Mediat serbe raportojnë se vendet kryesore të Peëndimit që menaxhojnë stabilitetin e Kosovës, të njohura si vendet e QUINT-it u kanër kërkuar përfaqësuesve serbë të njohin pavarësinë e shtetit ballkanik. Mediat në fjalë citojnë kreun e Zyrës për Kosovën dhe Metohinë në qeverinë serbe, Petar Petkovic, kreun e Listës Serbe, Goran Rakiç dhe katër kryebashkiakë serbë të Kosovës që kanë zhvilluar një takim me ambasadorët e vendeve të QUINT-it i mbajtur me dyer të mbyllura.

Banka e Shqipërisë është aktualisht institucioni më hermetik në vend, ndaj të cilit herët apo vonë, ligjvënësi do të duhet të ndërhyjë për të krijuar mundësinë e një raporti të ri me interesin publik.

Mediat në Kosovë raportojnë se presidentja Vjosa Osmani i ka kërkuar homologut të vet të Shqipërisë, Bajram Begaj, që ndodhet për vizitë në Prishtinë, nënshkrimin e një traktati mbrojtjeje mes të dyja vendeve.

Është koha të bëjmë hapa të duhur në këtë drejtim

citohet ajo duke arsyetuar se një dokument i tillë duhet “që në mënyrë reciproke të reagohet në rast të cenimit të një prej këtyre dy vendeve”.

Zëdhënësi i Ministrisë kineze të Mbrojtjes, Wu Qian ka deklaruar se Kina do të vazhdojë me stërvitjet ushtarake në ngushticën e Tajvanit në mënyrë që të rrisë gatishmërinë luftarake ndaj çdo përpjekjeje për të shkëputur ishullin siç thotë ajo nga territori i vet. Në një deklaratë për mediat, Qian theksoi se Ushtria kineze do të shtypë separatistët tajvanezë me çdo mënyrë dhe do të bllokojë të gjitha fuqitë e huaja që të ndërhyjnë.

Herodoti i rrëfente me origjinë nga Anatolia, por mesa duket etruskët janë nga diku më larg Europës mesdhetare: nga stepa. Një popullsi me qytetërim të spikatur na gadishullin apenin, mësues të romakëve në shumëçka, etruskët kanë përndjekur deri diku me misterin e tyre historik shumë kërkues. Mes të cilave edhe gjuha e tyre e padeshifrueshme. Një gjuhë e shkruar sipas modelit grek eubeas me origjinë nga ishulli i Evias, por një gjuhë joindeuropiane. Gjuha e tyre vihet në relacion me gjuhët tirseniane(të Tirenit) që fliteshin në Alpe, por edhe gjuhën Lemniane, origjinuar në Detin Egje.

“Bloomberg” paralajmëron se gjasat që Eurozona të hyjë në reçension janë më të lartat që nga nëntori i vitit 2020.  Kjo lidhet me çmimet e energjisë duke provokuar nivele të larta të inflacionit.

Një metaforë banale. Kështu e quan kullën-Skënderbe në Tiranë, OIiver Wainwright që shkruan në gazetën “The Guardian”.

Një 48-vjeçar nga Tirana u arrestua për nxitje urrejtjeje pasi hoqi me forcë nga një vendrojë detare, një flamur turk, të cilin më pas e ka hedhur në mënyrë demonstrative në det. Ngjarja ndodhi në Gjirin e Lalëzit dhe u filmua me celular, për t’u postuar më pas në rrjetet sociale nga vetë autori. Sh.S. fillimisht u shpall në kërkim, për t’u kapur më pas në Tiranë pak kohë pas ngjarjes

Vepra e David Selenicasit përfaqëson një dritare të re të artit kishtar. Në një intervistë me MCN TV, Ahilino Palushi, i cili i ka kushtuar një libër piktorit të epokës postbizantine, analizon veprën e tij, e cila shënjoi atë që ai e quan rilindja paleologe.

Nëse SHBA do të ngrijë asetet e Rusisë, kundërveprimi do të jetë shkatërrimtar. Sipas agjencisë ruse të lajmeve “Tass”, një akt i tillë do të çonte në prishje tërësore të marrëdhënieve dypalëshe duke futur rendin ndërkombëtar në një krizë të thellë, atë të komunikimit.

Ne i paralajmërojmë amerikanët për pasojat shkatërrimtare të akteve të tilla të cilat do të dëmtojnë në mënyrë të përhershme marrëdhëniet dypalëshe, çka nuk është as në interesin tonë dhe as në të tyrin