Sa i takon aspektit të sigurisë, aspektit të Ministrisë së Punëve të Brendshme, janë zgjedhje të suksesshme. Nuk pati asnjë incident apo problem të vogël. Aspekti politik, është gjë shumë e keqe që shtetasit tanë të nacionalitetit serb, për shkak të presioneve të jashtëzakonshme të Beogradit e strukturave kriminale të tij, nuk kanë marrë pjesë. Pjesa më e madhe e tyre nuk kanë marrë pjesë. Megjithatë, nëse shohim aspektin ligjor, zgjedhjet janë të suksesshme dhe rezultat i këtyre zgjedhjeve do të jenë institucione e zyrtarë që do t’i shërbejnë qytetarëve të Kosovës

Skënder MInxhozi ka këshilluar sot në distancë kolegët e vet në media që të mësojnë ta shohin si duhet rrezikun “Berisha”. Nisur nga një lapsus i Berishës për emrin e një kandidati – a thua kanë rëndësi kandidatët në këto kohë – Minxhozi vë në dukje se ironizimi i Berishës në këtë rast është gabim, pasi ish-kryeministri nuk është problem si një politikan sklerotik. Përkundrazi, MInxhozi na kujton se Berisha ka shumë energji dhe se ai përfaqëson një rrezik pasi nuk ka ndryshuar asgjë nga stili i vet.

Duket se Bashkimi Europian po i nënshtrohet kërkesë amerikane për militarizuar gjuhën me Kinën, por edhe për të bllokuar mendime si ato të presidentit francez, Emmanuel Macron.

Presidenti serb Alexander Vuçiç po merr pëherë e më tepër rolin e një luftëtari për pavarësinë e vërtetë serbe, duke u ndeshur verbalisht me Perëndimin që sipas tij e ka vënë Serbinë në një pozitë të vështirë llogardhënieje. Thuajse çdo javë, z. Vuçiç u pësërit serbëve se e gjitha kjo po ndodh për shkak të politikës së pavarur të Serbisë, të cilën ai e mbron me çdo kusht, ndërkohë që ministri i Jashtëm, Ivica Daçiç përsërit parreshtur këngën se integrimi europian nuk ka alternativë për Beogradin.

Ambasadori kinez në Francë Lu Shaye ka provokuar reagime dhe në gjithë kuptimin e fjalës një incident diplomatik me disa vende, teksa gjatë një interviste me rrjetin televiziv francez, LCI, ka hedhur pikëpyetje mbi statusin efektiv në raport me ligjin ndërkombëtar të ish-vendeve të Bashkimit Sovjetik.

I pyetur nëse Krimea i përket Ukrainës, Shaye u shpreh se kjo varet sesi e percepton problemin, duke shtuar se gadishulli ka qenë historikisht pjesë e Rusisë.

Pavarësisht presionit të sanksioneve të Perëndimit, miliarderët rusë vijojnë të shtohen në numër.  

Lista Forbes për Rusinë në 2023 rendit plot 110 emra, krahasuar me 88 që ishin një vit më parë. Biznesmenët që arritën të kalonin pragun për t'u bërë miliarderë ia dolën falë rimëkëmbjes së tregut të aksioneve në vendit. Këto të fundit ranë në mënyrë drastike menjëherë pas fillimit të operacionit ushtarak të Rusisë në Ukrainë, por më vonë u rimëkëmbën pasi ekonomia ruse nisi të përshtatej me sanksionet perëndimore.

Njeriu po e shfrytëzon përtej kapacitetit peshkun e egër (në total 2.2 milionë ton peshk i kapur përtej ritmeve të ripërtërirjes dhe 2270 lloje që kërcënohen nga zhdukja). 170 vende tashmë nuk janë në gjendje të plotësojnë kërkesën për peshk që, në vitet e ardhshme, pritet të rritet me 30%. Përveç kësaj, peshqit e deteve dhe oqeaneve janë në rrezik të lartë për kontaminim nga mikro dhe nanoplastika, si edhe nga metalet e rënda.

Qipro synon t’u rikthehet bisedimeve me Turqinë, pas zgjedhjeve që kjo e fundit do të mbajë në maj.

Presidenti i Qipros po kërkon që BE të luajë një rol më aktiv në këtë proces.

Nikos Christodoulides u zgjodh president në shkurt me premtimin për të zgjidhur ngërçin në bisedimet mbi ishullin e ndarë etnikisht, por jashtë kontrollit të tij mbetet ende një element kyç.

Gati 300 monedha argjendi rreth 1000-vjeçare janë zbuluar pranë një kështjelle vikinge në veriperëndim të Danimarkës.

Monedhat u zbuluan rastësisht nga një vajzë që po kërkonte metale në një fushë misri, vjeshtën e kaluar.

“Një gjetje si kjo është shumë e rrallë”, tha, Lars Christian Norbach, drejtori i Muzeut të Jutlandës së Veriut, ku do të ekspozohen artefaktet.

Hungaria do të heqë veton ndaj traktatit të ri të BE-së me komunitetin e Afrikës, Karaibeve dhe Paqësorit (ACP), pasi mori garanci nga Komisioni Evropian se traktati nuk do të marrë asnjë kompetencë për kontrollin e migracionit dhe të drejtat seksuale nga qeveritë kombëtare.