Presidenti ukrainas, Volodymyr Zelensky, i kërkoi homologut amerikan, Joe Biden, të vendosë Rusinë në listën e zezë të shteteve që sponsorizojnë terrorizmin, një masë që Shtetet e Bashkuara nuk e morën as gjatë Luftës së Ftohtë.

Lajmin e bën të ditur Washington Post, duke cituar burime në dijeni me kërkesën.

Peshkimi është biznes fitimprurës në Rusi dhe lidhet ngushtë me projeksionin e Kremlinit dhe Presidentit Vladimir Putin për pushtetin në det.

Rusia është një nga prodhuesit kryesorë në botë të ushqimeve të detit dhe ishte eksportuesi i tetë më i madh në Shtetet e Bashkuara vitin e kaluar, me më shumë se 1.2 miliardë dollarë shitje.

Por nuk dihet saktësisht se sa arrin të zbarkojë në SHBA me anë të Kinës, e cila nga ana e saj dërgoi 1.7 miliardë dollarë peshk në SHBA vitin e kaluar.

Evropa nuk është ende e bashkuar sa duhet për ta bërë Ukrainën më të fortë dhe për ta dobësuar Rusinë. Kryeministri slloven, Janez Jansha, thotë se BE-ja duhet të dërgojë "ndihmë ushtarake" në Ukrainë.

"Unë mendoj se reagimi evropian ndaj agresionit rus ishte shumë më i bashkuar dhe shumë më i fortë se sa pritej në Kremlin, po sërish nuk ishte mjaftueshëm i fortë. Duhet të përqendrohemi në ndihmë ushtarake për Ukrainën, sepse përndryshe, kjo luftë do të vazhdojë”, shtoi Jansha.

Në garë për një mandat të dytë, Emmanuel Macron nuk duket se do të kënaqet me një pesëvjeçar tjetër në krye të presidencës franceze. Në një intervistë për “Point”, ai është shprehur në favor të mandatit shtatëvjeçar (aktualisht mandati i presidentit në Francë është 5 vjet). Macron e konsideron mandatin pesëvjeçar "ndoshta shumë të shkurtër për një epokë presidenciale në Francë”.

Ndërsa Europa po përpiqet të reduktojë varësinë nga gazi rus, Gjermania ka qenë më e rezervuar në këtë drejtim. Megjithatë, ministri i Ekonomisë, Robert Habeck u kërkoi qytetarëve gjermanë të fillojnë të kursejnë energjinë.

Gjermania është nën presion për t’u shkëputur nga furnizimi me gaz dhe naftë ruse, pasi kritikët thonë se të ardhurat i japin Moskës fonde jetike për të çuar përpara luftën.

Habeck u sugjeroi gjermanëve të përdorin trenin ose biçikletën në vend të makinës.

Oferta e Elon Musk për të blerë tërësisht Twitterin hidhet poshtë nga aksioneri më i madh.

Miliarderi saudit, Princi Alwaleed bin Talal, thotë se shuma që ofron Musk nuk i afrohet vlerës që ka dhe do të ketë rrjeti social.

“Nuk besoj se oferta e propozuar nga Elon Musk (54,20 dollarë për aksion) i afrohet vlerës së brendshme të Twitter duke pasur parasysh perspektivat e tij të rritjes”, është shprehur Bin Talal në llogarinë e tij personale.

Drejtori i shërbimit amerikan të inteligjjencës, William Burns ka deklaruar se kërcënimi i Rusisë për të përdorur armë bërthamore taktike apo me veprim të kufizuar në Ukrainë, është marrë seriozisht dhe nuk mund të injorohet. Sipas tij, CIA ka evidenca praktike që përforcojnë këtë shqetësim i cili mund të shëndërrohe në skenar operativ për shkak të dështimit të dukshëm të Vladimir Putin për të arritur objektivat e vet në Ukrainë.

Askush prej nesh nuk mund të marrë lehtë kërcënimin për përdorimin e armëve bërthamore taktike

Në Hungari, qeveria mori një vendim në shkelje të ligjeve lokale për një pronë prej 720 metrash katrorë, e cila do t’i jepet presidentit në largim, János Áder.

Vila panoramike në lagjen e 12-të të kryeqytetit, e cila është pothuajse e përfunduar, do të jetë më e madhe se sa ishte parashikuar fillimisht në rregulloret bashkiake, falë vendimit të posaçëm të qeverisë, raportojnë mediat vendase.

Gjatë gjithë Luftës së Dytë Botërore, Ballkani ishte burim i problemeve të vazhdueshme për Rajhun e Tretë. Pas rrënimit të Jugosllavisë nga Vehrmahti në prill të vitit 1941, në copat e saj u ngrit një kundërshtim i fortë ndaj nazizmit, duke nisur një luftë të ashpër kundër pushtuesve.

Më e fuqishmja nga këto forca ishte e ashtuquajtura Ushtria Nacionalçlirimtare Jugosllave, në varësi të Partisë Komuniste të vendit. Nëse fillimisht përbëhej nga njësi të vogla partizane, në pranverën e vitit 1944, ajo përfshinte divizione dhe trupa të mëdha që numëronin rreth 300 mijë vetë.

Sociologë eminentë nëpër ekrane na kanë shpjeguar se Putin është burrë shteti dhe NATO një shoqëri e keqe.

Megjithatë, që kur ky burrë shteti pushtoi Ukrainën për të shmangur të qenit i rrethuar nga NATO, ai e gjen veten të rrethuar nga gjithnjë e më shumë kombe që dëshirojnë të bëhen pjesë e aleancës perëndimore ushtarake.