Kontrolli i Lartë i Shtetit (KLSH) i ka dërguar një letër kryebashkiakut të Tiranës Erion Veliaj duke i kërkuar të pezullojë çdo veprimtari për teatrin derisa të vendosë Gjykata Kushtetuese në bazë të padisë që bëri kreu i shtetit, Ilir Meta.

Ndoshta është peticioni i parë që aktorë të një teatri ku kanë performuar një jetë të tërë, kërkojnë prishjen e tij. Ky është rasti me peticionin e firmosur sot nga disa artistë në krye të të cilit qëndron Robert Ndrenika, e pastaj vazhdon ndonjë tjetër si Arben Derhemi, apo Alfred Trebicka që në fillim folën për hunj e dhunë kundër prishjes.

Ky rrethim është vendosur prej disa ditësh në parkun e Liqenit Artificial të Tiranës pa një tabelë orientuese për punimet që do të kryhen mbi këtë hapësirë publike. Rrethimi zë një pjesë të konsiderueshme të parkut të madh të tiranës që është një prej zonave më të lakmuara nga ndërtuesit që planifikojnë godina shumëkatëshe. Në media është folur prej të paktën dy vitesh për ndërtimin e 3 kullave në këtë zonë nga kompania Kastrati, qëkurse kjo e fundit bleu ish-hotel Sheraton.

Mediat pranë kryeministrit janë hedhur në një sulm të dëshpëruar për të bindur nuk dihet se kë, se godina e Teatrit Kombëtar duhet shembur. Media që rëndom shtrojnë pyetje, pretendojë se bëjnë investigime, që kapin probleme ligjore, kësaj radhe janë dakord me apelin e qeverisë dhe duket sikur po bërtasin me thirrjen: Prisheni, prisheni. 

Përfaqësues të Aleancës për Mbrojtjen e Teatrit kanë publikuar një listë ku figurojnë emra drejtorësh në Bashkinë e Tiranës që firmosin për shembjen e godinës. Janë anonimë publikë, me detyra besnikërie, ku disa prej tyre janë verifikuar si njerëz me probleme nga Kontrolli i Lartë i Shtetit. Çka bie në sy është se për prishjen e godinës në fjalë ka një shumëzim firmash dhe njerëzish, ka VKM dhe vendim këshilli Bashkiak, për ta shndërruar procedurën në një përgjegjësi kolektive.

Aleanca për Mbrojtjen e Teatrit ka ngritur një padi në Prokurorinë e Tiranës për tre zyrtarë të Institutit të Ndërtimit. AMT ka kallëzuar në prokurori për "Shpërdorim detyre", Artur Hasantare, Olsi Nunajn dhe arkitekten Elbarina Kola.

Mësohet se padia është depozituar sot në Prokurinë e Tiranës.

Presidenti i Republikës, Ilir Meta ka deklaruar sot nga Kavaja se akti i mundshëm i prishjes së Teatrit Kombëtar është provokim për paqen sociale në vend.

Kreu i politikës së jashtme të Bashkimit Europian, Josep Borrell ka përsëritur idenë për një hetimtë pavarur shkencor për origjinën e pandemisë aktuale të koronavirusit. Përmes një opinioni në gazetën gjermane, “Frankfurter Allgemeine Zeitung”, teksa ka bërë thirrje që Kina të kontribuojë në luftën aktuale në përputhje me peshën e vet si vend, ka shtuar se një hetim është i nevojshëm: 

Një hetim i pavarur shkencor për origjinën e kësaj pandemie është po ashtu i domosdoshëm

citon Reuters, Borrell. 

Protesta për Teatrin Kombëtar është përmbysur në mënyë absurde në planin argumentues. Edhe mediat pranë pushtetit të z. Rama nuk po vënë theksin te ndërtimi i një teatri të ri, por te dobia dhe nevoja e prishjes së teatrit aktual.

Godina ekzistuese po trajtohet si një objekt spitalor epidemik, që pasi ka mbaruar funksionin duhet asgjësur si kujtim i një kohe të errët. Lexoni se çfarë thotë kryeministri, të cilit i kanë shteruar argumentet dhe flet për mandat popullor dhe për ekskluzivitetin e pushtetit ekzekutiv për çështje të urbanisitikës. 

Një lajm i ri shumë optimist vjen nga ShBA për luftën ndaj CoVid-19. Shkencëtarët kanë zbuluar se po të lash gojën me listerinë parandalon infektimin nga virusi. Aryseja është se listerina ka 20% alkool. Në mediat shqip ky lajm është një përkthim nga burimi i preferuar i saj, Daily Mail. Nëse lexon lajmin origjinal kupton se zbulimin e madh e ka bërë “një ekip ndërkombëtar shkencëtarësh”, sipas të cilëve madje është urgjente që të testohet lidhja larje goje-parandalim ndaj CoVid-19.