Rusia dhe Kina intensifikojnë marrëdhëniet pas presionit të SHBA-ve. Ministri i Jashtëm rus, Sergei Lavrov, do të vizitojë Pekinin pas një ftese zyrtare nga autoritetet kineze, që erdhi menjëherë pas një raundi bisedimesh me SHBA-të.

Lavrov pranoi ftesën nga homologu kinez Wang Yi të enjten dhe pritet të udhëtojë drejt Kinës më 22 mars.

Kërkuesit norvegjezë pretendojnë se kanë gjetur shkakun e mpiksjes së gjakut si pasojë e vaskinës anti-CoVid-19 të zhvilluar nga AstraZeneca. Sipas këtyre ekspertëve vaksina provokon një reagim shumë të fortë imunitar që çon mandej në një kombinim të rrallë të gjakut të mpiksur dhe trombociteve. Studimi vjen nga spitali Rikshospitalet në emër të të cilit ka folur profesori Pal Andre Holme, spital që ka trajtuar tre pacientë me simptoma të rënda pas vaksinimit me AstraZeneca.

Nuk shoh ndonjë arsye tjetër përveç vaksinës…që provokon një reagim të fortë imunitar

Shtetet e Bashkuara kanë vendosur t’i  japin Meksikës 2.5 milionë doza të vaksinës AstraZeneca. Ajo që duket si përgjigjja e dhënë kërkesës për ndihmë nga presidenti meksikan në fakt rezulton një marrëveshje e tipit “më jep të të jap”. Donacioni përkon me një seri kërkesash që administrata e Bidenit i ka dërguar vendit fqinj për të kufizuar krizën e migrantëve përgjatë kufirit.

Rastet e infektimit me Covid për së dyti u shfaqën që në valën e parë të pandemisë, kur bota ishte ende në karantinë. Por pak të dhëna ka pasur në lidhje me këtë fenomen të përhapur në të gjithë botën. Studimi i parë i përmasave të mëdha që i jep përgjigje shkencore pyetjes mbi riinfektimin është botuar këtë javë në “Lancet”. Sipas studimit, pjesa më e madhe e njerëzve që kanë Covid-19 janë të mbrojtur nga riinfektimi për të paktën 6 muaj.

Pesë kompanitë në garë për ndërtimin e tunelit të Llogarasë janë skualifikuar nga gara. Ministrja e Infrastrukturës dhe Energjitikës, Belinda Balluku, tha në një intervistë për Report TV se asnjëra prej 5 kompanive që u ofruan për të ndërtuar tunelin nuk kanë përmbushur dokumentacionin ligjor dhe teknik.

Dronë që gjenerojnë shiun. Kjo është shpikja që pritet të testohet së shpejti në Emiratet e Bashkuara Arabe. Dronët fluturojnë në re dhe me anë të një goditjeje elektrike i nxisin ato të prodhojnë shi.

Në Emirate përdoret tashmë ajo që njihet si teknologjia e mbjelljes së reve.

Emiratet e Bashkuara Arabe kanë mesatarisht vetëm 100 mm në vit dhe kanë nevojë për shumë më tepër.

Në vitin 2017, qeveria akordoi 15 milionë dollarë  për nëntë projekte të ndryshme për rritjen e reshjeve të shiut.

Mediat citojnë sot kryeministrin Edi Rama të jetë shprehur ndër të tjera se:

Unë nuk jam i përsosur, nuk jam pa gabime, të metat disa mi njihni, po i kam siç i kanë të gjithë. Unë jam këtu për të luftuar për secilin prej jush, unë dua që Shqipëria të jetë e ardhmja e djalit tim të vogël, e fëmijëve tuaj. Shqipëria të jetë shtëpia ku cdo fëmijë i kësaj Republike të ndihet krenar

Ambasadorët e Bashkimit Evropian kanë rënë dakord të sanksionojnë katër zyrtarë kinezë dhe një organizatë, lidhur me dyshimet për shkelje të të drejtave të njeriut dhe abuzime në Xinjiang. Ministrat e Jashtëm të BE-së do të votojnë për këtë më 22 mars.

Sanksionet janë praktisht ndalim i udhëtimit dhe ngrirje e aseteve financiare. Emrat e zyrtarëve kinezë nuk janë bërë ende të ditur.

"Masat kufizuese janë kundër shkeljeve serioze të të drejtave të njeriut dhe abuzimeve të miratuara", i tha një diplomat i BE-së agjencisë Reuters.

Sot në media është njoftuar përfundimi  i afatit ligjor për shpalljen e fituesit për tenderin e tunelit të Llogorasë, një projekt me vlerë rreth 155 milionë euro.

Lajmi këtu është se qeveria, me sakte MIE si Autoritet Kontraktor nuk ka shpallur një fitues akoma, edhe pse ofertat dhe dokumentet e 6 kompanive të ndryshme janë dorëzuar më datë 1 Mars dhe deri më sot nuk ka asnjë informacion as mbi pranimin e tyre, as mbi skualifikimin.

Luan Rama dje dhe Edmond Haxhinasto sot kanë rrëfyer se kanë qenë kundër djegies së mandateve në Parlament. Duke dalë kështu kundër një vendimi të marrë nga LSI-ja disa kohë më parë, kur së bashku me PD-në lanë Parlamentin për të kontestuar atë që e quajtën fasadë në Kuvendin e Shqipërisë.

Tani, njeriun apo edhe një grup njerëzish i përndjek për një kohë gabimi që bëjnë, por nuk ka përndjekje më të madhe sesa ai që vjen nga budallallëku dhe shumimi agresiv i cinikëve.