Qyteti i Nju Jorkut do t’u paguajë 13 milionë dollarë qindra protestuesve të arrestuar gjatë demonstratave të George Floyd të vitit 2020. Avokatët e protestuesve e cilësuar këtë si marrëveshja me e madhe e kësaj natyre në Shtetet e Bashkuara.

Protestat në fjalë nisën pas vdekjes së Floyd, më 25 maj 2020. Amerikani me ngjyrë u vra në Minneapolis nga një oficer policie, i cili i vuri gjurin në qafë për nëntë minuta.

Email i ambasadorit amerikan në Kinë, Nicholas Burns, dhe zyrtarëve të tjerë të ambasadës janë hakeruar. Microsoft bën fajtor Pekinin, ndërsa pre e këtij hakerimi kanë rënë edhe zv.sekretari i Shtetit për Euroazinë, Daniel Kritenbrink dhe sekretarja e Tregtisë, Gina Raimondo.

Sipas Wall Street Journal, edhe pse nuk ka të dhëna të sakta sa emaile kanë rënë pre e sulmit, autorët kanë marrë akses në mijëra dokumente të paklasifikuara.

Propozimi i fundit europian për krijimin e një fondi rezervë financimi për Ukrainën është bllokuar nga Hungaria. Mediat raportuan se ideja është që të disbursohen 5 miliardë euro në vit për një periudhë katër vjeçare, në mënyrë që Ukraina të ketë sponsorizim për rezervat ushtarake në kuotën e 20 miliardë eurove.

Kreu i shërbimit të zbulimit amerikan, Ëilliam Burns, ka deklaruar se në mjediset e pushtetit në Rusi, ka lëvizje dhe pakënaqësi që po vënë në dyshim gjykimin e presidentit Vladimir Putin. Në një fjalë të mbajtur në Forumin e Sigurisë në Aspen, Burns, ka vënë në dukje se CIA po përpiqet që të kapë krisjet në sistemin e kontrollit të Putin, sidomos pas rebelimit të Prigozhin.

Ajo çfarë ka dalë në sipërfaqe janë disa pyetje më të thella rreth gjykimit të Putin, shkëputjes relative të tij prej ngjarjeve dhe madje edhe për pavendosmërinë e tij

Rezerva Federale e SHBA ka gjobitur Deutsche Bank të Gjermanisë dhe filialet e saj në SHBA me 186 milionë dollarë për dështimin në adresimin e duhur të problemeve të kontrollit të pastrimit të parave, të evidentuara më parë nga rregullatori amerikan.

Kjo nuk është gjoba e parë e FED për Deutsche Bank. Në 2015 dhe 2017, banka gjermane është gjobitur për të njëjtat arsye, që rrjedhin nga kontrollet e pamjaftueshme në marrëdhëniet e Deutsche me degën estoneze të Danske Bank.

Mes Yevgeny Prigozhinit dhe presidentit Putin ka pasur një marrëveshje, e cila i dha fund rebelimit të grupit Wagner, pak orë para se të hynte në Moskë. Pak ditë pas kryengritjes së lënë përgjysmë të 24 qershorit, presidenti rus e priti në Kremlin shefin e grupit ushtarak privat që sfidoi pushtetin e tij.  

Ky version i ngjarjeve është konfirmuar nga shefi i MI6, agjencia britanike e inteligjencës.

Në një fjalim të mbajtur në Pragë, ai tha se dinamika e 24 qershorit është e vështirë të interpretohet.

Pekini zyrtar ka dërguar mesazhe publike për nevojën e uljes së tensioneve me ShBA duke shfrytëzuar një takim të ish-këshilltarit për Sigurinë Kombëtare, Henry Kissinger me presidentin Xi Jinping. 

Nuk ka shembull të dytë në historinë e pluralizmit të paktën, që të krahasohet me shëmtinë e Parlamentit të tanishëm.

Niveli i atyre që flasin, shqipja që përdorin, kodet e ndërsjellëta të shantazhit: unë e di që ti e di, po lëre tani këtë muhabet, ajo çfarë përfaqësojnë, si e përfaqësojnë, roli që i kanë atribuuar vetes, asimetria e plotë funksionale; opozitë e shtirur dhe qeveri që nuk po qeveris dot, të gjitha bashkë në një harmoni origjinale që ka si lëndë të parë interesin ekonomik të përbashkët.

Presidenti i një prej universiteteve më prestigjioze në botë jep dorëheqjen pasi një grup kolegësh gjetën pasaktësi në studimet e udhëhequra prej tij disa dekada më parë.

Në mënyrë të veçantë, një studim i vitit 2009 për Alzheimerin, i udhëhequr nga dr. Tessier-Lavigne gjatë kohës kur ishte ekzekutiv i lartë në kompaninë e bioteknologjisë Genetech rezultoi se kishte "probleme të shumta" dhe "është nën standardet e zakonshme” të një punimi shkencor.

Scan Tv publikonte sot një evidencë të vetën, bazuar mbi të dhënat e INSTAT, sipas të cilës tregtia e vendit tonë me rajonin ka njohur rënie. Të frikshme madje siç shkruan televizioni në fjalë. Konkretisht: