Blloku Në Vëmendje

Faqja në Facebook ‘Çmendina Dublim’ duket se është viktima e radhës sa i përket censurimit të materialeve që shpërndan. Grupi i njohur për ironinë dhe sarkazmën në video dhe fotomontazhe ka rënë sot pre e fshirjes së një fotografie nën preteksin se ka dhunuar të drejtat e pronës intelektuale të dikujt tjetër.

Publikisht kjo qeveri nuk ka marrë asnjëherë përgjegjësinë për ngjarje që implikojnë struktura shteterore duke u munduar të qetësojë ndërgjegjien e saj por edhe të publikut me fraza të tipit "këto ndodhin kudo-është thjesht media që i zmadhon".

Qeveria shqiptare ka ndër mend të marrë përsipër një detyrim tjetër kontraktual me vlerë prej minimalisht 3 milionë euro dhe ka premtuar t’ia japë këto para kompanisë SICPA, e cila sakaq ka arkëtuar gati 26 milionë euro nga shitja e pullave të akcizës së cigareve e alkoolit, pavarësisht se rritja e premtuar e të ardhurave në buxhetin e shtetit gjatë kohës së zbatimit të këtij koncesioni ka rezultuar zhgënjyese.

Erjon Veliaj, kryetar i Bashkisë Tiranë ka qenë sot i ftuar në emisionin “Top-Story” ku ka folur për vdekjen e Ardit Gjoklajt në Landfillin e Sharrës. Ja çfarë thotë Veliaj:

“Mund të ndodhte kudo...Ajo që ka ndodhur është e dhimbshme...Kompania që u paraqit, nëse provohet, nëse është e vërtetë, që e kanë shkelur Kodin e Punës le të përgjigjen para drejtësisë. Ky shtet ka inspektorë për çdo gjë, ka Inspektoriat të punës, inspektorët e rregullave të punës të vepronin” u shpreh Veliaj.

Tri deputete gra të parlamentit shqiptar kanë propozuar amendime shtesë në ligjin e dekriminalizmit, që zyrtarisht njihet si ligji për “Për garantimin e integritetit të personave që zgjidhen, emërohen ose ushtrojnë funksione publike”.

Deputetet Majlinda Bregu, Albana Vokshi dhe Mesila Doda propozojnë që ky ligj t’i shtrijë efektet edhe mbi mësuesit, edukatorët, psikologët e punonjësit socialë në institucionet arsimore apo të kujdesit shoqëror.

Drejtori i Burimeve Njerëzore në burgun e Drenovës, në regjistrat e gjimnazit “Petro Nini Luarasi” figuron me dy emra, Origest Nevruz Lifo dhe Orges Nevruz Lifo. Gjeneralitetet i ka të njëjta. Sipas një investigimi të Fiks Fare. Ai ka mbaruar gjimnazin në vitin 2000 dhe në vitin 2006 nga një kontroll gjendet se ky ish-nxënës figuron me dy numra amze përkatësisht Nr. 2242 dhe Nr. 2274. 

Aleanca Kundër Importit të Plehrave e komentoi si fitore të qytetarëve kthimin mbrapsht nga Presidenti të Ligjit për Menaxhimin e Intergruar të Mbetjeve. Në një reagim pas mosdekretimit të ligjit nga kreu shtetit aktivistët e AKIP thonë se kjo është një mundësi për deputetët që  të tërheqin ligjin dhe të shmangin  një përplasje të vazhdueshme me vullnetin e qytetarëve.

Në datën 7 tetor, drejtori i Policisë së Shtetit, Haki Çako, doli në një konferencë për shtyp në krah të një oficeri të Guardia të Finanza, për të raportuar mbi luftën ndaj kultivimit dhe trafikimit të kanabisit në Shqipëri. Që nga ajo ditë, kjo konferencë dhe të dhënat e Çakos, u njohën në media si “Raporti i Guardia di Finanza” që sipas deklarimit zyrtar përcillte këtë realitet: