Kryebashkiakja e Shkodrës kërkon që qyteti i saj të merret nën administrim nga një Komision Administrativ Europian. Në një letër drejtuar selive kryesore diplomatike në Tiranë ajo thotë se nuk do të njohë rezultatin e 30 qershorit dhe as komisiarin politik të emëruar nga kryeministri

Irani ka hedhur një hap më tej në programin e vet bërthamor duke ritur pasurimin e uraniumit përtej kufirit të caktuar në marrëveshjen e vitit 2015 me fuqitë kryesore të botës. sipas informacioneve mediatike, me këtë veprim, Teherani zyrtar i është afruar edhe më shumë nivelit të prodhimit të armëve bërthamore, që ka qenë një ndër akuzat kryesore ndaj tij dhe shkak për presione që shkojnë deri në kërcënim me ndërhyrje ushtarake.

Shumë aktorë të huaj kanë qenë të përfshirë në luftën e vazhdueshme civile në Libi, mes të cilëve edhe Turqia. Konflikti dhe tensioni janë të përqëndruar rreth kryeqytetit. Ankaraja mbështet qeverinë e njohur ndërkombëtarisht me bazë në Tripoli, e cila po përballet me rezistencën e “Ushtrisë Kombëtare Libiane”,  (LNA) që kontrollon pjesën më të madhe të vendit. Ajo është nën komandën e Marshallit, Khalifa Haftar.

Teksa pritet që parlamenti të miratojë këtë të hënë në një seancë të jashtëzakonshme ngritjen e Komisionit hetimor për shkeljet e Kushtetutës nga Presidenti, Ilir meta në një qëndrim për situatën ligjore te krijuar pas 30 qershorit presidenti shpjegon se nuk ka shkelur asnjë ligj dhe se vendim i Kolegjit, nuk prek aspak vlefshmërinë e Dekretit të Presidentit të Republikës.

Nuk priteshin supriza në zgjedhjet e parakohshme parlamentare në Greqi, pasi konfigurimit të skenës politike në zgjedhjet europarlamentare të 26 Majit. “Përralla” e treguar nga kreu i opozitës greke Kyriakos Mitsotakis ngjiti në pjesën më të madhe të elektoratit që duket se i ka dhënë votat për të qeverisur i vetëm.

Konsideratat e para mbi rezultatin e zgjedhjeve i japin konservatorëve të Demokracisë së Re 39-42% të votave ose 158 deputëtë, ndërsa Syrizas së kryeministrit Tsipras 31-33% ose 78-86 deputetë.

Media të ndryshme të huaja po qarkullojnë një informacion që vë në dukje dyshimet e mëdha që provokon personaliteti i Donald Trump edhe brenda aleatëve më të ngushtë të SHAB-ve. Një memo e ambasadorit britanik në SHBA, Kim Darroch, hartuar në vitin 2017 dhe drejtuar qeverisë së tij, hedh dritë mbi vlerësimet e ktij diplomati për presidentin amerikan.

Rrezaton pasiguri. Me të duhet që t’i bësh të thjeshta parashtrimet, madje duhet të flasësh troç

shkruan Darroch.

Kryeministri Edi Rama ka nisur të përdorë fjalë importi për të sugjestionuar opozitën dhe protestat e saj. Nëse një ditë më parë, ai soli një thënie të ish-kryeministrit britanik, Churchill për të përcjellë mesazhin se sfidat e pas 30 qershorit janë shumë të mëdha dhe se për to nevojitet dialog, për protestën e nesërme, z. Rama ka zgjedhur Martin Luther King.

Përtej aspektit moral, limiti i protestave të dhunshme qëndron në faktin se ato s’të çojnë në fitore dhe këtë e dinë edhe ata që i bëjnë.

Presidenti turk, Recep Tayip Erdogan njoftohet se do të marrë pjesë në samitin dyditor të Procesit të Bashkëpunimit të Vendeve të Europës Juglindore që mbahet në Sarajevë në datat 8-9 korrik të këtij viti. Sipas drejtorit të Komunikimit të presidentit turk, Fahrettin Altun ky samit është e vetmja platformë që përfshin të gjitha vendet e Ballkanit.

Takimi do të përqendrohet në hapat që duhen ndërmarrë për të përmirësuar bashkëpunimin në Ballkan, veçanërisht në fushën e ekonomisë, tregëtisë, transportit, infrastrukturës dhe investimeve

Lauren Luli është që nga sot myftiu I ri i Tiranës. Prezantimi është bërë nga kreu i Komunitetit Mysliman të Shqipërië, Bujar Spahiu gjatë një takimi në selinë e komunitetit me imamët e xhamive të Tiranës.

Myftiu i ri i Tiranës, z. Lauren Luli është teolog. Ai ka kryer studimet e larta në Fakultetin e Shkencave Islame në Bursa të Turqisë dhe më pas masterin shkencor në Shkencat e Hadithit në KU Bedër, Tiranë. Ai ka ushtruar detyrën e tij si imam dhe myfti si dhe prej dy vitesh mbante postin e nënkryetarit të KMSH-së.