Presidenti serb, Alexander Vuçiç, ka dhënë një intervistë për Tv Prva, përmes së cilës ka komentuar të gjitha zhvillimet kryesore politike që lidhen me vendin e tij, e për rrjedhojë me rajonin. Ai ka komentuar situatën e krijuar në Parlamentin e Serbisë, që është sipas tij shembull i faktit se demokracia funksionon në vend për faktin se askush nuk u ndëshkua. Nga ana tjetër, Vuçiç ka folur për një lloj serbofobie të manifestuar nga një figurë e njohur që jeton në Serbi të cilit nuk ia përmendi emrin.

Mero Baze shkruan shpesh në komentet e tij se “Edi Rama argëtohet me…”, duke e lidhur argëtimin e kryeministrit me gabimet dhe gafat e kundërshtarëve politikë.

Tani pyetja që të lind është: ku e di Mero Baze se Edi Rama argëtohet? Pasi emocionalisht do të duhet të mbajmë parasysh çdo sjellje, përfshirë zhvillimin spontan të sindromave të ndryshme. Politikisht nuk kemi parë argëtim. Dritan Hila shkon më tej. Në një opinion të publikuar te gazeta “Tema" ai flet për mbretërimin e Edi Ramës. Pa thonjëza, në manifestim ekstaze të dëshirores.

Presidentja moldave Maia Sandu ka caktuar Dorin Recean, një akademik dhe politikan, ish-ministër i Brendshëm, në detyrën e kryeministrit të ri të vendit.

Vendimi erdhi pas dorëheqjes së kryeministres Natalia Gavrilita që deklaroi se kirzat e shumëfishta të provokuara nga agresioni rus në Ukrainë kishin sjellë një dështim. Qeveria moldave është përballur me krizë energjetike, inflacion dhe paaftësi për të penguar dhunimin e hapësirës së saj ajrore.

Qeveria shqiptare ka gjetur kohën të merret sërish me arnimin e vendimeve për subjektet që kanë të drejtë të pajisen me pasaportë diplomatike apo shërbimi.

Është krijuar në Tiranë Banka Private e Gjakut Blu, metaforë për origjinën e pretenduar fisnike të njerëzve apo familjeve të caktuara. Drejtor i Bordit Drejtues raportohet se është zgjedhur Auron Tare, një njohës i mirë i fisnikërisë së vonët shqiptare dhe sipas të dhënave për redaksinë e “Të Kripura” banka do të bashkëpunojë me projektin “Rrënjët” të Gjergj Bojaxhi që ka krijuar tanimë një bazë të dhënash të shqiptarëve që kanë bërë analizën e ADN-së.

Autoritetet belge kanë arrestuar eurodeputetin Marc Tarabella i përfshirë në skandalin "Qatargate". Arresti vjen pas përjashtimit të tij nga Partia Socialiste dhe pas heqjes së imunitetit të enjten bashkë me eurodeputetin Andrea Cozzolino.

Zëdhënësja e PE-së, Delphine Colard nuk pranoi të komentonte arrestin që lidhet me akuzën për shkeljen e ligjit belg për korrupsion, pjesëmarrje në organizatë kriminale dhe pastrim parash.

Me urdhër të sekretarit të Përgjithshëm të Kryeministrisë, Ministria e Arsimit ka nisur të shqyrtojë idenë e përfshirjes në lëndën “Qytetaria” të shoët “Big Brother” dhe personazheve kryesore në të.

Sipas informacioneve që ka redaksia “Të Kripura” metoda e ndjekur do të përfshirë shikueshmërinë, sondazhe me shkollat si dhe komentet në rrjetet sociale. Është vlerësuar se shoë në fjalë përfaqëson një dukuri reale në jetën publike të shoqërisë, një përshkallëzim të matshëm të ndikimit të formatit televiziv në formësimin e shijeve estetike dhe një etike të re në komunikim.

Raportohet se po punonin për të njëjtën temë. 

Edi Rama is at Kryeministria.

Kështu njoftohet në krye të një postimi të kryeministrit në Facebook. Kryeministria në këtë rast të çon te një faqe satirike dhe nuk dihet nëse kjo është gabim, apo e qëllimshme. Në fotoalbumin e shpërndarë me këtë rast shihen një grup fëmijësh që kanë vizituar selinë e qeverisë, por pa sqaruar se kush janë, nga vijnë e për çfarë.