Blloku Bota

Turqia ka ndërmarë së fudmi një nismë me karakter ekononomik që mund të ketë rrjedhoja jo të vogla: tregtëti me katër vendet kryesore aziatike në monedhën lokale. Më datën 3 dhjetor, presidenti turk, Reccep Tayyip Erdogan, zbuloi këtë ide në Ankara:

“Sugjerova si më poshtë: Le ta bëjmë tregëtinë në monedhë locale. Çfarëdo lloj gjëje që blej prej jush do ta paguaj në rubla ruse dhe çfarëdo lloj gjëje që do blini prej meje do ta paguani në lira turke”, citon “Hurriet” presidentin turk, i cili këtë ofertë ua ka bërë edhe Iranit dhe Kinës. 

Turqia ka lëshuar sot satelitin e dytë në hapësirë. GÖKTÜRK-1 u lëshua nga Guajana franceze dhe konsiston në një mjet prej 1 070 kg pa karburant, i pajisur me një kamera me rezolucion të lartë e aftë të kryejë 60 mijë fotografi në vit. GÖKTÜRK-1 është sateliti i dytë i prodhuar nga kompani turke që lëshohet në hapësirë pas GÖKTÜRK-2 që u lëshua në vitin 2012.

Kreu i partisë së ekstremit të djathtë në Hollandë, Geert Wilders, i cili ka qëndrime të qartë antimyslimane, ëshhtë hetuar nga shërbimet sekrete të vendit, për lidhje me Izraelin.

Lajmi bëhet i ditur nga e përditshmja hollandeze, “De Volkskrant”, e cila sqaron se hetimi është bërë në vitet 2009-2010. Shërbimet sekrete kanë hetuar “lidhjet e tij me Izraelin dhe mundësinë e ndikimit të tyre në besnikërinë ndaj vendit”, citon gazetën në fjalën, e përfitshmja izraelite “Haaretz”.

Një emigrant afgan ka pranuar se është autori i vrasjes së një studente mjekësie, e cila punonte si vullnetare në një kamp refugjatësh në Gjermani. Maria Ladenburger, ishte vajza e një zyrtari të lartë të Bashkimit Evropian.
Ajo po kthehej me biçikletë nga një festë që ishte organizuar në qytetin universitar të Freiburg kur u sulmua në rrugë. Autori e përdhunoi, e vrau dhe më pas trupin e pajetë të vajzës e hodhi në ujërat e lumit Dreisam.

Analistët kanë frikë se "Jo-ja" e referendumit do ta çojë Italinë në një paqëndrueshmëri politike me pasojë falimentimin e disa bankave dhe efektin domino në Spanjë, Gjermani dhe Francë, duke paralizuar praktikisht tërë sistemin bankar evropian.

Shumë prej bankave italiane janë rrënuar nga kreditë e këqija dhe kanë nevojë emergjente për rikapitalizim. Bashkimi Evropian kërkoi para disa muajsh nga kryeministri Renzi të ndiqte pak a shumë të njëjtën rrugë që ndoqi Greqia, metodën e "qethjes" së depozitave në bankat italiane.

Matteo Renzi ka njoftuar dorëheqjen nga detyra e kryeministrit të Italisë. Siç kishte bërë të ditur për mediat, ai doli në një konferencë për shtyp dhe në dritën e rezultatit të referendumit për reformën kushtetuese, deklaroi largimin.

“Populli italian ka folur në mënyrë të qartë”, tha Renzi duke shtuar se reforma synonte ndryshimin e elitave në një vend ku siç u shpreh ai “politikanët janë përherë të njëjtët njerëz”.

“Nuk ia dolëm kështu që karrigia që bie është ajo e imja. Përvoja ime me qeverisjen përfundon këtu”, tha Renzi ndër të tjera.

Në referendumin e inicuar nga kryeministri italian, Matteo Renzi, vetëm 41% votuan pro propozimit të tij për ta ndryshuar sistemin elektoral, në mënyrë të tillë që partia që merr më shumë vota të ketë mundësinë të qeverisë e vetme ose në koalicion me ndonjë parti të vogël. Kundër këtij propozimi bënë fushatë parti të djathta, të ekstremit të majtë, të ekstremit të djathtë dhe anarkistët e 5 yjeve.

Votuesit italianë duket se i kanë thënë “jo” ndryshimeve kushtetuese të propozuara nga e majta në fuqi. Të dhënat e deritanishme flasin për një kundërshtim të qartë të reformës së propozuar, duke paralajmëruar largimin e Matteo Renzit nga detyra e kryeminstrit. Rezultati merr më shumë vlerë nisur nga pjesëmarrja jo e vogël, 68%, çka do të thotë se nevoja për të thënë një fjalë në vendime kaq të rëndësishme po sfidon indiferencën e deritanishme ndaj politikës.

Ambasadë amerikane false në Ghana. Ja një aktivitet për të cilin nuk të shkon mendja, por që është bërë realitet nga rrjetet kriminale turko-ghanese. Në lojë edhe një avokat me seli në Acra. Lajmi është njoftuar nga Departamenti Amerikan i Shtetit pas një hetimi të autoriteteve të Ghanës. Për një dekadë “ambasada” lëshonte viza autentike të marra në mënyë ilegale. Gjoja – ambasada u mbyll këtë verë dhe deri në atë moment ajo ishte vendosur në një godinë dy katëshe, një flamur amerikan që valëvitej dhe në brendi një foto e presidentit Obama.

Presidenti i Greqisë, Prokopis Pavlopulos, ka paralajmëruar me veto ndaj anëtarësimit të Maqedonisë në Bashkimin Europian. “Për sa kohë që Shkupi vazhdon në rrugën e rivendikimeve ndaj Greqisë, nuk do mund të ketë perspeëktivë europiane”, ka deklaruar Pavlopulos në një intervistë për televizionin publik grek, ERT, që u transmetua të dielën në mesditë.