Rusia nuk do të qëndrojë indiferente lidhur me anëtarësimin e Finlandës dhe Suedisë në NATO. Nënkryetari i Këshillit të Sigurimit Rus, Dmitry Medvedev, paralajmëroi se Rusia do të duhet t’i shtojë forcat e saj tokësore dhe të mbrojtjes ajrore dhe të vendosë forca të konsiderueshme detare në Gjirin e Finlandës në momentin që dy vendet e Europës veriore bëhen pjesë e aleancës së Atlantikut Verior.

Evropa nuk do të fluturojë më në Hënë së bashku me Rusinë. Pothuajse një muaj pas shpalljes së përfundimit të bashkëpunimit për misionin ExoMars drejtuar Marsit, Agjencia Evropiane e Hapësirës (ESA) ka vendosur t’i japë fund bashkëpunimit me homologun rus Roscosmos për misionet Luna-25, Luna-26 dhe Luna-27.

Përdoruesit rusë të Netflix do të hedhin në gjyq kompaninë për pezullimin e shërbimit, pas zhvillimeve të javëve të fundit në Ukrainë. Netflix ka 1 milion përdorues në Rusi. Në mars, ajo pezulloi shërbimet dhe ndaloi blerjen e çdo produksioni rus.

Kandidatja e të djathtës në zgjedhjet për president të Francës, Marie Le Pen ka deklaruar se nëse fiton do të tërheqë vendin nga NATO. Ajo ka shtuar se nuk ka ndërmend të largojë vendin nga BE-ja , por ta reformojë këtë të fundit.

Dua evolucionin e asaj strukture europiane

citohet ajo.  

Qasja e Suedisë ndaj pandemisë ka qenë ndryshe nga ajo e vendeve të tjera që në krye të herës. Një grup studiuesish belgë, suedezë dhe norvegjezë kanë dalë në përfundimin se Suedia dështoi në përballimin e pandemisë së Covid-19. Konkluzionet janë publikuar në revistën shkencore Humanities&Social Sciences Communications.

Suedia shmangu mbylljen për të limituar dëmin në ekonomi dhe duke i besuar përgjegjësisë së individit dhe për të shkuar në mënyrë natyrale te imuniteti i tufës.

Mark Galeotti është një nga ekspertët më të njohur të Rusisë. Një kritik i strategjisë së Rusisë dhe të SHBA-së në Ukrainë, ai është autor i librit “Ne duhet të flasim për Putinin: Si po gabon Perëndimi” (2019).

Profesor Galeotti, i cili është edhe drejtor i kompanisë së konsulencës “Mayak Intelligence”, shpjegon për Kathimerini misteret, rreziqet dhe vështirësitë e luftës në Ukrainë, e cila gjithnjë e më shumë por duket si një kurth që përfshin shumicën e fuqive të mëdha.

Vladimir Putin është i bindur se ai që e quan operacion special në Ukiainë do t’i arrijë objektivat e veta. Duke folur në një ceremoni çmimesh në kozmodromin “Vostochny” në lindje të vendit, Putin tha se Moska nuk kishte zgjidhje tjetër veçse të niste një operacion ushtarak për të mbrojtur Rusinë dhe se një përplasje me forcat anti-ruse të Ukrainës ishte e pashmangshme.

Putin tha se nuk ka dyshime se Rusia do t'i arrinte të gjitha objektivat e saj në Ukrainë - një konflikt që ai e konsideroi si të pashmangshëm dhe thelbësor për të mbrojtur Rusinë në afat të gjatë.

Për shkak të thatësirës që vijon prej 13 vitesh, Kili është detyruar të marrë një masë të paprecedent. Kryeqyteti Santiago, me një popullsi prej rreth 6 milionë banorë, do të racionojë ujin.

Ish-kreu i komandanti i NATO-s në Europë, James Stavridis, ka folur për situatën e fundit në Ukrainë, duke nënvizuar edhe opsionin e një marrëveshjeje eventuale për fundin e konfliktit. Sipas tij, marrëveshja do të urrehet nga të gjithë, nga Putin, Zelenskiy dhe NATO për arsye të ndryshme. Ai ka sjellë për analogji rastin e Finlandës në vitin 1940, kur Bashkimi Sovjetik sulmoi ushtarakisht por u përball me një mbrojtje të jashtëzakonshme që i kushtoi shumë.

Ministrja Federale për Çështjet Familjare, Qytetarët e moshuar, Gratë dhe Rininë në qeverinë gjermane u dorëhoq pasi mediat zbuluan se ajo shkoi me pushime të gjata menjëherë pas përmbytjeve shkatërruese të vitit të kaluar.

Anne Spiegel dha dorëheqjen, duke u bërë  e para që largohet nga qeveria e koalicionit të kancelarit Olaf Scholz.

Spiegel ka shërbyer më parë si ministre e Mjedisit dhe zëvendësguvernatore e Rheinland-Pfalz, rajoni gjerman më i goditur nga përmbytjet në korrik.

Në të gjithë vendin, më shumë se 180 mbetën viktimë e përmbytjeve vitin e kaluar.