Humbja e zgjedhjeve të radhës ka sjellë dorëheqjen e parë në selinë blu. Sahit Dollapi, sekretari organizativ i kampit blu ka dhënë dorëheqjen nga posti i tij pas debateve të brendshme që janë hapur pas 25 prillit.

Dollapi është pjesë e strukturave të PD-së prej vitesh. Ai u vu në qendër të aksionit opozitar në pranverën e vitit 2019, kohë kur Partia Demokratike dhe opozita e bashkuar dolën nga Parlamenti për t’ju drejtuar qytetarëve me protesta masive.

Më parë, gjatë qeverisjes së PD-së, ai ka mbajtur detyrën e drejtorit të CEZ.  

Brenda masës së uraniumit të varrosur në reaktorin numër katër të termocentralit bërthamor të Çernobilit, i cili shpërtheu në 1986, ka nisur procesi i ndarjes bërthamore. Lajmi u raportua nga revista “Science”, në një intervistë me Neil Hyatt, kimist i materialeve bërthamore në Universitetin e Sheffield-it. "Është si thëngjijtë në një skarë”, e përshkruan profesori procesin.

Presidenti i Republikës Çeke, Milos Zeman ka qenë së fundmi në një vizitë në Beograd ku edhe ka dhënë një intervistë për revistën “Cord”. Nga i gjithë prononcimi i Zeman, revista ka nxjerrë në somario qëndrimin për Kosovën, që në thelb thotë se përpjekja e Zeman për të revokuar në rrugë ligjore njohjen e pavarësisë së Kosovës nga Çekia, ka dështuar. 

Të hënën, krerët e diplomacisë së Bashkimit Evropian do të zhvillojnë një diskutim strategjik në Bruksel mbi një angazhim më të fortë politik të BE-së me partnerët në Ballkanin Perëndimor. Sipas RTK2, në sesionin ministror të nesërm të BE-së do të diskutohet edhe për “të ardhmen e përbashkët përmes Bashkimit Evropian dhe veprimeve urgjente dhe të përbashkëta", me qëllim "forcimin e bashkëpunimit në fushën e sigurisë".

Një prej përfaqësuesve të PD-së që herë pas here nënkuptohet se pretendon(te) detyrën e ministrit të Financave, Jorida Tabaku, ka shkruar sot se shumica në pushtet ka përdorur 120 milionë euro nga paratë e buxhetit të shtetit për të blerë votën në zgjedhjet e 25 prillit. Ndër të tjera, zonja në fjalë sqaron sesi janë akorduar këto para:

Një raport i ri mbi vrasjen e gjeneralit iranian, Qassem Soleimani, hedh dyshime për përfshirjen e Izraelit. Soleimani, i cili drejtonte Forcën Quds të Trupave të Gardës Revolucionare Revolucionare të Iranit, u vra në një sulm me dron amerikan afër Aeroportit të Bagdadit janarin e kaluar.

Turqia u ka dhënë shtetësinë 150 mijë qytetarëve sirianë që ndodhen si refugjatë lufte në vend. Shifra ka dalë gjatë diskutimit të një raporti zyrtar që trajton gjendjen e sirianëve në Turqi dhe ajo është marrë në diskutim me sens kritik nga opozita kryesore turke, Partia Popullore Republikane.

Gazeta gjermane “Die Welt” shkruante të premten se Franca ka bllokuar BE-në në porositjen e 1.8 miliardë dozave të tjera të vaksinës anti-CoVid të zhvilluara nga Pfizer. Gazeta ka referuar burime diplomatike nga Bashkimi Europian sipas të cilëve kompanitë franceze qëdrojnë pas këtij akti të Parisit zyrtar për shkak se kërkojnë një rol më të madh në tregun e vaksinave. Çdo porosi kërkon miratimin unanim nga blloku, çka shpjegon se pse një votë e Francës ka këtë efekt.

Do të ishte një shkatërrim për të cilin Franca do të jetë përgjegjëse

Me një paradë në të cilën marrin pjesë mbi 1 800 trupa, 60 mjete të rënda ushtarake dhe 21 aeroplanë në Vladivostok, Rusia përkujton sot 76-vjetorin e Ditës së Fitores.

Kolonat e automjeteve ushtarake kaluan në qendër të Moskës dhe përmes rrugës “Tverskaya” përpara paradës në Sheshin e Kuq.

Ajo që në Rusi përkujtohet si Dita e Fitores shënon triumfin e Bashkimit Sovjetik mbi Gjermaninë Naziste në Luftën e Dytë Botërore.

Parada tradicionale e Rusisë, një shfaqje patriotike e fuqisë ushtarake, këtë vit përkon me tensionet në rritje me Perëndimin.

Një segment i raketës kineze pas hyrjes në atmosferën e Tokës u shpërbë mbi Oqeanin Indian. Lajmin e bëri të ditur agjencia kineze e hapësirës, vetëm pak orë pas spekulimeve se objekti me peshë 18 tonë mund të binte në ndonjë zonë të banuar.

Zyrtarët në Pekin kishin thënë se rreziku nga raketa ishte i vogël. Segmenti që u dogj mbi Oqeanin Indian i përket raketës Long March-5B, e cila më 29 prill dërgoi në orbitën e Tokës modulin e parë kinez të një stacioni hapësinor.