I ashtuquajturi Komision Parlamentar për Mirëqeverisjen, Antikorrupsioin dhe Sundimin e Ligjit, ka vendosur marrëdhënie diplomatike me dy ambasada. Një të SHBA-së dhe një të BE-së.

Kështu Fatmir Xhafaj bëhet i pari deputet shqiptar që do të ketë relacione të posaçme diplomatike me dy ambasadat, sigurisht në kuadër të partneritetit strategjik me këto vende.

Përmes një njoftimi në rrjetin “X”, ambasada e SHBA në Tiranë ndër të tjera njofton se:

Pas lajmit të dorëheqes së Alfred Pezës nga drejtimi i RTSH-së, ka nisur shpërndarja e një letre ankese që një prej drejtueseve të insitucionit, ka drejtuar në Këshillin Drejtues të RTSH-së më 2 shtator. Duke konsideruar se shkresa nuk ka firmë dhe nr.protokolli, por përmbajtja e saj përkon me akuzat informale që janë ngritur ndaj z. Peza herë pas here, po e përcjellim me rezerva, në kushtet kur nuk ka ende një sqarim zyrtar për dorëheqjen e tij:

Andriy Sybiha është zgjedhur ministër i Jashtëm i Ukrainës. Propozimi iu bë Parlamentit nga presidenti Volodymyr Zelenskiy, që ka ndërmarrë një riformatim masiv të qeverisë.

Sybiha pason në detyrë Dmitry Kuleban. Ai ka lindur në vitin 1975, është diplomuar për anglisht dhe jurisprudencë nga universiteti i Lviv dhe ka mbajtur disa detyra në administratën e Ministrisë së Jashtme, sikurse ka qenë edhe ambasador në Turqi. Deri para zgjedhjes në krye të Ministrisë së Jashtme, ai mbante detyrën e zv.ministrit të Parë të Jashtëm. 

BE, Britania e Madhe, SHBA dhe Izraeli kanë nënshkruar traktatin e parë në botë për mbrojtjen e të drejtave të njeriut në teknologjinë e AI.

Konventa Kuadër për inteligjencën artificiale dhe të drejtat e njeriut, demokracinë dhe sundimin e ligjit u miratua në maj nga Këshilli i Evropës, organi i bllokut për të drejtat e njeriut.

Por pas vitesh negociatash dhe presioni nga vende si SHBA që morën pjesë në proces, sektori privat është përjashtuar nga Traktati, duke lënë objekt të ligjit kryesisht sektorin publik dhe kontraktorët e tij.

Si zakonisht ministri i ri i Brendshëm sjell edhe drejtorin e ri të Policisë së Shtetit. Ministri Ervin Hoxha, pasi ka falenderuar Muhamet Rrumbullakun, “dikur eprori im, e sot miku im” për punën në drejtimin e Policisë, ka njoftuar se:

Sot është dita për ta kaluar këtë stafetë në një tjetër gjeneratë drejtuesish

Duke kërkuar nga ana tjetër bashkëpunimin e “atyre që dorëzojnë stafetën”.

Në pozicionin e Rrumbullakut, Hoxha ka njoftuar se komandohet Sokol Bizhga, një drejtues i vjetër i policisë në disa detyra.

Alfred Peza ka paraqitur dorëheqjen sot nga detyra e Drejtorit të Përgjithshëm të Radiotelevizionit Shqiptar. Teksti i dorëheqjes nuk jep arsyet e saj por referon vetëm bazën ligjore.

Alfred Peza u zgjodh në detyrën në fjalë më datë 13 qershor 2023 me 9 vota pro në Këshillin Drejtues të RTSH-së.

Në ushtrimin e detyrës, z. Peza u rrethua nga shumë debate mbi politikat e ndjekura në raport me stafin e televizionit dhe disa vendime të marra prej tij.

Ish-zv.Komandanti i Forcës Detare, Artur Meçollari, ka denoncuar planet për shembjen e Akademisë së Marinës në Vlorë. Në edicionin e lajmeve në MCN TV, Meçollari tha se plani për shkatërrimin e Akademisë së Marinës daton që në vitin 2010 kur në pushtet ishte PD, dhe ka vazhduar në qeverisjen e PS-së, si një histori e pastër korrupsioni.

Ish-kreu i Akademisë së Shkencave të Serbisë, neurologu Vladimir Kostiç, ka dhënë një intervistë për revistën “Cord” gjatë së cilës është pyetur për tema të ndryshme të aktualitetit në Serbi. Rënia demografike, debate mbi minierën e litiumit në Jadar, çështjet e privatësisë dhe nevoja për “reformimin radikal” të sistemit arsimor, janë disa prej tyre.

Një plan i mirëfilltë rus për të ndikuar opinionin publik në Europë është zbuluar së fundmi. Qëllimi i fushatës së Kremlinit në Evropë ishte të mbillte përçarje, të diskreditonte Amerikën dhe të minonte mbështetjen për Ukrainën, sipas disa dokumenteve, memorandumeve dhe regjistrimeve audio, të cilat FBI i ka paraqitur së fundmi në gjykatë.

Plani është zbuluar në kuadër të një hetimi që çoi në sekuestrimin e 30 domeineve, të cilat dyshohet se lidhen me një tjetër fushatë ruse: atë për të ndikuar zgjedhjet presidenciale në Amerikë.

Serbia ka refuzuar ftesën e Rusisë për të marrë pjesë në samitin e BRICS në tetor.  Sipas mediave serbe, Vuçiç është shprehur se nuk do të jetë në samit pasi “ka shumë vizita të rëndësishme”.

Falenderoj njerëzit në BRICS për ftesën si dhe presidentin Putin. Kemi edhe New Yorkun dhe e di tani që do të kem bisedime me të paktën gjashtë president dhe të paktën 7-8 kryeministra në kuadër të punimeve të Asamblesë së Përgjithshme të OKB-së