Ushtria amerikane ka anulluar testin e raketës ndërkontinentale, Minuteman III për shkak të krizës ukrainase. Më herët testi ishte shtyrë në kohë, por sot agjencia “Reuters” njofton se ai është anulluar si një shenjë e mesazheve për ulje tensionesh.

Punonjësit e Amazon në Nju Jork organizohen për herë të parë në sindikatë. Ky hap shënon një moment historik për punëtorët e gjigantit të tregtisë elektronike, një kompani që është kritikuar shpesh për abuzimin me të drejtat e punës.

Vendimi për t’u organizuar në sindikata u mor pavarësisht se kompania i ka dekurajuar punonjësit përmes fushatave dhe njoftimeve të herëpashershme.

Gjiganti i tregtisë elektronike, i cili ka me mijëra të punësuar në SHBA, ia ka dalë të pengojë organizime të tilla që prej themelimit të saj në vitet 1990.

 Media të ndryshme raportojnë për negociata secrete mes Perëndimit dhe Rusisë në kontekstin e vlerësimeve se diplomacia dypalëshe mes Kremlinit dhe Kievit nuk mjafton. Në një raport të Këshillit të Sigurimit të OKB-së thuhet se është vendosur përfshirja e njerëzve që kanë një histori marrëdhëniesh me presidentin rus, Vladimir Putin. Portal kroar “index.hr” shkruan se mes njerëzve që konsiderohen si negociatorë potencialë me Putinin është edhe ish-presidentja kroate, Kolinda Grabar-Kitaroviç.

Prokurori turk në çështjen kundër 26 shtetasve sauditë të akuzuar për vrasjen e gazetarit të Washington Post, Jamal Khashoggi, bëri një kërkesë të papritur të enjten që gjykimi i tyre në mungesë të pezullohej dhe çështja të transferohej në Arabinë Saudite.

Kolegji i gjyqtarëve nuk mori asnjë vendim për kërkesën e prokurorit, por vendosi që një letër duhet t'i dërgohet Ministrisë së Drejtësisë së Turqisë për opinion mbi transferimin e mundshëm të dosjes tek autoritetet gjyqësore saudite, raportoi agjencia shtetërore Anadolu. Seanca është shtyrë për më 7 prill.

Ministria e Jashtme ruse thotë se nuk ka ndërmend t'i kërkojë BE-së heqjen e sanksioneve të vendosura ndaj Rusisë, pasi ka furnizime dhe alternativa të mjaftueshme.

"Bashkimi Evropian nuk është qendra e universit”, tha Nikolay Kobrinets, drejtor i Departamentit për Bashkëpunim Evropian të Ministrisë së Punëve të Jashtme ruse, të cilit i referohet Reuters.

Çfarë ka ndodhur dje “e bukur”?

Në edicionin e orës 19:00 të ditës së djeshme, Top-Channel publikoi një shënim me titull: Përzumë gjobaxhinjtë/ Emisioni investigativ vazhdon me emër dhe mentalitet tjetër, Top Story rikthehet në “prime time”politik.

Në tekst ndër të tjera thuhet:

Me një dekret të firmosur sot, presidenti rus, Vladimir Putin, urdhëro pranimin në ushtri të 134 500 rekrutëve të rinj. Edhe pse vjen në një kohë kur Rusia ka ndërmarrë në Ukrainë atë që e quan operacion special, Ministria ruse e Mbrojtjes sqaroi se ky vendim nuk ka të bëjë me luftën në Ukrainë.

Ministri rus i Mbrojtjes, Sergei Shoigu, të cilit i referohet Reuters, tha të martën se asnjë nga rekrutët e rinj nuk do të dërgohet në ndonjë "pikë të nxehtë".

Presidenti i Serbisë, Aleksander Vuçiç, ka prezantuar përmes një opinioni në gazetën “Blic” programin “Serbia 2025”. Për aq sa intereson, në opinionin e zotit Vuçiç, ka vlerë të tërhiqen disa shifra domethënëse. Konkretisht sipas tij, Serbia përfitoi vetëm vitin e shkuar 3.9 miliardë euro investime të huaja direkte që përfaqësojnë një shifër më të madhe se ajo e të gjitha vendeve të Ballkanit Perëndimor të marra bashkë.

Disa artistë kanë gjetur një mënyrë origjinale për të festuar apo nderuar muajin e Ramazani. Në Jeddah, në hypermarket “Marwa Lulu” është organizuar një ekspozitë dedikuar artit kaligrafik arab. Kuratorja e aktivitetit, Moona Mohammed, është shprehur se synimi është të theksohet rëndësia e kuptimit të Kuranit dhe përhapjesë së mesazhit të tij fisnik.

Fondi Monetar Ndërkombëtar ka paralajmëruar se sanksionet e vëna ndaj Rusisë në kuadër të agresionit të saj ndaj Ukrainës, mund të kenë pasoja strukturore në sistemin financiar ndërkombëtar. Zv.drejtoresha e FMN-së për menaxhimin, Gita Gopinath, ka deklaruar për “Financial Times” se sanksionet mund të çojnë në dobësimin e pozitave dominuese të dollarit, duke krijuar blloqe të vogla monetare që bazohen në tregtinë mes grupeve të caktuara shtetesh.

Ne po shohim që tani se me disa vende po rinegociohet monedha me të cilën do kryhet pagesa për tregtinë