Blloku Në Vëmendje

Kuvendi i Kosoves dështoi edhe këtë të premte per te votuar marreveshjen e Demarkacionit per percaktimin e kufijve me Malin e Zi. Ndonëse u trumbetua me të madhe firmosja e marrëveshjes nga presidenti Thaçi e kryeministri Markoviç qeveria e Kosovës duket se nuk i ka ende 2/3 e votave per ta votuar kete marreveshje, per shkak se Vetevendosja dhe Lista Serbe kane deklaruar voten e tyre kunder. Me dështimin e radhës Kosova po ekspozohet keq edhe ndaj faktorit ndërkombëtar që sheh të njëjtën shfaqje.

Çështja e marrëveshjes detare mes Shqipërisë e Greqisë po kthehet në një telenovelë që duket se po shqetëson në veçanti protagonistët e marrëveshjes së viti 2009. Pas ish-ministrit të Shtetit, Stefanos Manos, edhe ish-ministrja e Jashtme, Dora Bakojanis që firmosi me Lulzim Bashën në vitin 2009 Tiranë Paktin Detar ka hedhur dyshime mbi negociatat që janë kryer nga Bushati e Kotzias.

Nuk është vetëm opozita shqiptare që nuk dëshiron një marrëveshje të re detare me Greqinë. Prova më e fortë ishte dalja e Ilir Metës në konferencë për shtyp dhe publikimi i korrespondencës me Ministrinë e Jashtme, duke mos harruar këtu edhe kundërshtinë e Sali Berishës e Lulzim Bashës ndaj një marrëveshje të re që mesa duket është më e favorshme se ajo e vitit 2009. 

Nëse hapja e negociatave nuk ndodh në Qershor, atëherë kjo çështje mund të shtyhet për në fund të vitit. Kështu deklaroi kryeministri Rama në intevistën e dhënë për Mustafa Nanon në Abc News.

“Unë kam shumë besim se nëse nuk ndodh ndonjë gjë, po themi që sot, ne nuk e dimë, diçka e paparashikueshme, negociatat do të hapen. Çështja është nëse ne do të arrijmë t’i bindim vendet anëtare dhe nëse vendet anëtare do të kenë disponimin e plotë për t’i hapur negociatat në Qershor apo nëse kjo mund të shtyhet për në fund të vitit”- u shpreh kryeministri, Edi Rama.

Një shqiptar ka gati dyfish shanse të vdesë prej sëmundjeve kardiovaskulare se mesatarja e botërore e vdekjeve. Sipas të dhënave më të fundit të Our ëorld in Data, për çdo 100 vdekje në Shqipëri, 58 shkaktohen nga sëmundjet kardiovaskulare, 19 prej tumoreve, 4 prej diabetit, 3 prej sëmundjeve mendore, 1 prej infeksioneve në rrugët e frymëmarrjes, 1 prej aksidenteve rrugore, dhe 10 prej shkaqeve të tjera.

Debati I fundit që po zhvillohet për godinën e Teatrit Kombëtar ka nxjerrë në sipërfaqe edhe faktin se Zona Historike qytetit të Tiranës ka ndryshuar(Me këtë kuptohet hapësira ku nuk lejohen ndërtime të reja). Kjo është vënë në dukje disa herë nga përfaqësues të artistëve të teatrit, për të nënvizuar bazën ligjore mbi të cilën qeveria dhe Bashkia e Tiranës i kanë mundësuar vetes ndërhyrjen ndërtimore në këtë zonë. Theksojmë se nuk bëhet fjalë për ndërhyrje restauruese, por për një ndërtim të ri, çka kërkon patjetër rregullime ligjore apo juridike.

Një ditë para 10-vjetorit të Pavarësisë së Kosovës, presidenti i Kosovës, Hashim Thaçi, ka bërë të ditur se është arritur marrëveshja e demarkacionit me Malin e Zi. Ajo është nënshkruar nga kryeministri i Kosovës, Ramush Haradinaj dhe homologu i tij malazëz Dushko Markoviç. Thaçi bëri të ditur se pikat e nënshkruara, pjesë e marrëveshjes me Malin e Zi, pritet të ratifikohen në parlamentin e Kosovës.

Zhurma e krijuar me fillimin e gërmimeve në Dragot të Tepëlenës se eshtrat e para të gjetura u përkisnin ushtarëve italianë është hedhur poshtë nga  koloneli Ciro Cantore, i cili nga viti 1992 deri më 1995 drejtoi një mision në Shqipëri për llogari të ministrisë italiane të Mbrojtjes në kërkim të eshtrave të ushtarakëve të fundit italianë të vdekur gjatë Luftës së Dytë Botërore dhe ende të pagjetur. 

Ish-kryeprokurori i Përgjithshëm, Adratik Llalla dhe familja e tij janë shpallur “non grata” nga Departamenti i Shtetit për shkak të përfshirjes së ish zyrtarit shqiptar në raste të mëdha korrupsioni. Vendimi u mor nga Sekretari i Shtetit Rex Tillerson dhe u bë publik të mërkurën. Përveç zotit Llalla, Sekretari Tillerson ka miratur ndalimin e hyrjes në Amerikë edhe të bashkëshortes së tij Ardjana Llalla, të vajzës Eni Llalla dhe një fëmije tjetër të tij, që nuk ka shtetësinë amerikane.

Ministrat e jashtëm të Greqisë dhe Maqedonisë, Nikos Kotzias dhe Nikolla Dimitrov ranë dakord  të vazhdojnë përpjekjet e tyre për të gjetur një zgjidhje të pranueshme për çështjen e emrit të Maqedonisë. Orët e gjata të diskutimit që patën së bashku në selinë e tretë të OKB-së në Vjenë me të Dërguarin Personal të Sekretarit të Përgjithshëm të Organizatës Ndërkombëtare, Mattheë Nimetz u konsideruan si pozitive.