Blloku Në Vëmendje

Ka një debat të madh, shoqëruar me rritjen e mosbesimit, për ndikimin e vaksinave. Legjenda e përhapur në vitin 1998 nga një revistë britanike, mbi pasojat e vaksinave kanë kontribuuar në këtë drejtim dhe problemi ka mbërritur edhe në Shqipëri. Në një diskutim në emisionin “Mikroskop” në “TemaTv”, Erida Nelaj, Menaxhere e Programit Kombëtar të Vaksinimit dhe Dr.Aurel Vula, Mjek Pediatër në QSUT, kanë shpjeguar sesi qëndron e vërteta shkencore sot për këtë çështje dhe se cilat janë pasojat e mosvaksinimit. Më poshtë video:

“Birn” raporton në një shkrim të sotshëm(http://www.reporter.al/testi-i-ri-per-klasat-e-pesta-i-gjen-shkollat-te-...) për një udhëzim të ministres së Arsimit, Lindita Nikolla, i datës 11 prill, i cili urdhëron zhvillimin e një testimi për “arritjet e nxënesve të klasave të 5-ta”. Testimi do të zhvillohet më 23 maj 2016 dhe krahas udhëzimit ministrja “ka nënshkruar miratimin e rregullores “Për organizimin dhe zhvillimin e vlerësimit të arritjeve të nxënësve të klasës së pestë të arsimit fillor 2016””.

Gjykata e Krimeve të Rënda ka shtyrë për të mërkurën dhënien e masës së sigurisë për Emiljano Shullazin, Blerim Shullazin dhe Gilmando Danin. Për këta persona “Prokuroria e Krimeve të Rënda ka Sipas Prokurorisë, ka ngriturr akuzat e “shkatërrimit të pronës me eksploziv”, ndaj shtetasit Jani Zaka (Arjan Zika), me qëllim kanosjen e tij për fitimin e pasurisë në mënyrë të padrejtë. Prokuroria përmend edhe një rast tjetër të referuar nga Shërbimi Informativ në Prokurorinë e Durrësit për përfshirjen e Emiljano Shullazit në pronësinë e ish-hotel “Vollgës”.

Një emigrant i kthyer nga Italia ka denoncuar në emisionin investigativ “Fiks Fare” drejtuesit e Bashkisë së Himarës për dhënien e një leje ndërtimi provizore në plazh, në këmbim të rryshfetit. Emigranti rrëfeu për emisioin sesi në Bashkinë e Himarës, përveç dokumentacionit i kërkuan të dorëzonte edhe dy zarfe me parà. Ai ka regjistruar bisedën me inxhinierin e bashkisë, Sokray Kreku, i cili luante dhe rolin e sekserit.

Islami e ka përkufizuar në mënyrë thelbësore Europën. Dhe Islami po e ripërkufzon atë sërish.Për shekuj me radhë, në antikitetin e hershëm dhe të mesëm, Europë do të thoshte bota që qarkonte Mesdheun, apo “Mare Nostrum”(Deti Ynë), emri me të cilin e bënë të famshëm romakët. Përfshinte edhe Afrikën e Veriut. Në të vërtetë, në fillim të shekullit V e.s, kur Shën Augustini jetone në atë që është sot Algjeria, Afrika e Veriut ishte qendër e Kristianizmit shumë më tepër sesa Italia apo Greqia.

Burimi: Lapsi.al

Ka nisur një replikë në distancë mes dy palëve politike për çështjen “Shullazi”. Pas arrestimit të personit në fjalë, kryetari i PD-së, Lulzim Basha ka deklaruar se ky akt u krye në kushtet e një presioni nga SHBA. Akuzat e ngritura ndaj Shullazit ishin për gjobvënie dhe kanosje dhe në fakt nuk kishin të bënin me kërcënimin e kandidatit për rektor të Universitetit të Tiranës, Mynyr Koni, çka provon se ndaj shtetasit në fjalë ka patur ankesa në vijimësi.

Rasti i kërcënimit me jetë të kandidatit për rektor në universitetin e Tiranës, Mynyr Koni, ka hapur debate të mëdha, për cilësinë e zgjedhjeve, lirinë në to dhe sidomos për llojin e akademikëve që i japin tituj njëri-tjetrit, por nuk mungojnë të përdorin instrumente të errëta për të marrë një karrige. Kandidati për rektor në Universitetin Mjekësor të Tiranës, Petrit Bara, thotë në një intervistë për “Ora-News” se ky nuk është rasti i vetëm, ndonëse në rastin e tij, bëhet fjalë për kërcënime nga politika.

Sot ish –kryeministri Sali Berisha denoncoi publikisht se shtetasi Emiljano Shullazi kishte kërcënuar kandidatin për rektor të Univeristetit të Tiranës, Mynyr Koni, i cili ka deklaruar më pas se është i vendosur të vazhdojë garën.
Ndërkohë në mbrëmje disa media raportojnë se Emiljano Shullazi është shoqëruar në polici për t’u marrë në pyetje. Ky i fundit do të merret në pyetje për ngjarjen e pretenduar dhe denoncuar nga Berisha, që nëse vërtetohet është shumë e rëndë.