Blloku Në Vëmendje

Fermerët pas të dhënave të publikuara nga Autoriteti i Konkurrencës konfirmojnë se janë tregtarët që rrisin çmimet e produkteve të tyre deri në 100%.

Në tregun e shumicës në Lushnjë, MCN vëzhgoi nga afër çmimet e produkteve vendase ku dukshëm vihet re një rënie e shitjes.

Prodhuesit akuzojnë tregtarët se kërkojnë t’ua blejnë produktet sa më lirë.

Vetë kreu i Autoritetit të Konkurrencës, Denar Biba tha për MCN se nga rezultatet e deritanishme të hetimit, del në pah se hallka më problematike e zinxhirit janë grumbulluesit.

Një element përbërës i ushqimeve dhe pijeve dietike ka rezultuar vrasës për mikroorganizmat.

Sukraloza është një ëmbëlsues artificial, i cili nuk shpërbëhet nga trupi i njeriut dhe përfundon në fund të rrjetës ushqimore.

Duke qenë një molekulë që nuk degradohet lehtë, ajo është e pakapërcyeshme edhe për mikroorganizmat.

Një ekip studiuesish nga Universiteti i Floridës zbuloi se prania e tij si në ujërat e ëmbla edhe në ato të kripura ka ndikim në komunitetet mikrobike.

Numri dy i Partisë së Lirisë, Tedi Blushi, ka deklaruar sot se situata e ndodhur në Këshillin Bashkiak të Tiranës ishte e stisur. Ai shpërndan edhe një fotografi të Veliajt, paraqitur në mbledhje me një xhup, ku hamendësohet se kryebashkiaku ka qenë me jelek antiplumb. Akuza është e rëndë dhe duket se qarkullohet për të detyruar nisjen e hetimit dhe tonifikimin e protestës së radhës. Megjithatë fotoja e publikuar meriton vëmendje! 

BIRN raporton për një sjellje që njollos Komisionin e Pavarur të Kualifikimit. Financues i një aktiviteti të këtij institucioni, realizuar - dhe kjo është kurioze - në "Marina Bay" në Vlorë në vitin 2021, është një kompani sigurimesh në pronësi të Shefqet Kastratit. Lajmi nuk është thjesht ky: lajmi është se KPK e ka fshehur emrin e sponsorizuesit duke u përballur me agjencinë e lajmeve deri në Gjykatën e Lartë. 

Emrat e më shumë se 200 loje bimësh do të ndryshojnë pas një vendimi të marrë nga një grup i madh studiuesish në vigjilje të Kongresit Botanik Ndërkombëtar.

Të gjithë emrat e bimëve, kërpudhave dhe algave që përmbajnë fjalën caffra, e cila e ka origjinën në fyerjet e bëra kundër zezakëve, do të zëvendësohen me fjalën affra, për të treguar origjinën e tyre afrikane.

Mes emrave që ndryshojnë është ai i një peme të bregdetit koralor, e cila nga viti 2026 do të njihet si Erythrina affra, në vend të Erythrina caffra.

Drejtuesi i firmës ligjore ADCA dyshohet se i ka dhënë fund jetës duke u hedhur nga lartësia. 45-vjeçari Olsi Ibro  ishte në kërkim për skandalin e mashtrimit me mikrokreditë. Policia njoftoi se ngjarja ka ndodhur sot në një pallat në ndërtim e sipër në rrugën “Ramazan Shijaku”.

Drejtoresha e Shërbimit Farmaceutik në QSUNT, Mirela Rexhepi ka hedhur poshtë akuzat e deputeteve të opozitës, Zhani Gjergji dhe Albana Vokshi duke deklaruar se “nuk ekziston asnjë lloj mundësie që të fshihet apo ndryshohet data e skadencës për barnat pasi çdo veprim kryhet online”. Kështu raportohet sot të jetë mbrojtur kjo zyrtare duke vijuar me alibinë e kontrollit n

Disa pjesë të Evropës janë nën një valë të nxehti që ka nisur me fillimin e muajit dhe parashikohet të zgjasë edhe për dy javë të tjera. Valët historike të të nxehtit me temperatura që kalojnë pragun e 40 °C në ditë janë më intensivet në të gjithë gadishullin Ballkanik dhe Evropën Lindore. Detet e rajonit të Mesdheut po nxehen gjithashtu, duke arritur në 30 °C në disa zona.

Në ujin e pijshëm që konsumohet në Europë është gjetur një substancë e dëmshmë që zakonisht përdoruret në pesticide dhe në proceset e ftohjes.

Gjetja pason një studim të publikuar në maj nga Rrjeti Evropian i Veprimit të Pesticideve (PAN Europe), i cili konstatoi nivele "alarmante" të kimikateve PFAS në lumenjtë, liqenet dhe ujërat nëntokësore të Evropës.

Marenglen Kasmi, historian dhe pjesë e Akademisë së Shkencave shkruan në gazetën “Dita” për punimin voluminoz “Historia e Shqiptarëve gjatë shekullit XX” që ka 10-12 vjet që ka nisur.

Zoti Kasmi vë në dukje se vëllimi IV i punimit që prek Luftën II Botërore nuk përmend gjëkundi termin “Luftë Antifashiste Nacionalçlirimtare” sepse dy autorët përgjegjës, Muharrem Dezhgiu dhe Beqir Meta e kualifikojnë atë vetëm si Luftë Civile.