anije e mbushur me armët më të fundit që janë destinuar për ushtrinë e Kosovës. Lajmin në fjalë e referon edhe agjencia “B92”, që shkruan se gazeta citon burime nga shërbimet sekrete serbe sipas të cilave armët moderne janë dërgesë e shërbimit amerikan, CIA. Madje po sipas këtyre burimeve, shërbimi sekret kosovar ka shpërndarë disa armë në pjesën jugore të Mitrovicës ku synohet vendosja e kontrollit të plotë.

Autoriteti i Medias Audiovizive ka dalë sot me një reagim kundër deklaratës së OMONIA-s, e cila një ditë më parë sillte në vëmendje edhe të AMA-s, situatën e krijuar në raportet mes pakicës greke dhe shumicës shqiptare në Jug të Shqipërisë. OMONIA trajtonte në deklaratën e vet edhe faktin se një emision i përcjellë në Top-Channel, me autor gazetarin Marin Mema, kishte ushqyer ndjenja negative ndaj pakicës duke çuar në dëmtimin e memorialit të Thimjo Lolit.

Sa të rëndësishme janë arsyet ekonomike në revoltën botërore të "popullit" kundër "elitës", dhe sa janë ato të diktuara nga një izolim psikologjik tani i shfrenuar dhe pothuajse i pashërueshëm? Po nëse ndjenjat, pakënaqësitë, emocionet, pasionet do të ishin më të rëndësishme se përllogaritjet e portofolit?

Dhe nëse kjo superstrukturë jomateriale, që do të vinte në pozitë të vështirë edhe Karl Marksin me leksionet e tij kontroverse, do të thoshte diçka më shumë për kryengritjen "populiste" më shumë se struktura e fortë, konkrete dhe e prekshme?

Panajot Barka, profesor i asociuar dhe pjesëtar i minoritetit grek në Shqipëri, aktivist për të drejtat e këtij minoriteti, shkruan sot në gazetën “Tema” për situatën e krijuar së fundmi Jug, ku sipas tij janë cenuar raportet mes “pakicës dhe shumicës”.

Dy vjet nga lëkundjet në fshatin Zharrëz, çështja e dëmshpërblimit të banorëve mbetet e pazgjidhur. Me një vendim të posaçëm, të më shumë se një viti më parë qeveria shqiptare vendosi dëmshpërblimin e 71 familjeve,  për të cilat pagesa e ndarë në masën 50% me kompaninë Bankers Petroleum, e cila u konsiderua shkaktare e dëmeve për shkak të përdorimit të teknologjisë së injektimit të ujit teknologjik.

Të  shtunën në Bularat do të organizohet një ceremoni përkujtimore për Konstandin Kacifën i vrarë më 28 tetor në Bularat në rrethana ende të paqarta pas një aksioni të Forcave Renea.

Prokuroria shqiptare nuk ka zbardhur ende dinamikën e ngjarjes, ndërsa ceremonia mortore për të riun minoritar u shndërrua në një manefistim nacionalist, që pasoi me shpalljen non grata të 52 shtetasve grekë.

Drejtori i Agjencisë së Legalizimit dhe Urbanizimit të Zonave Informale, Artan Lame, ka deklaruar sot në Komisionin e Ligjeve se situate e regjistrimit të pronave në Shqipëri është alarmante. Sipas tij, nga më shumë se 4.4 milionë prona të regjistruara, 2.5 milionë janë me probleme. Situate vijon edhe më tej me faktin se edhe vetë shteti shqiptar nuk i ka të regjistruara.

Vetë shteti shqiptar nuk e ka të regjistruar pronën e vet në ZRPPP. Në një farë mënyre, kadastra është godina më e rëndësishme në një shtet modern