Tensionet mes Greqisë dhe Turqisë në Mesdheun Lindor kanë përshkallëzuar drejt një niveli të ri duke u ndërkombëtarizuar më tej. Mediat greke raportojnë se aroplanmbajtësja francez, Charles De Gaulle po qëndron në Bllokun 8 që është pjesë e Zonës Ekskluzive të Qipros ku dy javët e fundit aty ka zhvilluar aktivitete kërkuese edhe anija turke Yavuz. 

Kryeministri ka deklaruar sot se analistët që dalin përnatë televizioneve janë avokatë të krimit. Mediumi prej nga ku z. Rama ka replikuar është Facebook dhe formati është ai i trios së preferuar të tij polifonike. 

Një qytetar çfarëdo ia ka hedhur muhabetin, kryeministri e ka pritur me këto fjalë: 

Bashkëshortja e Enver Hoxhës, Nexhmije Hoxha do të pajtojë një studio lobimi në SHBA për të rehabilituar figurën e ish-Diktatorit Shqiptar. Sipas burimeve të “Të Kripura”, kompania e kontaktuar është “Goodname Ltd” me seli në Washington dhe ndaj saj do të kërkohet një fushatë intensive për eliminimin e stereotipeve mbi figurën e Hoxhës. Fushata do të ketë si objektiv median europiane ku do të synohet eliminimi i klisheve si “Stalinist”, “Tiran” etj., të gjitha epitete gazetareske që nuk i përgjigjen ligjësive objektive të shtetformimit.

Polonia deklaron se do të ndërtojë së shpejti një central bërthamor për realizimin e të cilit është në bisedime me SHBA, Francën dhe Japoninë. Zëdhënësi i qeverisë Piotr Müller, deklaroi në një intervistë se veprimet për finalizimin e projektit mbyllen vitin që vjen dhe se ndërtimi do të zgjasë dhjetë vjet.

Në Itali, afrikanët që shesin rrugëve thirren “I vu cumpra”. Një mënyrë komike, ironike për italishet e afrikanëve, nisur nga artikulimi i fjalisë: “Vuoi comprare”? Të gjithë në të zezë, pra informalë më saktë, i sheh plazheve me mbulesa, kuverta, objekte tradicionale, të veshur sipas vendeve nga vijnë. Dhe askush nuk i ngacmon. Në Itali qarkullojnë fjalë se kjo është një ekonomi e kishës që i mbron ata. Ose versione të tjera.

Një raport i publikuar nga rrjeti Al Jazeera hedh dritë mbi disa fakte të mohuara deri më tani për atë që quhet Kryengritja e xhamisë Al-Haram në Mekë, në vitin 1979. Sipas dokumenteve të cituara nga ky rrjet, sauditët përdorën mercenarë francezë për të shtypur rebelimin e drejtuar nga një ushtarak, Juhayman ibn Muhammad ibn Sayf al-Otaybi, kundër monarkisë saudite dhe shtëpisë Al Saud.

Presidenti amerikan Donald Trump nuk ka munguar të japë një tjetër shfaqje personale teksa në seancën e zhvilluar me rastin e fjalës së tij drejtuar Kongresit. Në momentin e dorëzimit të fjalimit të tij drejtueses së seancës, demokrates Nancy Pelosi dhe zv.presidentit Mike Pence, Trump ka refuzuar ose nuk ka parë në të ëvrtetë dorën e zgjatur të Pelosit duke krijuar ilaritet në sallë.

Në fund të fjalimit Pelosi është parë të grisë fjalimin e Trump dhe siç raporton CNN, njerëz pranë saj kanë pranuar se demokratja ka qenë e irrituar nga veprimi i presidentit.

Larg sirianët nga Europa. Çdo emigrant i mundshëm po duket i tepër në kontinentin e vjetër, i kapur në rreth vicioz nga pretendimet për demokraci liberale dhe frikës së të huajve që emigrojnë për arsye ekonomike. Për të ndalur lëvizjen drejt perëndimit duket se ka nisur financimi në vendet e krizës. Kështu mediat turke shkruajnë se Gjermania ka akorduar 25 milion euro për ndërtimin e shtëpive në Idlib, pjesën siriane me synim akomodimin e sirianëve të zhvendosur.

Qeveria shqiptare ka publikuar sot shifrën zyrtare të dëmit të përllogaritur prej nga tërmeti i 26 nëntorit 2019.

Sipas grupit të punës që është marrë me këtë çështje dëmi përllogaritet në 985 milionë euro, ndërkohë që për rimëkëmbjen nevojiten 1 miliardë e 76 milionë euro.

Këto dëme ndahen në 843.9 milionë euro asete fizike të shkatërruara dhe 141.2 milionë euro humbje për 11 490 njësi banimi që janë të prishura ose të shkatërruara plotësisht dhe 83 745 njësi banimi të prishura pjesërisht ose lehtë.

Kompania që ofron shërbimin e kolaudimit në Shqipëri funksionon në kushtet e monopolit që prej vitit 2009. Ky shërbim u dha me koncension për një periudhë 10-vjeçare, afati i së cilës pritej të përfundonte në datën 3 shtator të vitit të kaluar, por u shty edhe për një periudhë 1 vit e 4 muaj, pra deri në fund të vitit 2020. Blendi Gonxhja, Drejtori i Përgjithshëm i Shërbimeve të Transportit Rrugor thotë se është duke u hartuar drafti për liberalizimin e këtij shërbimi.